Inthlanpuia MLA pakhatmah nei lova tla ZNP an phur em em niin sawi.

ZNP Vice President, Pu K. Liantlinga chuan an party in MLA pakhatmah neilo mah se zam tur a nih loh thu sawiin, ‘Kum 2008 a MLA pahnih nei a kan tla ai khan kumin chu MLA pakhat mah nei lo mahila, ZNP te hi kan phur em em a ni,’ a ti.
He thu hi Lunglei-a ZNP Sub-Hqrs. Office hawnna inkhawm nimin a neih a hmanpuina ah sawiin Pu K. Liantlinga chuan Mizoram Politics thlipui a tleh reng rengin a tlehna party an sorkar ziah a. PC thli a lo thleh tawh a, MNF thli a lo tleh tawh bawk a, kum 2008 khan Congress thlipui a tleh tawh thu leh heng party te hi an sorkar vek tih a sawi a. Nikum khan Zoram pumah ZNP thlipui a tleh tih pawh sawi nawn lehin anni erawh chu an nil \hak tih sawiin, hei hi kawng hrang hranga beih an nih vang te, hel thawhpui a an puh bakah, NGO behchhan a nihna neite hmangin an beih vang te nia sawiin, ‘Sum leh pai a Mizoram sorkar a harsat em em lai khan, Mizoram sum K. Deposita an dah chu, an la chhuak bawk si a. Kan tan tihtheih a awm ta lo a ni,’ a ti bawk.
    Pu K. Liantlinga chuan tunah hian ZNP chu an phur em em tih pawh sawiin hei hi Mizoram mipui tam berin tun sorkar ah hian beiseina an neihloh vang a nih thu leh sorkar lo ding thar leh avang hian an lungngaiin an hlimlo em em niin a sawi a. kum 40 chuang sorkarna chelhtu te leh chelh mektu zawng zawng ten, ram hmasawnna leh mipui intodelh hlau ni awm hrim a an awm avangin India ramah kawng engkimah kan hniam ber tih sawiin, hei vang hian \halai lehkhathiam rual leh Zoram dinchhuah duhtuten ZNP a luh an in tihhmuh chho \an dawn niin alang ta, a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man