Posts

Showing posts from 2014
Horticulture Department in Serchhip Lengte rama Centre of Excellence an kalpui mek chu nimin Dec. 16, 2014 khan MJA Serchhip District Member ten tlawhin an hmalak dan an enfiah.

Mizoram Calendar

Mizoram sorkar Information & Public Relations Department in ‘Mizoram Calendar 2015’ an siam chu tunlai hian District Information & Public Relation Officer (DIPRO) Office, Serchhip IOC Veng a\angin hralhchhuah mek a ni a. Mizoram Calendar hi Serchhip District-ah 1500 rawn thlengin pakhat Rs. 50 hisap zelin lei theih a ni.

VC in Kumhlui thlah Prog. huaihawt dawn

Serchhip Joint VC chuan kumin kumhlui thlahna programme buatsaih tura DC’s Office in an ngenna chu tih hlawhtlin nise an ti.

Tuipui ‘D’ Lei dawhlai chim ah mi 1 boral. Lei dawh siam\ha leh turin PWD in hma la nghal.

Inrinni kalta (Dec. 13, 2014) chhun dar 12:15 vel khan Lunglei District-a Tuipui Darzo kai lei dawh mek chu a chim a, lei hian mi 10 chim hnanin hliam an tuar a, hliam zinga pakhat chu damdawi In panpui a nih laiin a boral bawk. 

HPC (D) hel pawl nia inchhal ten pawisa khawnna siam.

HPC (D) te chuan an demand area chhunga sorkar School Headmaster leh Head Teacher \henkhat te hnenah pawisa khawnna lehkha an thawn.

Pro. Pastor-ah la thar

Synod Pastoral Committee \hukhawm chuan Synod Inkhawmpui a chhawpchhuah turin Pro Pastor 26 an la thar a, heng mite hi Mizo-ram chhunga thawk tur mi 20 leh Synod Mission Board hnuaia thawk tur mi 6 niin heng Pro. Pastor lak thar te hi tunkar Nilani, Dec. 10 khian Synod Rorelna Floor-ah inlan tura tih an ni a. Heng Pro. Pastor tura lak thar zingah hian C. Lalramchena Chhangte s/o  Upa C. Lalhmun-liana, Serchhip Field Veng pawh a tel nia thudawn a ni.

Chanchinbu chawlh hun

MJA Serchhip District chuan nimin Dec. 8, 2014 zing khan Executive Meeting neiin kumin a tualchhung chanchinbu tihchhuah Ni hnuhnung ber tura an lo ruahman tawh Dec. 20, 2014 chu remchan lohna a awm avangin Dec. 19, 2014 (Zirtawpni) thlengin tualchhung chan-chinbu tihchhuah nise an ti a. Hemi Ni hian intihhlimna neiin miharsate \anpuina hun hman nise an ti bawk.

Intihhlimna siam dan tur sawiho

Mizoram sorkar in Kumhlui thlah zana District hrang hranga sum a pekchhuah \hin chu Serchhip District chuan kumin hian Rs. 80,000/- a hmu leh a. He sum hman dan tur hi nimin khan District Bawrhsap hova sawiho niin a hma lama Concert lo huaihawt \hin chu a hlawhtling lo nia hriatna a awm bawk avang leh Concert huaihawt thei hi an awm mailo nia a lan avangin thutlukna siam lovin hun danga la ngaihtuah turin an dah nia thudawn a ni.

Hectare 20,377-ah Oil Palm ching tawh

Mizoram puma ram hectare 20,377 a zau ah Oil Palm chin a ni tawh.

Mizoram District 6-ah Jail hawn a nih tawh laiin Serchhip tiamin District 2-ah Jail la hawnglo.

Mizoram District paruk a Tan In (Jail) 7-ah nitin chawhrualin mi tang 1,167.05 awm reng ang an ni a. Hetihlai hian Mizoram-a District 2- Serchhip leh Mamit District-ah chuan Jail hi hman theih ala nilo thung.

Chief Minister in ZOFEST 2014 a hmanpui.

Mizo Zirlai Pawl (MZP) in Haflong Moulhoi-a ZOFEST 2014 a buatsaih chu nimin Dec. 4, 2014 khan Chief Minister, Pu Lal Thanhawla chuan a hmanpui.

Naupangte venhimna Dan zirho

Serchhip District Child Protection Unit leh DIET, Ser-chhip bultumin nimin Dec. 4, 2014 khan Serchhip District chhunga Primary School hrang hranga Nodal Teachers for Protection of Child Rights te pualin DIET Conference Hall, Serchhip Chanmari Veng-ah naupangte venhimna Dan chi hrang hrang zirhona neih a ni a, Serchhip District chhunga Primary School zirtirtu 77 an tel a ni.

Sericulture-ah NLUP-ah pawisa dawn tur awmsa

Sericulture Minister Dr. BD.Chakma chuan NLUP 3rd leh 4th Phase beneficiary te tan pawisa dawn tur a awmsa vek tawh tih sawiin, ‘One Village, One Crop’ anga kalpui tum anih tawh avangin hma thar lak a nih thu leh peihfel \ep a nih tawh thu a sawi bawk.

Fisheries Minister in Serchhip-a DFDO Office tlawhin beiseina sang tak an neih thu a hrilh.

Fisheries Minister Dr. BD. Chakma chuan nimin Dec. 4, 2014 khan Serchhip-a District Fisheries Development Officer’s (DFDO) Office tlawhin Serchhip-a DFDO leh Staff te lakah beiseina sang tak a neih thu a sawi.

MIZOFED hriattirna

Manager MIZOFED LPG Ser-chhip Branch hnen a\anga thu kan dawn danin MIZOFED LPG Serchhip-a Gas connection nei zawng zawng ten Direct Benefits Transfer Scheme (DBTS) hman a nih tawh dawn avangin MIZOFED Office ah MDBTL ‘Form 3’ leh ‘Form 4’ te Rs. 10/- in lei theih a ni a, a duh tan www.Indane.co.in-ah download theih a ni bawk ang. Hemi Form thehluhna atan hian Gas Card leh Bank Detail te hman tur a ni bawk ang.

ZDU Serchhip hruaitu chawimawi

Zoram Drivers’ Union (ZDU) chuan nimin Dec. 3, 2014 khan Ai-zawl-ah General Assembly neiin ZDU hruaitu hlun chawimawina an hlan a. He chawimawina hi ZDU Sub-Hqrs. Serchhip-a hruaitu nilai mi 6 te chuan an dawng \heuh a. ZDU Sub-Hqrs. Serchhip-a hruaitu 3 ten a zawna kum 10 chhung hruaitu nih chawimawina dawngin hruaitu dang 3 ten a zawna kum 5 hruaitu nih chawimawina an dawng bawk a ni.

Horti Deptt. in NLUP \anpuina an sem

Serchhip-a Horticulture Department chuan nimin khan Serchhip Cluster huamchhunga NLUP 2nd Phase \anpuina dawngtute hnenah 3rd Installment an sem.

MP te Model Village enkawl zui dan tur zirhona Serchhip-ah neih a ni.

India rama Member of Parliament (MP) ten Model Village an neih \heuhna tura ruahmanna chungchang zirhona chu nimin khan Serchhip DC’s Conference Hall-ah neih a ni.

Serchhip-ah Rualbanlote Ni pualin hun hman a ni

‘Rualbanlote mamawh ber an dikna leh chanvo neih te dik taka an chan a ni.’ - D.C

MPCC General Assembly vawi 35-na neih a \an a ni.

Nimin Dec. 2, 2014 a\ang khan rorellai Mizoram Pradesh Congress Committee (MPCC) chuan Aizawl-a Vanapa Hall-ah General Assembly vawi 35-na an hmang a, Presidential Address petu MPCC President leh Chief Minister ni bawk Pu Lal Thanhawla chuan eptu party MNF-in Supreme Court a\angin sorkar tumin hma an la leh mek niin a sawi.

Christian Book Festival nei tan

Nimin Dec. 2, 2014 a\ang khan Serchhip Chhim Veng-a Lalpui-thanga Hall-ah Serchhip-a a \um-khatna atan ‘Christian Book Festival’ chu neih a ni a, he Festival hi Rev. C. Lalengliana chuan Ribbon chep chata hawngin Pathian hnenah \awng\aina nen a hlan a ni. He Book Festival-ah hian Bible leh Pathian thu ziakna lehkhabu chi hrang hrang te leh CD bakah In cheina leh Krismas laia In cheina tur chi te chu a man pangngai aia za zela 10-a tlawmin zawrhchhuah a ni a, he hun hi tunkar Zirtawpni thleng khian neih tura ruahman a ni.

RBD ten training nei

Nimin Dec. 2, 2014 khan Serchhip District chhunga Registrar of Birth & Death te tan Serchhip AOC Veng-a District Research Office-ah training buatsaih a ni a, he training hi Aizawl a\angin Pi Ann Puii, Deputy Director, Economic & Statistic Department chuan rawn hmanpuiin Form chi hrang hrang hman dan zirho a ni a, he hunah hian District chhunga Registrar of Birth & Death 44 zinga mi 42 an tel a ni.

SJSRY kaltlanga Serchhip-a BPL chhungkua thiamthil zirchhuakte hnenah hmanrua sem a ni.

UD&PA Department in SJSRY kaltlanga BPL member Furniture Workshop, Handicrafts leh Puan\hui (Tailoring) zirna Serchhip-a a buatsaih a zirchhuakte hnenah nimin khan Certificate leh hmanrua sem a ni.

Excise & Narcotics Department in hma la mek

Serchhip-a Excise & Narcotics Department chuan Krismas leh kumthar vuakvet lo thleng tur atan ngawh taka hma la mekin nimin Dec. 1, 2014 khan Chanmari Veng chhuahlam ah ramchhuakin Zu siamna hmun \hahnem tak an tichhiat bakah Rakzu thlawrsa leh a siamna bel \ha-hnem tak an man bawk.

Bazar chung luah dawn

Kumin Krismas leh kumthar vuakvet ah mipui ten an mamawh thil chi hrang hrang awlsam zawka an lam theihna turin Serchhip Ba-zar building chung zawl chu thil zawrhna hmun atan hman leh a ni dawn a. Hemi atan hian nimin khan Serchhip Bazar tual-ah Seat Number pawh niin Serchhip Bazar Building chung berah thil zawrh tum mi \hahnem takin Seat hi an pawt a ni.

Serchhip Bazar chei \an

Serchhip Kawnpui South Branch YMA chuan kumdanga an lo tih tawh \hin angin Krismas lo thleng tur atan nimin Dec. 2014 a\ang khan Serchhip Bazar cheimawi hna an thawk \an a, Taxi Stand hnung-a lungrem chu rawng an hnawih thar bawk a ni. Hetihlai hian kumin hian Krismas vuakvet-ah kumdang aiin mahni veng cheimawi tum an tam zawk nia thudawn niin veng hrang hrang chuan tunlai hian hma an la \an mek bawk a ni.

Rukru nia hriat man; In pakhat rawk

Serchhip-a thil rutu nia hriat mi pakhat chu nimin zing khan Serchhip Dinthar Veng-ah a thilruk te nen man a ni a, hetihlai hian nizan hmasa khan Serchhip Hmar Veng a In pakhat chu rawk a ni bawk.

Serchhip-ah World AIDS Day hman a ni. Mizoram-a HIV+ ah Sex a\anga kai an tam ber.

Nimin Dec. 1, 2014 khan khawvel pumah ‘World AIDS Day’ hman a ni a, Serchhip-ah pawh he Ni pual hian inkhawm neiin Dr. ZD. Lalmuanawma, District Medical Superintendent chu khuallian a ni.

A \um 6-na atan Zofest hmang leh dawn

MZP buatsaih Zofate inkhawm-pui lian ‘Zofest’ chu a \um-6 na atan tun thla Dec. 3 a\anga ni 5 inkar chhung hian Assam-a Haflong khua-ah neih a ni dawn.

Mathematics-ah exam nei

Mizoram Mathematics Society (MMS) chuan Inrinni kalta, Nov. 29, 2014 khan Serchhip District chhunga zirlai te tan Govt. Higher Secondary School Serchhip-ah Mathematics Subject Competitive Exam an buatsaih a. He Exam-ah hian Serchhip District chhunga zirna In hrang hrang a\angin zirlai 100 chuangin exam hi an bei a ni. Mathematics Competitive Exam hi Class V, Class VII, Class X leh Class XII ten an nei a ni.

ATMA-a DPD-ah tling

Mizoram Public Service Commission chuan Directorate of Agriculture Crop Husbandry-a Agriculture Technology Management Agency (ATMA) hnuaia thawk tur, Deputy Project Director 5 lakna result chu kar kalta khan tichhuakin John Laltluangliana s/o Francis Lalmaka, Serchhip P&E Veng chu tling zingah a tel a.  ATMA hnuai veka Horticulture hnuaia thawk tur, Deputy Project Director 4 lakna ah Gregory Malsawmkima s/o Daniel Lalawmpuia, Serchhip P&E Veng chu a tling bawk.

S. Kawnpui Biak In hawng

Mizoram Synod Moderator, Rev. K. Lalhmuchhuaka chuan Inrinni kalta, Nov. 29, 2014 khan Presbyterian Serchhip Kawnpui Kohhran Biak In sak thar chu hawngin Pathian hnena hlanna neih a ni a. He Biak In sa thar tur hian Jan 12, 2009 khan lungphum phum niin Rs. 210,36,535 sengin a dung feet 90 leh avang ft 60 a zauva sak a ni a, a chhungah mi 1100 leng tura ngaih niin ni 2042 chhung sak a ni a, tun \um hi Biak In sak \um 4-na a ni.

MHCS in cheng vbc. 10 chuang pe tawh

Mizoram Health Care Society (MHCS) chuan kumin 2014-2015 chhungin damlo inenkawlna senso ah cheng vbc. 10 chuang a pechhuak tawh.

Bairabi leh Sairang inkar Rel kawng lian chi siamna turin PM in lungphum a phum.

Bairabi leh Sairang inkar Rel kawng lian chi siamna tur lungphum chu Inrinni, Nov. 29, 2014 zan khan Prime Minister, Narendra Modi chuan phumin cheng vbc. 2000 chuang senga hna thawh a ni ang.

Chanchinchu chawlh hun tur

MJA Serchhip District chuan kumin (2014) atan Dec. 20, 2014 thlengin tualchhung chanchinbu tichhuakin Krismas leh kumthar chawlh hman nise an ti a, kumthar atan Jan. 6, 2015-ah chanchinbu tihchhuah leh a ni ang.

A thlawna thisen pek tlahniam zel

Kumin January thla a\anga September thla thleng khan JN Hospital Serchhip Blood Bank-ah thisen Unit 446 pek a ni tawh a, kum chanve hnulam ah a thlawna midangte tana thisen pek zat erawh a tlahniam hle thung.

Serchhip-ah S&WC Deptt. in NLUP an sem.

‘NLUP hlawhtlinna a dawngtu-ah innghat’ - D.C. Serchhip-a Soil & Water Conservation Department chuan an hnuaia NLUP Second Phase \anpuina dawngtu te hnenah \anpuina sum an dawn hnuhnung ber tur chu nimin khan Bawrhsap hovin an sem.

Mipui himna atan hma la mek zel

Kumin a Krismas leh kumthar vuakvet lo thleng turah mipui ten buaina awm lova hlim taka hun an hman theih nan Serchhip Police te chuan tunlai hian hma la mekin zan lamah Veng hrang hrang fangin hma an la chho \an mek.

M/s Mizo Carbon insawifiah turin ti

Industry Minister Pu H. Rohluna chuan M/s Mizo Carbon Products Pvt. Ltd. chu Industry department in show cause notice a pe mek tih sawiin, an permit an renew loh avangin explantion an call mek tih a sawi bawk.

Mizo \halai hnathawk tura chhawr harsatna Chief Minister in House-ah a sawi.

Chief Minister, Pu Lal Thanhawla chuan Mizo \halaiten overtime leh holiday-a hna thawh ngai chi te an thawk peih meuhlo tih sawiin, Mizoram a inbun company leh contractor te chuan Sorkar leh mipui zah vang chauhin Mizo \halai an chhawr a ni, a ti.

Ration buhfai man to dawn

Food, Civil Supplies & Consumer Affairs Minister, Pu John Rotluangliana chuan ration dawr a\anga buhfai leina man, kg khatRs. 9.50 ni \hin chu nakum January thla a\angin kg khat Rs. 15 a ni tawh dawn tih Assembly a hrilh a, ration dawra buhfai man tihpun a\ang hian sorkarin thla khatah cheng vbc. 4 leh nuai 56 a hmu dawn tih a sawi. Minister chuan nakum January thla a\ang chuan VIP quota zawng zawng pawh tihtawp a ni dawn tih a sawi a, sorkar officer lian leh sumdawng hausa zawng zawngte pawh an ration card hmanga ration la tawh lo tur leh, an ration card chu sorkara thehlut turin a ngen a, ration card chu chhungkaw identity card pawimawh atan hman \hin a nih avangin sorkara thehluttute hnenah buhfai lakna atana hman loh tur chi ration card pek chhuah a ni ang, a ti bawk. Pu John Rotluangliana chuan dawrkaite chu an dawra buhfai zuar \hin turin a ngen a, FCI a\anga lak, supply buhfai tih loh, buhfai dang bazar a\anga leite chu zalen taka zawrh chhuah phal niin a sawi bawk.

Mizoram leiba hriat theih cheng vbc. 5114 chuang a ni.

Finance Minister Pu Lalsawta chuan Mizoram Sorkar in leiba a neih hriat theih hnuhnung ber chu cheng vbc. 5114.20 a ni, a ti.

Serchhip-IV kawngpui kam laih phallo

Tunhnai chhoa Airtel Company in Serchhip khawpui chhunga NH. kam-a cable phumna tura kawng sir an laih chu Serchhip-IV VC te chuan an huamchhung kawngpui sir ah laih an phalloh thu an sawi a. Airtel Company ten phalna an neih thu an sawi rualin, VC te chuan kawngpui zauhna hi an sum a thawh a nih avangin an phallo nia thudawn a ni a, hei vang hian Bazar leh Kikawn inkar chu NH. 54 tlaklam ah phum a ngai dawn nia thudawn a ni.

Chhiahtlang-a ITI tur hmun tur tifel tawh

Labour Employment & Industrial Training Minister Pu Lalrinmawia Ralte chuan Chhiahtlang a ITI dinna tur ram buai chu chinfel a ni tawh tih sawiin, hna thawh \an thuai a ni ang, a ti.

Mizoram hmundang rualin Serchhip-ah Fimkhurna Hapta hman \an a ni.

Lirthei leh a kaihhnawih laka fimkhur a \ul zia inzirtirna Hapta ‘Road Safety Week’ vawi 34-na chu nimin a\ang khan Mizoram hmun-dangte rualin Serchhip-ah pawh hman \an a ni.

RAY Scheme hawn a ni

Mahni chenna tur In leh lo din thei lo mi rethei te tana chenna In \ha tak sak sakna tur ruahmanna Rajiv Awas Yojana (RAY) Pilot Pro-ject chu nimin Nov. 24, 2014 khan UD&PA Minister, Pu Zodintluanga chuan Aizawl-ah a hawng a. RAY hian a tum ber chu kum 2022 ral hmaa ‘Slum Free India’ siam a ni a, he Scheme hi Mizoram District khawpui zawng zawngah kalpui tum niin Preliminary Survey neih zawh a ni tawh a, Mizoram-a khaw 8-ah kalpui phawt tur niin In pakhat sakna atan Rs 4,87,000 /- ruahman in he Project atan hian cheng nuai 1,120.01 pawm a ni tawh bawk.

MHIP ten hnatlang nei

MHIP Sub-Hqrs. Serchhip buatsaihin nimin Nov. 24, 2014 khan MHIP kumpuan, ‘Faina uar Kum’ bawhzuina atan Serchhip Bazar leh a chhehvel thenfai hnatlangpui neih leh a ni a, he hunah hian Serchhip Town-a MHIP Branch 19 a\angin mi 120 vel an thawkchhuak a, bawlh-hlawh paihna turin DLAO chuan Motor a pe bawk a ni.

Kum 6 chhungin IR Bn. te enkawlna atan Sorkar laipui a\angin cheng vbc. 31.87 hmuh a ni.

Home Minister Pu R. Lalzirliana chuan kum 6 kalta chhunga IR Bn. te enkawlna tura Mizoram Sorkarin central a\anga sum a hmuh chu cheng vbc. 31.87 a nih thu sawiin, IR te enkawlna tura Mizoram Sorkar sum senral tawh chu cheng vbc. 565 niin a sawi.

Mizoram pum huap Boxing inelna zofel.

Mizoram pum huap Boxing inelna Serchhip Boxing Hall thara khelh, ‘State Bank of India - POS 36th Mizoram State Boxing Championship 2014’ chu Inrinni zan khan zawhfel a ni a, Lunglei District chu an champion a ni.

A thlawnin thisen pe

UPC (NEI) hnuaia Penticostal Youth Department (PYD) Serchhip Pastor Bial chuan kumin a Conference an an lo rel tawh tih hlawh-tlinna atan Inrinni kalta, Nov. 22, 2014 khan JN Hospital Serchhip Blood Bank-a dah turin a thlawnin thisen an pe a, thisen petute hi mipa 18 leh hmeichhia 4, an vaiin mi 22 an ni a, thisen petute hian Blood bank-ah kalchilhin thisen hi an pe a ni. Thisen pek \an hma hian Association for Voluntary Blood Donation (AVBD) Serchhip Branch chuan thisen pek pawimawhna te zirtirin Awareness campaign an nei bawk a ni.

Pawikhawihna a inhnamhnawih man

Tun thla (Nov. 3) zana Serchhip AOC Veng-a hnamdang mi 4 hrai ruitu ten Serchhip-a an thurualpui mi pakhat chu Inrinni khan Serchhip-ah man a ni.

Dawngzawl rama Serchhip District Park mipuite hman theih tura hawn a ni.

Local Administration Department (LAD) in Serchhip leh Kei\um inkar Dawngzawl rama ‘Serchhip District Park’ an siam chu Inrinni kalta, Nov. 22, 2014 khan Chief Minister Pu Lal Thanhawla chuan a hawng.

Tuikum lui humhalh

Serchhip P&E Veng Branch YMA chuan Tuikum lui, Pu Lawm-hlira leilet a\anga lui mawng lam, Darnam chhuah thleng chu an hum-halh thu sawiin, Dan in a phalloh hman-rua Dynamo, Bomb, Tur, Chinai etc. hmang te a Luidung nungcha man an khap tih an sawi a. He an khapna hi mitin ten zawm saka lo humhalh pui tura sawmin, an khapna bawhchhia te chu thuneitute hnen ah an hlan tur thu an sawi bawk.

Health Department hnuaia thawkte fimkhur turin chah

Health Minister Pu Lal Thanzara chuan Health Department hnuaia thawk te chu mihring nunna khawih an nih avanga hmangaihna nen damlo enkawlna kawng ah thawk \hin tura fuihin, mualphona tawk thei reng an nih hre renga fimkhur taka thawk \hin turin a chah bawk.

Auditorium hna chawlhsan humhalh

Serchhip Field No-I a Auditorium sak chu Contractor in an hawsan hnuah enkawltu mumal an awmloh avangin leh bungrua bo a awm nual tawh avangin Serchhip-I VC leh Field Veng Branch YMA chuan nimin khan hung in mipui tlawhpawh theihloh turin an dah a. He building hi kumin December thlaa zawh hman tura ruahman a nih laiin a satute an haw tak avang hian Tender chhuah leh a ni dawn nia thudawn a ni.

Chief Minister in P&S in bungrua \ha ngei hman a ngai tih sawi.

Chief Minister Pu Lal Thanhawla chuan Printing & Stationary Department chu Department hrang hrangin an dawr theihna turin an bungrua te hman tlak quality \ha ngei a nih a ngai tih a sawi.

Zu khuahkhirhna tura Dan tesep peih felin Assembly Session neih mekah pharh a ni.

Mizoram-a Zu khuahkhirhna tur Dan thar, The Mizoram Liquor (Prohibition and Control) Rules-2014 Dan tesep duan te chu peihfel a nih hnuah nimin khan Assembly House-ah pharh a ni ta.

Thirban ding sawn dawn

Serchhip Bazar tual-a Electric ban leh Telephone ban awm chu sawnchhuah a ni dawn a, nimin khan Telephone ban sawn dan tur leh tuna hrui kal mek sawn dan turte enfiah a ni bawk. Heng ban sawnna atan hian PWD chuan P&E Department-ah Rs. 55,850/- an pe tawh a, he sum hi a area neitu VC te rulh leh tur nia sawi a ni bawk.

Model Village-a thlan te enkawlna tur SAGY zirho a ni.

Model Village-ah Serchhip District-a khaw 2 thlan an ni

Eklavia hawn thuai beisei

Social Welfare Department changtu Minister, Pu PC. Lalthanliana chuan cheng vbc. 12 senga Serchhip-a Eklavia Model Residential School sak mek chu reilote ah zawhfel beisei a nih thu nimin a Mizoram Legislative Assembly inkhawm ah a sawi a. Kumthar a Session thar ah zirna \an theih tura hawn beisei a nih thu a sawi bawk.

Session-a chhanna mumallo enfiah dawn. Compensation vangin kawng laih \an theih la nilo.

PWD changtu Chief Minister, Pu Lal Thanhawla chuan PWD in Assembly zawhna an chhanna chungchang enfiah a nih tur thu sawiin, Serkhan-Bagha Road chu zangnadawmna avanga \an theih a nihloh thu a sawi bawk.

Auditorium humhalh tum

Serchhip Field Veng Branch YMA leh Serchhip-I Village Council te nizan hmasa a \hukhawm chuan Serchhip-a Auditorium sak chawlh san tak chu misual leh rukru tam takin an rawk mek avangin humhalha veng turin hung nise an ti a. Hei bakah hian tumah luh tum tawh lo tur leh nulat tlangval hman nan emaw, ruihtheih thil tih nan emaw hman tum tawhlo turin mitin te an ngen nghal bawk. He an ngenna ngai pawimawhlo a lut lui te chungah a \ul anga action lak a nih tur thu pawh sawiin, \ul bik thila lut tur te chu VC leh YMA hruaitute hriat-tir turin an ngen bawk.

Mizoram-a khelmual 6-ah Phullem phah a ni tawh

Sports Minister Pu Zodintluanga chuan, Mizoram chhunga khelmual 6 ah phullem phah a nih tawh thu House a hrilh.

YMA in Ui khuahkhirh tum

Serchhip Chanmari Branch YMA chuan an Branch huamchhungah Ui khuahkhirh turin hma an la mek a. He an hmalakna atan hian an Veng-a Ui nei zawng zawngte survey an neih hnuah heng Ui zawng zawngte hi Number pein he No. hi Ui in an awrh theih turin an siam sak a. Heng ui No. an pek te hi nimin Nov. 18, 2014 a\ang khan sem chhuakin hetiang awrh lo Ui te chu Ui chuang ah ngaih an ni anga, lo tiral an awm a nih pawhin sawibuai theih a nih loh tur thu an sawi bawk.

MB&OCWWB a\angin mi 17,092 te chhawmdawl an ni tawh.

Mizoram Building & Other Construction Workers Welfare Board hnuaiah tun thleng hian chhawmdawlna dawng tawh mi 17092 a awm a, hemi atana tun thla Nov. ni 7, 2014 thlenga sum hman tawh chu Rs 16,28,39,438/- a tling tawh.

Mizoram pum huap Boxing inelna \an

Mizoram Boxing Association (MIZBA) buat-saih 36th Mizoram State Boxing Championship chu nimin Nov. 18, 2014 khan Serchhip-a Boxing Hall sak mek ah khelh \an a ni.

House-ah K. Deposit chungchang sawichhuak. K. Deposit-ah cheng vbc. 535 chuang awm mek.

Finance Minister Pu Lalsawta chuan tun dinhmuna K Deposit a sum dah chu cheng nuai 53523.96 a tling tih sawiin, sorkar a awm chhung chuan K. Deposit ah hian sum dah a ngai reng dawn niin a sawi bawk.

Private hnuaia thawkte tan a thlawna inenkawlna

Kum 2015 kumtir a\angin Mizoram-ah Employees State Insurance Scheme kalpui \an tum a ni a, he scheme hnuaia inziaklutte chu damloh nikhua ah an inenkawlna senso zawng zawng a thlawnin tumsak vek an ni dawn.

Mimal kutah Tourist Lodge hlan dawn

Tourism Minister Pu John Rotluangliana chuan Mizoram chhunga Tourist Lodge 15 te chu mimal hnena hlan tum a nih thu sawiin, hemi atan hian Tender pawh tihchhuah a ni tawh tih a sawi.

Assam leh Mizoram ramri buai chingfel turin State pahnih aiawhte \umhnih an inbe tawh.

Home Minister Pu R. Lalzirliana chuan Assam leh Mizoram ramri buaina chingfel turin sorkar leh sorkar inbiak a \ul thu sawiin, Assam leh Mizoram sorkar aiawhte inbiakna \um hnih neih a nih tawh thu a sawi.

House-ah The Mizoram Lokayukta Bill 2014 pawm a ni.

Mizoram Legislative Assembly Budget Session ni thumna, nimin Nov. 13, 2014-a chhunzawm ah eirukna dona tur Lokayukta Bill 2013 chu pass a ni.

Kum 2010 a\angin Mizoram buh thar pung chho zel.

