Burma-a Mizo ten Mizo-II tih an duhloh thu an sawi.

Burma rama Mizo awm te chuan mi \henkhat ten 'Mizo II' tiin an sawi \hin nia sawiin an rilru a na tak zet tih tunhnaia Zofa Friendship Tour a kal chanchinbumite hnenah an sawi.
Mizote inkara inunauna \ha zawk a awm theihna atana January ni 7-15,2014 chhunga Manipur, Myanmar leh Nagaland tlawha zin chanchinbumi te nen Zohmun, Myanmar a an inkawmnaah Burma rama cheng Mizo te chuan,"Tuna Burma rama awm te hi a tam zawk chu Mizoram a piang kan ni a, kan ram kan tih chu Mizoram hi a ni. Mahse hetihlaia mi \henkhat ten Mizo II anga min sawi te, kan ram ngeiah pawh in hmun leh ram nei thei loa kan awm te hi kan rilru a na a, Mizoram kal pawh hi kan chak loh phah hial a ni," an ti. Churachandpur-a Mizo People Convention (MPC) leh Group YMA hruaitute nen an inkawmhona ah pawh MPC hruaitute chuan Manipur-a Mizo hnahthlak hnam hrang hrangte inkarah engemaw inhriatthiamlohna a thleng lek lek \hin tih sawiin, unau an nih ang ngeia inngeih tlang taka awmho hlan an nghakhlel hle tih an sawi bawk.
    Zofa Friendship Tour a kal te hian Churachandpur leh Imphal inkara Sailo lal Vanhnuailiana'n Mizoram chin a hauhna Vanhnuailiana Raw phun, Loktak dil, Assembly House, High Court leh Moreh hmuna India leh Myanmar insumdawntawnna hmun te an tlawh a. Myanmar ah hian Tamu Region-a Mizo MLA, Pu D. Thangliana leh Mizo hruaitute nen an inkawm bakah Khampat hmuna Bung an tlawh bawk a. Nagaland-ah letin Indopui-II hun laia British sipai thi te thlan (war cemetery) leh Naga kut ropui leh hmingthang Hornbill Festival an hman \hinna hmun te an tlawh bawk a ni. Zofa Friendship Tour ah hian Mizoram hmun hrang hrang a\angin chanchinbumi 29 an kal a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai