Posts

Showing posts from November, 2013

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Scholarship tur sum pechhuak \an

Mizoram Scholarship Board chuan kum 2013-14 atana Scholarship chu nimin khan Mizoram hmun hrang hrangah a semchhuak \an.

Polling Station pakhat ah vote thlak \hain Strong Room hawngin EVM enfiah a ni bawk.

Nimin khan 18-Aizawl South-I (ST) AC-a Polling Station pakhat ah inthlan \hat (Re-poll) chu muanawm leh tluang tak a neih a ni a, nimin vek khan EVM Strong Room Pachhunga University College ami chu General Observer hovin hawn a ni .

Hnam rohlu 33 humhalh turin puang

Mizoram sorkar, Art and Culture Department chuan INTACH pawl rawtna angin Hnam rohlu 33 te chu humhalh turin (Protected monuments) MAMARS Act hmangin a puang leh ta.

Zirlai mahni intodelh te hnenah elf-Support Award hlan a ni.

Students’ Self-Support Union (SSU) chuan General Assembly vawi 28-na a ni 2-na leh a kharna hun nimin khan hmangin Zirlai, mahni intodelh mi 3 (pathum) hnenah “Self-Support Award” an hlan bawk.

Tuikuk Hel nia hriat ten mi 3 an rukbo chhuah turin pawl hrang hrangin in nawr mek.

Tun thla ni 23 zana Mizoram khawthlang lam Damparengpui leh Rajiv Nagar inkar Chikha Anti Poaching camp hlui bula mi pathum rukbo chu pawl hrang hrangin an demthu sawiin, MZP chuan he thil thleng vang hian ‘Remna kawngzawh’ neih an rel bawk.

Mizoram Calendar thleng

District Information & Public Relations Office, Serchhip-ah Mizoram Calendar 2014 lei tur a rawn thleng leh ta a, copy khat man hi Rs. 40/- zel a ni. Tin, Diary pawh a bu lian pakhat Rs. 100/- leh a bu te pakhat Rs. 80/- zelin lei theih a ni a, stock a tam vak loh avangin a duh turte tan Office hun chhungin a rang lama ngaihven tur a ni ang.

Sorkar siam theih inbeisei thu sawi \heuh

Mizoram Legislative Assembly inthlanpui atan vote thlak zawhfel a ni ta a, Mizoram-a Party lian pali (4) President te chuan sorkar thar siam ngei an in beisei thu an sawi \heuh a ni.

Vote tlak \hat ber \um

Mizoram Assembly vawi 7-na dinna tura tunkar Thawh\anni a vote thlakah chuan za zela 83 chuang a tla a ngaih a ni a, Mizoram inthlanpui-a vote tlak \hat ber \um a la ni.

SSU in zirtirtute hremna dan awmze nei zawka hman duh.

Students’ Self Support Union (SSU) chuan Zirtirtu, mahni post a awm \ha duhlo leh zirlaite tana entawn tlak loh leh nungchang mawi lo te hremna dan (rules) awmze nei zawka hman a nih theih nan sorkarah thlen nise an ti.

Vawiin-ah Aizawl Republic-ah Vote thlak \ha dawn

Aizawl South-I Polling Booth 18/16 Republic veng Booth No 1-a vote thlaktute aiin vote tla chu 16 in a tam (a in mil lo) a, hei vang hian tukin dar 7:00 a\ang hian vote thlak \hat leh a ni dawn.

Mizoram puma vote tlak dan dinhmun

Mizoram Assembly General Election a vote tlak dan chu a kimchangin a hriat theih ta a, District pum angin Lunglei District ah vote a tla \ha ber a, 84.85% a tla a, Mamit Dist ah a tla chhe ber a 73.98% a tla . Assembly bial anga vote tlak thatna bial te chu Tawi bial 87.87%, Lunglei North 87.34%, Tuikum 87.30%, West Tuipui 87.23% te an ni a, Vote tlak chhiatna chu Hachhek bial 65.95% a ni.

Serchhip District inthlan thunawi :

Mizoram Legislative Assembly inthlanpui neih zawh taka Serchhip District chhung thil thleng pawimawh zualte :

Hrangturzo biala vote tlak dan

28-HRANGTURZO (ST) A.C.

Tuikim Assembly biala vote tlak dan tlangpui

27-TUIKUM (ST) A.C.

Serchhip biala vote tlak dan tlangpui

26-SERCHHIP (ST) A.C.

Inthlanpui atana mipui ngaihdan lakna puan a ni.

Serchhip-a Local Cable TV pakhat, TT Vision leh tualchhung chan-chinbu pahnih, Ramlai Arsi leh Lenkawl in tun thla ni 25-a Mizoram Assembly inthlanpui neih tura Serchhip leh Thenzawl-a sorkar Office hrang hrang, Bazar hmun-a sumdawngte leh Taxi leh Auto Rickshaw dinna vela MLA inthlanpui neih tura mipui ngaihdan lakna, Opinion Poll an buatsaih result chu nimin khan puan a ni ta a.

Campaign in a vawrtawp a thleng mek

Karleh Thawh\anni a Assembly inthlanpui neih tur atana party leh Candidate te campaign chuan a vawr-tawp a thleng chho \an mek a, Candidate leh anmahni puitute chu Veng hrang hrangah campaign in an buai rih hle a ni.

EPIC leh Voter's Slip chauh hman theih dawn

Election Commission of India thuchhuak angin Mizoram inthlanpui lo awm tura vote thlak tum te chu anmahni ngei an ni tih chhinchhiah (identify) na turin Elector’s Photo Identity Card (EPIC) emaw Voter’s Slip emaw chauh pawm a ni dawn.

National Shooter thar

West Bengal-a Silai inkahsiakna a Mizoram aiawha tunhnaia kal, Lalrinpuii d/o Vanlalsiama, AOC Veng Serchhip chu National Shooter atana thlan a ni a, nimin khan Serchhip-ah rawn hawin mi engemaw zatin an lo lawm a ni. National Shooter te hian ramchhung hmun hrang hrangah Silai inkah-siakna an nei \hin a, heta ti\hate hi India aiawh tura thlan leh \hin an ni.

Inthlanpui atan inbuatsaihna peihfel thawkhat

Karleh ni 25-a Mizoram Assembly inthlanpui neih tur atana official lam inbuatsaihna chu peihfel thawkhat a ni ta a, District tinah Polling Party zawng zawngten training an nei zo fel a, venhimna lama thawktu te pawhin an awmna hmun tur \heuhah awm fel tawh in hna hrang hrangte chak taka kalpui mek zel a ni bawk.

Tripura Transit Camp 6-ah vote thlak zo. Voter za zela 74.34 ten vote an thlak.

Tripura Bru Transit Camp 6 a vote thlak chu nithum neih a nih hnuah nimin khan zawhfel a ni a, heng camp hrang hrangah te hian vote zaa 74.34 a tla tih Election Department chuan an sawi.

Party pahnih ten Sonia Gandhi thusawi chhang

MPC leh BJP te chuan thuchhuah siamin tunhnaia Mizoram-aCongress President, Pi Sonia Gandhi thusawi chu an chhanglet.

Postal ballot la dil theih

 Serchhip District chhunga Assembly Constituency pathum a inthlan buaipuitu official (official on duty) an vote neihna Constituency a vote thlak tura kal remchang hman lo, Postal Ballot hmanga vote thlak duh tan Vawiin tlai dar 4:00 thlengin dilna (Form-12) thehluh theih a ni a, nimin tlai dar 4 thleng khan Postal Ballot thawnchhuah tawh chu 892 a tling tawh a ni.

Serchhip biala Candidate te tan MPF buatsaihin Joint Platform neih a ni.

Image
Mizoram People Forum (MPF) Serchhip Constituency Forum buatsaihin nimin (19th Nov. 2013) khan Serchhip Bazar-ah Joint Platform neih a ni a, he hunah hian tun thla ni 25-a Assembly inthlanpui neih tura Serchhip biala Candidate 4 te an tel kim thei a ni.

Inthlan kaihhnawih thuthar :

Joint Platform nei dawn

Motor chesual

Nimin tlailam khan Aizawl leh Guwahati inkara service Maxi Cab (Hlim Hlim) Mz-06/4678, Pu Jessy Tlanmawizuala, Serchhip IOC Veng ami ta, Lawngtlai-a mi thlah tura a kal chu Thenzawl bul, Buangpui pelh hnu KM 2 velah chesualin kawngthlang ah a tlanliam a, he Motor ah hian mi 2 chuangin vanneihthlak takin hliam na erawh an tuarlo thung.

Postal Ballot 795 thawnchhuak tawh

Assembly inthlanpui neih tur atan nimin tlai dar 4:00 thleng khan Serchhip District Election Office a\ang Postal Ballot 795 thawnchhuah ni tawhin; Postal Ballot 3 a rawn kir tawh.

Assembly inthlanpuia Congress tana campaign in UPA Chairperson in Mizoram a rawn tlawh.

Congress President, Sonia Gandhi chuan Assembly inthlanpui neih tura Congress party tana campaign in nimin khan Mizoram a rawn tlawh a, Lunglei-a vantlang inkhawm ah thu a sawi a ni.

DDK-ah inthlanpui pual

Doordarshan Aizawl chuan kumin Assembly Inthlanpui pualin Programme chi hrang a buatsaih chho mek.

Hlamzuih tihbo dan tur ruahmanna Synod in pawm.

Mizoram Presbyterian Kohhran thuneitu sang ber dawttu Synod Executive Committee (SEC) vawi 247-na \hukhawm chuan Hlamzuih tihbo dan tur ruahmanna chu a pawm.

Vawiin-ah Bru Camp-ah vote thlak \an a ni dawn.Vawiin leh naktuk-a Tripura Bru Camp 6-a vote thlak turin inbuatsaihna peihfel thawkhat a ni tih Election Department Jt. CEO Pu H. Lalengmawia chuan a sawi. Mizoram State Inthlanpui neih tura All India Radio Regional News Unit Part-Time Correspondent leh Reporter te tih tur leh tih loh tur leh reporting tih dan tur te zirhona Aizawl AIR Sation-a nimina an buatsaih a hmanpuina ah he thu hi sawiin Pu H. Lalengmawia chuan Tripura Bru Camp-a vote thlak tur buatsaih turin official 86 te chuan tluang takin Tripura an thleng tih a sawi a, Tripura Transit Camp-a awm mek Bru te chu Mizo khua leh tui nihna diktak nei te an nih hlawm avangin, an chanvo, vote an thlak ngei chu an tih tur a ni, a ti a, vote an thlakna tur kawnga harsatna liantham tun thlenga a thleng lo chu lawmawm a tih thu a sawi a ni. Bru vote thlak tur vil tur hian Election Commission chuan Observer 6 leh Special Observer pakhat a ruat a, anni pawh hian Agartala an thleng tawh a, inthlanna muanawm tak a awm theih nan venhim hna thawk turin police platoon 3 dah an ni tih a sawi bawk a ni. Hetihlai hian he inthlanna a duty turte chuan tluang takin an duty-na tur hmun an thleng tawh a, he inthlanna a duty tur Polling Party te hi dan tumin Inrinni khan MSU mi engemawzat chu Bus pahnih nen an kal a, Pathianni khan Kanhmun a Langkaih lui bulah Polling Party te hi dan an tum a, mahse Polling Party mi 86 te hi helamah kal lovin W. Phaileng lamah kalin Zomuantlang kaltlangin Tripura lut tura kaltir an ni a, MSU ten dan tur an neih tak lovah chuan Pathianni tlai khan Kanhmun hi an chhuahsan leh ta niin thudawnna chuan a sawi. Venhimna hnathawk tur hian MAP Platoon khat leh Central Para-Millitary Force platoon hnih an awm bawk a, Mamit a\angin Ploce engemawzat an kal bawk a ni. Tripura Relief Camp-a Bru vote nei thei awm zat hi a tirah mi 11,311 chhinchhiah an ni a, Special Registration Drive an neihah hming 301 thun belh lehin vote nei thei hi mi 11,612 ni tura ngaih a ni.

Vawiin leh naktuk-a Tripura Bru Camp 6-a vote thlak turin inbuatsaihna peihfel thawkhat a ni tih Election Department Jt. CEO Pu H. Lalengmawia chuan a sawi.

Serchhip News tawi :

Biak In thar hawng

Serchhip-ah SVEEP Rally neih a ni

Inrinni zing khan Serchhip Bazar-ah vote thlak uar tura infuihna, SVEEP Rally neih a ni.

Serchhip-a EVM Mock-Poll neih ah thil diklo a thlenglo tih thuneitu ten an sawi.

Social Networking site hrang hranga Serchhip-a EVM Mock-Poll neih na ah thil diklo awm anga sawi chu thudiklo a nih thu leh EVM Mock-Poll neih chungchangah thildiklo a awm loh thu Serchhip District Addl. DC, Pu Lalsangliana chuan a sawi.

Candidate zingah cheng vbc. hu nei mi 75 an awm.

Association for Democratic Reforms (ADR) hnuaia National Election Watch te chuan Mizoram MLA candidate te affidavit atanga an zirchiannaah, candidate 142 zingah cheng vbc. hu nei tling mi 75 (53%) an awm a, candidate te thilneih hlutzawng chawhrual chu vbc. 2.31 a ni, an ti.

Agriculture Department Buh enchhin seng

Serchhip-a Agriculture Department in Serchhip Zawlpui-a Pu Lalnunsiama Leilet, Hactare 1-a zau-a buh an enchhin chu nimin khan seng a ni a, helai hmunah hian Buh chi 2-CAUR1 leh DRRH2 te enchhinin CAUR1 hi kumin July 3 khan kui in July 12 khan an phun a, DRRH2 hi July 4 khan kui in July 15 khan phun a ni bawk a, heng te hi SRI hmanga phun leh enkawl niin heng te hi nimin khan sengin a hlawk dan an enfiah a. Helai hmunah hian nikum khan KRH2 chu enchhin ni tawhin nikum khan phur 130 an thar thei a, kumin ah hian an thar zat hi hriat theih ala ni rihlo thung a ni.

Chi vangin Serchhip mipuite buai

Nimin zing khan Mizoram hmun hrang hrangah Chi a vang nia sawi a awm thut avangin mipuite an chi-ai nasa hle a, hei vang hian Dawr hrang hranga Chi lei tur awm te pawh a man pangngai aia sanga hralh te a ni hlawm chungin mipui ten an inchuh zo nghal vek a, Dawr \henkhat ah phei chuan Chi lei tur hi an intlar hial nghe nghe a ni. Hetianga thuthang a awm hnu hian mipuite chu a theih ang angin thuthang diklo a nih thu hi hrilh hriat leh an ni a, Serchhip Kawnpui ‘N’ Branch YMA te chuan he thuthang hi a dikloh zia lantirna atan leh mipui te thlamuanna atan karleh Thawh-\anni, 18th Nov. 2013 khian AOC Veng-ah Chi hi a man pangngai a an zawrh tur thu an sawi bawk.

Oil zawngtu chetsualna ah mi 1 boral

Serchhip District chhung Oil zawn hna thawktu te chuanna Motor chu nimin khan Hmun\ha dai-ah chesualin mi 1 a boral.

Chi chungchangah sorkar in thuchhuah siam.

Food, Civil Supplies and Consumer Affairs Department chuan Chi chungchanga thuthang awm chungchangah thuchhuah siamin Chheprelh (Hoarding) leh man to a hralh chu Essential Commodities Act, 1955 dan bawhchhiatna a nih thu leh chutiang ti hmuhchhuah an nih chuan dan anga action lak a nih tur thu a tarlang.

Serchhip news tawi :

TB vei thar awmlo

Khawlailung khua ah Joint Platform nei

Mizoram Assembly inthlanpui neih tur atan Ser-chhip District-a a hmasa ber turin nimin khan Khawlailung ah Hrangturzo biala Candidate te tan Joint Platform buat-saih a ni.

District Child Protection Society buatsaihin Serchhip-ah Children’s Day hman a ni.

Nimin Nov. 14, 2013 kha India Prime Minister hmasa ber, Jawaharlal Nehru pianchamphaphak a ni a, rampumah Children’s Day atana hman niin Serchhip-ah pawh he Ni pual hian hun hman a ni.

Serchhip District-a Polling parties te Team tur thlanfel a ni.

Assembly inthlanpui neih tura Serchhip District chhung Polling Station hrang hranga duty tur te an duty na tur Constituency leh an telna tur Team computer hmanga thlanchhuahna ‘2nd-Level Randomisation of Polling Party’ chu nimin khan neih a ni.

Inthlanpui atana inbuatsaihna Jt. CEO in hrilhfiah.

Tun thla ni 25-a Mizoram Assembly inthlanpui neih tur atana inbuatsaihna kal mek chungchangah Joint Chief Electoral Officer, Pu H. Lalengmawia chuan nimin khan a Pisa-ah thuthar lakhawmtute kawmin an hmalakna te a hrilhfiah.

CHILDREN'S DAY

CHILDREN'S DAY   - Kiddy Vanchhawng

Inthlan kaihhnawih thu thar thenkhat

Symbol tur tifel tawh

Mizoram-ah vote nei thei mi 6,80,492 awm

Mizoram Legislative Assembly inthlanpui neih turah vote nei thei mi 6,80,492 an awm.

Tripura Tuikuk Camp-a vote thlak tir tumna MSU ten dodal tlang an tum thu an sawi.

Mizo Students’ Union (MSU) chuan Tripura-a Tuikuk raltlante anmahni awmna hmuna vote thlak tir tum chu dodal nise tiin Mizoram a\anga inthlan buaipui turte pawh kallui lo turin an ngen.

Candidate zingah Affidavit dikhlel tam?

PRISM chuan State assembly inthlanpui neih tura chuh tum MLA te affidavit an zirchiannaah MLA te Affidavit thehluh zingah dikhlel a tam nia an hriat thu sawiin, thil dik thei lo tam tak awm chunga nomination file zawng zawng te pawm vek anih avangin hemi chungchanga mawhphurtu leh thuneitu Returning Officer ten an mawhphurhna an hlen loh zia a lang a ni, an ti.

Nungcha humhalhna signature campaign nei \an

Compensatory Afforestation Fund Management and Planning Authority (State CAMPA) bultumin nung-cha humhalhtu pawl, ASEP chuan nimin khan Aizawl Press Club-ah ram-ngaw leh nungcha humhalhna kawnga hmalakna peng pakhat atana ruahman, “Signature Campaign on Environmental Preservation Kick-Off” function an hmang.

Tuibur Factory vanga harsatna thleng sawihona neih a ni.

Nimin khan Health & Family Welfare Department-a Secretary, Pi Esther Lalruatkimi kaihhruaiin a Office-ah Tuibur Factory bulhnai a cheng mipuite harsatna tawh hrang hrangte leh a sutkian dan tur ngaihtuahho a ni a, Tuibur factory-te hi mihring khawsakna a\anga hla thei ang berah sawn an nih theih dan tur sawiho a ni bawk.