Kum 20010 a\anga kum 2013 thlengin Mizoram-ah buh Ton 222,611 thar a ni a, kumtin in buh thar zat hi a pung zel a ni.

Vohbik te laka rilru put hmang thlak \ul ti

SCERT-a Special Education Officer, Pi Sangzuali chuan Vohbik naupangte laka mipui nawlpui in kan rilru put hmang chu kan thlak a \ul tawh thu a sawi.

NLUP \anpuina dawng zui tlaklo 176 awm

Mizoram-a NLUP kalpui mekah NLUP hnuaia \anpuina dawngtu mi 176 te chu NLUP \anpuina dawng zui tlaklo an ni.

Sorkar laipui ruahman angin Mizoram-ah Direct Benefit Transfer Scheme hmang dawn.

Mizoram sorkar chuan thuchhuah siamin April 2015  a\angin sorkar laipui chuan Mizoram a Domestic LPG Consumer-te tan Direct Benefit Transfer Scheme (DBTS) a kalpui tawh dawn thu an tarlang.

Mizoram-a hmasa ber turin Model Village-ah Chhiahtlang puang.

Central sorkar in ramchhunga MP tin te Model Village nei tura a tih angin Rajya Sabha MP, Pu Ronald Sapa Tlau chuan Chhiahtlang khua chu Model Village-ah thlangin nimin (Nov. 12, 2014) khan puan a ni.

Ni 100 inhlawhna turah chawhrualin ni 79 inhlawh

Kum 2013-2014 chhungin ni za inhlawhna tia hriat lat Mahatma Gandhi National Rural Emloyment Generation Scheme hnuaiah Mizo-ram chuan sum Rs. nuai 25668.964 a hmu a, hemi kum hian chawhrualin Mizoram mipui chu ni 79 inhlawh ang an ni.

Serchhip-a hnamdang mi 4 suamtute Motor rukbo rawn thlenpui.

Tun thla Nov. 3, 2014 zana Serchhip AOC Veng-a hnamdang mi 4 te hrai ruia rawktu chu hriat ni tawhin man tuma beih mek a ni a, hemi zana an rukbo Car chu hmuh let ni tawhin nimin khan Serchhip rawn thlenpui a ni.

Legislative Assembly Session neih mekah Mizo mipuite nghawng tur Dan thar pawm a ni.

Nimin a Mizoram Legislative Assembly inkhawm ah Mizo khawtlang nun her danglam thei tur dan pawimawh tak, inneih, in\hen leh rokhawm chungchang-a dan tlawh chhan tur ‘The Mizo Marriage, Divorce and Inheritance of Property Bill 2014’ chu lungrual taka pass a ni.

Serchhip-a hnamdang mi 4 suamtute Motor rukbo rawn thlenpui.

Tun thla Nov. 3, 2014 zana Serchhip AOC Veng-a hnamdang mi 4 te hrai ruia rawktu chu hriat ni tawhin man tuma beih mek a ni a, hemi zana an rukbo Car chu hmuh let ni tawhin nimin khan Serchhip rawn thlenpui a ni.

Gynae rawn thei dawn

Mizoram sorkar in ruahmanna a siam angin Hmeichhe lam Doctor (Gynaecologis), Dr. Vanlalhruaii, Aizawl Civil Hospital a thawk lai chuan tunkar Zirtawpni leh Inrinni (Nov. 14 leh 15) khian JN Hospital, Serchhip-ah Clinic a rawn nei dawn a, a mamawh apiangte tan rawn theih a ni ang.

Buhfai, Power leh Tui vangin sorkarin thla 1-ah cheng vbc 24.18 a hloh ziah : Lalsawta, Finance Minister

Finance Minister Pu Lalsawta chuan Mizoram sorkarin a man tlawma mipuite hnena Buhfai, Power leh Tui a hralhchhuahna a\angin thla tin cheng vbc. 24.18 a hloh ziah a ni tih sawiin, mipuite chu sorkara sum chawi tur an neih angte dik taka pe \hin turin a sawm.

Zirlai naupang hriselna dinhmun enfiah

RMSA Serchhip District leh SCERT Mizoram buatsaihin nimin Nov. 11, 2014 khan Serchhip District a High School leh Higher Secondary School zirlai naupangte tan Free Health Camp neih a ni.

Assembly Budget Session neih \an ah Kum 2014-2015 Mizoram Budget pharh a ni.

Mizoram Legislative Assembly 7-na \hutkhawm \um 4-na Budget Session chu nimin Nov. 11, 2014 khan \an niin kum 2014-2015 chhunga Mizoram sorkar Budget cheng vbc. 3140 chu House-ah pharh a ni.

Volleyball khelh theihna turin siam

New Serchhip Community Hall sak thar chu a chhunga Volleyball khelh theihna tura siam a ni a, Inter-District Volleyball Championship khelh tura Serchhip District aiawha kal turte tan bik chauh hman theiha siam ala ni rih thung.

Session neih tur atan Bill 4 lut tawh

Naktuk November ni 11, 2014 a\anga \an tur Mizoram Legislative Assembly \hutkhawmah chuan dan siam tur ngaihven hlawh tak tak putluh a ni dawn.

Tripura-a Bru Transit Camp siam a nih hnuah Bru raltlan mi 6,511 laklet an ni tawh.

Tripura-a Mizoram mi Bru raltlan te awmna tura Transit Camp siam a nih a\anga tun thlengin Bru raltlan mi 6,511 laklet an ni tawh a, Mizoram-ah Bru te inhnamhnawihna inrukbo \um 17 a thleng tawh bawk.

Serchhip District chaklo

Mizoram Football Association (MFA) buatsaih MFA Cup-2014 Champhai-a khelh mekah Serchhip District aiawhtu, Zote ‘S’ chuan a thlengtu Champhai District chu 7-0 a hneh lovin Semi Final-ah an tla a. Nimina Semi Final khelh ah hian hun chanve hmalam ah Zote ‘S’ hian goal 5 chhuahin hun chanve hnu-lam ah goal 2 an chhuah leh a ni. Nimin a Semi Final inkhel dangah Aizawl District aiawhtu Aizawl FC Jr. in Kolasib District aiawhtu, Vengthar GSA, Kolasib chu 5-0 a hnehin Final an lut bawk a, Vawiin ah Final khelh a ni ang.

