Eptu pawl ten EVM-ah thil dik tawklo awm ngei niin hria.

Tunhnaia din All Mizoram Opposition Joint Action Committee chuan inthlanpui neih takah EVM ah thil dik tawklo awm ngeia an hriat thu an sawi.
Niminpiah khan Aizawl Press Club-a thuthar lakhawmtute kawmin MNF, MPC, ZNP leh BJP telna All Mizoram Opposition Joint Action Committee hruaitute chuan inthlanna neih takah Mizoram CEO website-a vote tla zat leh vote chhiarnaa vote tla chhinchhiah zat chu vote 15,256 in a inthlau nia sawiin, hemi avang hian VVPAT enfiah turin Petition an buaipui mek tih an sawi a, EVM chu Joint Petition hmanga endik an dil tawh thu leh EVM te hi Lok Sabha inthlan leh Bye- Election atan 'First Level Checking' neih tur a nih tho dawn avangin hemi hun hi an nghah tak thu an sawi a ni. All Mizoram Opposition Joint Action Committee te chuan inthlan neih leh zel turah Ballot Paper hman chu an duh dan a ni tih sawiin, tuna EVM hi dik tawk lova an hriat zual avangin ECIL siam aia BHEL siam EVM hman an rawt thu an sawi bawk.
            Hetihlai hian MNF National Executive Meeting chu nimin khan Aizawl-a an Party Office, Mizo Hnam Run-ah neih a ni a, kum 2013 inthlanpui thlirletna leh Party hmalakna tur hrang hrang sawiho niin Electronic Voting Machine (EVM) zirchian mai piah lamah a fel lo lai awm theite finfiah a nih theih nan Gauhati High Court, Aizawl Bench-ah Petition thehluh \ha an ti a, hemi atan hian inbuatsaihna engkim peihfel ni tawhin ni 23rd January 2014 hian complain thehluh tum a ni. Hei bakah hian an Party Unit leh Group te chu Februairy thla chhunga inthlan nise an ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man