SERCHHIP-AH SVEEP RALLY NEIH ANI DAWN

Image
Nimin chawhnu dar 3:00 khan Serchhip DC office chamber ah District Bawrhsap, District Election Officer ni bawk Pi Juhi Mukherjee, IAS hovin Systematic Voters’ Electoral and Education Participation (SVEEP) meeting neih a ni a, SVEEP Rally neih dan tur an sawiho a ni.

SERCHHIP-AH SERVICE VOTERS’ POSTAL BALLOT BUATSAIH

Image
Nimin  chawhnu khan Serchhip DC office-ah Serchhip District chhung mi leh sa sipai tang lai hmun hrang hranga awm mek te vote thlak na tur Postal Ballot buatsaih a ni.

Serchhip District-a Candidate ten ba neilo

Assembly inthlanpui neih tura 26-Serchhip (ST) AC Returning Officer, Pi Juhi Mukherjee, IAS, 27-Tuikum (ST) AC Returning Officer, Pu FJ. Liantluanga, MCS leh 28-Hrangturzo (ST) AC Returning Officer, Pu Lalsangliana, MCS te chuan an bial chhung \heuha Candidate ten Affidavit an thehluh chu endik a nih hnuah Candidate zingah sorkar laka leiba nei an awmlo tih thuchhuah siamin mipui te hriat turin an tarlang.

Election General Observer hovin thuneitute leh party aiawhte \hukhawm.

Assembly inthlanpui neih tura Serchhip District chhunga General Observer te, Returning Officer te, MLA Candidate leh an Agent te chuan niminpiah tlai khan inkawmhona hun \ha tak an nei.

Govt. Thenzawl High School-a Headmaster ban phut

MZP Sub-Hqrs. Thenzawl chuan thuchhuah siamin Govt. Thenzawl High School-a Headmaster hna thawk lai L.D. Rasera chu a hna a\anga bang tura an phut thu leh Nov. 26, 2013 hmaa Thenzawl chhuahsan tura an hriattir thu thu an tarlang .

MNF in Code of Conducts bawhchhiatna thleng niin sawi.

MNF Gen. Hqrs. chuan Vanglaini chanchinbu-a National Education Day Message tihchhuaha Chief Minister Pu Lal Thanhawla leh Education Minister, Pu Lalsawta te thlalak tarlan a ni chuan Election Model Code of Conducts a bawhchhia tih sawiin, Chief Electoral Officer, Pu Ashawni Kumar hnenah lungawilohna an thlen.

Gorkhali te OBC dilna MZP in pek rem an tilo tih an sawi nawn.

MZP Gen. Hqrs. chuan nimin khan MZP Pisa Pui-ah Executive Meeting neiin Mizoram chhunga Gorkhali ten Other Backward Class(OBC) Status neih an dilna chungchang sawi a ni.

Assembly inthlanpui neih tur atan Party te ngawrh takin an inbuatsaih mek zel.

Tun thla ni 25-a Mizoram Legislative Assembly inthlanpui neih tur atan Serchhip-a Political Party hrang hrangte chu ngawrh takin an inbuatsaih chho mek zel a, ZNP chuan nimin khan Information Office hawngin Congress party in mithar lawmluhna hun an hmang bawk.

Mi chilhlumtu a puh Motor hal ve nghal

Nimin (11th Nov. 2013) chawhnu hret khan Vanghmun leh Tlaksih inkarah Lalramsanga, Hmunpui (Fishery Assistant) s/o Khualluna chu Tripper in a chil a, a hmunah boral nghalin, Vanghmun khaw mipui thinrimin a chiltu motor hi an hal chhe vek.

Relief Camp-a vote thlak dan tur ruahman fel

M izoram Assembly inthlanna tun thla ni 25 a neih tur atan Tripura relief camp-a Bru vote thlak thei awm te chuan tun thla ni 19 leh 20-ah Postal ballot hmangin an camp-ah vote an thlak dawn.

Aizawl khawpui-a bial 10-ah VVPAT hman tum a ni.