L&L Football khel tan dawn

SDFA buatsaih Lalsawmliani & Lal Thanchunga Memorial Football Tournament chu Vawiin hian Khawtetlang Field-ah khelh \an a ni dawn a, Team 23 telin Nov. 21 khian Final khelin zawhfel a ni ang.

Assembly Estimate Committee Member ten KMMTTP kawng laih mek an enfiah.

Mizoram Legislative Assembly Estimate Committee member te chuan  Nov. 4, 2014 khan Kaladan Multi Modal Transit Transport Project Road laih mek chu Lawngtlai a\anga Burma ramri thlengin an zawh chhuak.

Session neih tur atan Bill 2 lut tawh

Karleh Thawhlehni, Nov. 11, 2014 a\anga Mi-zoram Legislative Assembly Budget Session neih turah Bill ngaihtuah tur pahnih a lut tawh.

Hnamdang mi hrai ruiin rawk?

Nizan hmasa (Nov. 3, 2014) zan khan Serchhip AOC Veng-a hnamdang In luaha khawsa chu mi tu tih hriatloh ten hrai ruiin an Motor leh pawisafai engemaw zat an ruk sak nia thudawn a ni.

Session thar a\angin Primary leh Middle-ah NCERT Text Book hman a ni dawn.

School Education Minister, Pu H. Rohluna chuan nakum (2015) School Academic Session a\angin Mizoram-a Middle School leh Primary School-ah te NCERT text book hman tum a nih thu a sawi.

Serchhip-ah Artificial Grass phah dawn

Serchhip Hmar Veng-a Sports Complex-a Football Stadium sak hna chhunzawm turin Tender koh mek a ni a, he Stadium hi sak zawh a nih hunah Artificial Grass phah tum a ni.

Estimate Committee in hna kal mek hrang hrang an tlawh.

Mizoram Legislative Assembly hnuaia committee peng pakhat Committee on Estimates chuan nimin Oct. 3, 2014 khan Chhingchhip-a Sainik School sak mek leh M/s SK. Bamboo Chipping Mill bakah Serchhip-a Tourist Lodge sak mek te an tlawh.

Motor in lei a zawh chim sorkar mawhphurh niin sawi

ZNP President Pu Lalduhoma chuan “Sairang a Lengpui Airport panna lei zawh chim mai mai theiha a awm hi sor-kar mawhphurhna liau liau a ni a. Lei (Bridge) thar dawhtu Contractor ten hunbi tiam chhunga an thawk zo lo te pawh chhan lian tak a awm a ni,” a ti.

Champhai Chhangphut Field-a Synthetic Turf phah hawn a ni.

Champhai Chhangphut Field-a cheng nuai 412 senga Synthetic Turf phah thar chu nimin Oct. 30, 2014 khan Chief Minister, Pu Lal Thanhawla chuan a hawng.

School 163-ah Pre-Primary School siam tum

School Education changtu Parliamentary Secretary, Pu Joseph Lalhimpuia chuan Mizoram-a Primary School awmsa 163 ah sorkar in Pre-primary School siam a tum thu a sawi.

Nov. 14-ah 'Zofate Chawlhbuk' sak nan lungphum phum dawn.

MZP Gen. Hqrs. chuan Borapansuri-I a MZP ramah Nov. 14, 2014 khian ‘Zofate Chawlhbuk’ sakna tur lungphum phumin Chawlhbuk hi sak \an nise an ti.

Rampuma RTI Week hman mek pualin Serchhip-ah he Week puala inkhawm neih a ni.

Rampuma Right to Information (RTI) Week hman mek pualin nimin Oct. 30, 2014 khan Serchhip-ah inkhawm neih a ni a, he hun hi Mizoram State Information Commissioner Pu L. Hrangnawna, IPS (Rtd) chuan khuallian niin a rawn hmanpui a ni.

MJA (SD) in thutkhawm nei

MJA Serchhip District chuan nimin Oct. 29, 2014 khan Executive Meeting neiin Sept. 10, 2014-a Chhingchhip khuaa NLUP \anpuina dawngtu zinga hma la \halo nia hriat mi 2 te hmalak dan an en \uma an thil hmuh te sawiin, heng mi 2 te \anpuina pe zui leh tura VC leh YMA in thuneitute an ngen sakna chu uluk zawka enzui nise an ti a. Hei bakah hian an member mi 2 te chu thla 6 aia rei Non-Working Journalist an ni tawh nia hriain MJA Dan Bu in a sawi angin insawifiah tura hriattir nise an tih bakah Serchhip Venglai-a Press Club hmun tur an dil chu a \ul anga bawh-zui zel nise an ti bawk.

Serchhip-ah Motor khu endik \an

Mizoram Pollution Control Board (MPCB) hmalakna in Ser-chhip-a lirthei chi hrang hrang ten boruak chhia an pekchhuah dan enfiahna chu nimin a\ang khan Serchhip-a DTO Office-ah neih \an a ni.

Sorkar laipui hmalakna puanzarna hun Mamit District-ah neih \an a ni.

Sorkar laipui in thingtlang mipuite hmasawnna tura ruahmanna a siam chi hrang hrang mipuite hnena inhrilhhriatna hun, Bharat Nirman Public Information Campaign chu nimin (Oct. 29, 29014) khan Mamit District-a Tuidam khua ah neih \an a ni. 

Remna zawnga inbiak duhloh YMA in pawi an ti

Central YMA chuan ZRA ten remna zawnga inbiak an duhlo chu vanduai-thlak an tih thu leh hriatthiam harsa an ti takzet tih an sawi.

Hrem loha chhuah tumlo

Home Minister Pu R. Lalzirliana chuan sorkar hnathawk leh mipui pawi-sawilo te vau beta chhiah tuklui \hin helpawl te khawsak dan chu sorkarin a huat takzet thu sawiin, heng kawh-mawh bawl hmang te hi zawnchhuaha hrem an nih tur thu a sawi.