Mizoram Assembly inthlanpui neih turah Aizawl District-a Assembly bial 10-ah te chuan Voter Verifiable Paper Audit Trial (VVPAT) hman tum a ni.

Thla 6 chhungin thisen Unit 11,636 pe

Thla ruk chhungin Mizoram-a a thlawna thisen pek zat chu Unit 11,636 a ni.

Mizoram Assembly inthlanpui neih turah mi 142 te Nomination Paper pawm a ni.

Mizoram Assembly inthlan tun thla ni 25-a neih tura hming pekluh mi 142-te nomination lehkha chu Inrinni khan endik a ni a, Serchhip District-a Tuikum biala mi pakhatin Nomination 2 a thehluh zinga pakhat erawh chu hnawl a ni thung.

Mizoram-a Party President te sum dinhmun tarchhuak.

Mizoram a Political Party pali MPCC, MNF, MPC leh ZNP President te zingah Congress President Lal Thanhawla’n rosum a ngah ber a, Zoram Nationalist Party President Lalduhoma’n a nei tlem ber thung.

Mizoram-a vote nei thei tur zingah hmeichhia an tam zawk.

Kumin inthlanpui-a vote thlak thei chin chhiarna ah mipa aiin hmeichhe voter an tam zawk a, vote nei 6,86,305 zingah hmeichhe vote nei 12,707 zetin a tam a; hetihlai hian hmeichhe candidate 4 an awm dawn a. Congress Party leh MNF a\angin 1 ve ve thehchhuah an ni a, BJP a\angin 1 leh Independent-in 1 a ding dawn bawk. Kum 25 kalta chhung khan candidate zinga hmeichhia thlantlin pakhatmah an awm lo thung.

Kumin ah Mizoram-ah ruahtui 2019.30mm a tla.

Science & Technology Department chhinchhiah danin kumin (2013) January a\anga October thla tawp thleng khan Mizorama ruahtui tla hi 2019.30 mm a ni a, kumdang ngaihtuahin ruahtui chu a tla \ha thawkhat a, kumin chhung hian May thla-ah ruahtui tla tam berin 458.40 mm a tla a ni.

Mipui tan Observer te dawr theih

Assembly inthlanpui neih tura Serchhip District chhunga Observer turte chuan Serchhip rawn thleng tawhin mipuite tan dawr theih reng an ni.

SERCHHIP DISTRICT SVEEP ESSAY INZIAHSIAK RESULT

Serchhip District Election Office buatsaih Systematic Voters’ Education and Electoral Participation (SVEEP) hnuaia Serchhip District huap “Vote thlak hi ka mawhphurhna a ni” tih thupui hmanga Essay inziahsiak ah heng te hi lawmman latu te an ni :-

Serchhip News tawi :

ZNP Campaign Office lo khawih

Serchhip District-a Bial 3 chuh turin Candidate 12 awm

Tun thla ni 25-a Mizoram Legislative Assembly inthlanpui neih tura Serchhip District chhung Assembly bial 3 chuh turin Candidate 12 an awm dawn ta.

Mizoram Assembly inthlanpui chuh turin mi 142 ten Nomination an file.

Tun thla ni 25-a Mizoram Legislative Assembly inthlanpui neih tur atana hming pekluh hun chu nimin tlai dar 3:00 khan khar a ni ta a, hriat theih chinah he inthlanna chuh tur hian mi 142 ten hming an pelut a ni.

ICFAI University Mizoram in Convocation nei

ICFAI University Mizoram chuan nimin khan an University Campus, Durtlang North-ah an Convocation vawi 2-na an hmang a, Mizoram Governor Pu Vakkom Purusothaman, he University-a Visitor ni bawk chuan he Convocation hi a hmanpui a ni.

MSU in sorkar hnathawk kum siam\hatna hun siam an duh.