Kumin ah TB hrik pai 1562 hmuhchhuah an ni tawh.

Kumin January a\anga September thla thleng khan Mizoram-ah TB vei nia rinhlelh mi 7344 te enfiah ah TB vei mi 1562 hmuhchhuah niin TB vanga boral mi 11 an awm bawk.

FCI-ah Mizoram sorkar in rawtna hrang hrang a thlen.

Food Corporation of India (FCI) hnathawh leh kalphung her danglam tura India sorkar in a din thar, High Level Committee on Restructuring of Food Corporation of India-a Chiarman chuan nimin khan Aizawl-ah India hmarchhak state 6 a Food & Civil Supplies Department Secretary-te leh Official-te a kawm.

NE State zingah Mizoram in Power dawng \ha ber niin sawi.

Minister of State Pu Lal Thanzara chuan India hmarchhak ah Mizoram chu Power supply dawng \ha ber kan ni, a ti.

UD&PA Deptt. hnuaia Serchhip-a hnathawh te UD&PA Director in a hmunah a tlawh.

Urban Development & Poverty Alleviation Department (UD&PA) Director, Pu Zorammuana, MCS chuan nimin (Oct. 28, 2014) tlai khan Serchhip khawpui chhunga UD&PA Department in hmasawnna hna an thawh hrang hrangte a hmuna kalchilhin a enfiah.

Mizoram-a Oil Palm Mill hmasa ber hawng

India hmarchhak a a hmasa ber turin Bukvannei, Kolasib Distict-a Godrej Agrovet Ltd, Mumbai ina a bun, Oil Palm Mill chu nimin khan Chief Minister, Pu Lal Thanhawla chuan a hawng.

ABC khawmpui \iak

Nimin Pathianni hmang khan Baptist Church of Mizoram (BCM) chuan Mizoram hmun hrang hrang ah BCM rorelna sang ber dawttu Area Baptist Council (ABC) khawmpui an nei a. Serchhip ABC pawhin BCM New Serchhip Biak In-ah ABC khawmpui hi neiin nizan khan an \iak a ni. Serchhip ABC ah hian Pastor bial 5 an awm a, nimin Pathianni zing inkhawm ah khan Upa thlanthar te nemnghehna hun hman niin Upa 6 nemngheh an ni a, heti hian Serchhip ABC huam-chhung ah hian Upa 165 an awm ta a ni. Nimin a hmun hrang hranga ABC inkhawmpui ah hian Upa 127 nemngheh an ni a, heti hian BCM-ah hian Upa 2864 an awm ta bawk a ni.

Session-a hun hman dan tur duan fel a ni

Nov. 11, 2014 a\anga Mizoram Legislative Assembly \hutkhawm neih tur chu Nov. 26 thleng neih tura rua-hman a ni.

Rukbo mi 2 rubotute kut a\angin an chhuak.

Kar kalta Thawh\anni-a Bilkhawthlir dai a\anga misualten an rukbo Bagha khaw mi hnamdang 2 chu Inrinni khan him takin an chhuak.

Rampumah RTI Week hman \an a ni

Right to Information (RTI) Week chu nimin a\ang khan hman \an a ni a, Mizoram-ah chuan Vawiin a\ang hian hman a ni ang.

YMA Volleyball Tournament khelh zawh takah Chhim Veng leh New Serchhip Bazar an champion.

YMA Sub-Hqrs. Serchhip buatsaih C. Laltea Memorial Inter-Branch YMA Volleyball Tournament chu Inrinni khan khelh zawn a ni a, Serchhip Chhim Veng Branch YMA leh New Serchhip Bazar Branch YMA te an champion.

Pawikhawihtu chhuichhuah awlsamna turin pawikhawihna hmun venhim lamah \an lak \ul ti.

Kumin chhungin Serchhip Police Station-ah Case chi hrang hrang 57 ziahluh a ni tawh a, Police te chuan pawikhawihna a thlenin hnu chhui a awlsam theihna turin sulhnu awm te venhim a pawimawh thu an sawi bawk.

Home hrang hrang dinhmun enfiah

Social Welfare Department Director Pi Vanlaldini chuan niminpiah Oct. 22, 2014 khan Serchhip-a Home hrang hrang tlawhin an dinhmun a enfiah.

Congress Party beih tlak ni tawh dawnlo niin sawi.

MNF President, Pu Zoramthanga chuan Assembly inthlan leh hunah Congress party chu beih tlak an ni tawh dawn lo niin a sawi.

Mizoram sorkar in State dang a\anga buhfai lalut tur thlang.

Mizoram mamawh buhfai Myanmar a\anga chawlut tura FCI-in hma a lak mek laiin Mizoram sorkar chuan ramchhung hmun dang a\anga Mizoram mamawh buhfai quintal 30,000 chuang supply turin Aizawl Zarkawt-a Pu Lalrindika a thlang a, ani hian quintal khat zelah Rs. 2,575/- rate-in a supply dawn a, a buhfai supply tur hi Zuangtui-a Supply Kudam-ah a thlen dawn a ni.

SDO (C) ah IAS dah

North Vanlaiphai SDO(C), Pu Ngulsangvela, MCS chu Disaster Management & Rehabilitation Department-ah Under Secretary hna chelh tura sawn a nih hnuah North Vanlaiphai SDO (C) atana ruat, Pu Abhijit Vijay Chaudhari, IAS hnenah nimin khan mawhphurhna a hlan a. Pu Abhijit hian nimin khan Serchhip DC Office tlawhin DC leh Officer dangte nen inhmelhriatna hun an hman hnuah North Vanlai-phai hi a pan a ni. Pu Abhijit Vijay Chaudhari hi 2012 Batch IAS niin Jan 20, 1986 a piang a ni a, thiamna lamah BAMS (Bachelor of Ayurvedic Medicine and Surgery) niin Sanskrit ah Bachelor degree a nei bawk.

Deptt. Website hmang \angkai turin chah