Mizo Students’ Union (MSU) Gen. Hqrs. chuan Mizoram Sorkar hnuaia hnathawk, kum diklo a inziak lutte an kum siam\hatna hun Sorkarin a ruahman theih nan hma lak nise a n ti.

Serchhip News tawi :

Damlo te hnenah sem

Naupangte himna chungchang zirho

Serchhip District Child Protection Society (DCPS) buatsaihin nimin khan Serchhip Chanmari Veng-a Middle School leh Primary School zirlaite tan naupangte himna chungchang zirhona, Awareness Campaign on Child Protection neih a ni.

Kumin Assembly inthlanpui senso atan cheng vbc. 24.5 ruahman a ni.

Mizoram Chief Electoral Officer, Pu Ashwani Kumar chuan kumin a Mizoram Assembly inthlanpui neih tur buaipuina atan sorkar laipui chuan cheng vbc. 24.5 a ruahman tih a sawi.

Thamna chungchangah ngenna siam

Aizawl District Election Officer chuan Assembly inthlanpui neih turah mipuite hnena ngenna tichhuakin India ram dan IPC 171 B-a tarlan angin inthlan laia mipui hnena vote zawn nana pawisa leh therhlo chi hrang hrang sem hi dan kalh a nih thu a tarlang.

Ethics Committee hnathawh tarlanna lehkhabu tlangzarh.

Mizoram sorkar, Pu Lal Thanhawla kaihhruaiin a din Ethics Committee chuan nimin khan I&PR Conference Hall-ah an hnathawh hrang hrang dakhawmna lehkhabu, "Reports of The Ethics Committee (2009-2013)", phek 193-a chhah an tlangzarh.

World Bank hotuten Chief Minister an kawm.

Inkalpawhna tura kawngpui \ha siam tura sorkar hmalakna kal zelah niminpiah tlai khan Washington base World Bank official Pi Diep Nguyen Van Houtte, Senior Operations Officer, Trade & Transport Facilitation, South Asia Region leh New Delhi base World Bank Representative Pu Ashok Kumar te chuan Chief Minister hi a chenna bungalow-ah hmuin, Mizoram leh a \henawm ram Bangladesh leh Myanmar te nena inkalpawhna tur motor kawngpui World Bank sum puihna a\anga siam tur, Mizoram State Road Project Phase II (MSRP-II) chungchang an sawipui.

Serchhip News tawi :

Mi 3 in Nomination file

MSACS Project Director in Serchhip rawn tlawh

Mizoram State AIDS Control Society (MSACS) Project Director, Dr. Lalmalsawmi Sailo chuan nimin (6th Nov. 2013) khan Serchhip rawn tlawhin MSACS hnuaia hmalakna hrang hrang Serchhip-a kalpui a nih dan a rawn enfiah.

Serchhip District chhung Polling Station-a duty tur thlanna hmasa ber neih a ni.

Assembly inthlanpui neih tura Serchhip District chhung Polling Station hrang hranga duty tur te computer hmanga thlanchhuahna 1st –Level Randomisation of Polling Party chu nimin khan neih a ni.

District hrang hrangah Nomination File \an a ni

Assembly inthlanpui neih tur atan party hrang hranga Candidate te chuan Nomination an file chho \an mek.

CEC in Inthlanpui inbuatsaihna hrang hrang hrilhfiah.

Mizoram Assembly intlan buatsaihna thli thlai a lo kal Chief Election Commissioner  Pu V.S. Sampath leh Election Commissioner 2, Pu H. S. Brahma leh Dr. Zaidi te chuan nimin chawhma khan New Secretariat Complex Conference Hall-ah Press Conference an nei a, tualchhung chanchibu mite an tel \ha hle.

Serchhip News tawi :

Serchhip tlawh dawn

Serchhip District-ah voters 45,198 awm

Assembly inthlanpui neih hmaa Electoral Roll-a hming thun tharna hun siam leh ah hming thun thar mi 182 an awm a, heti hian Serchhip District pumah vote nei thei mi 45,198 an awm dawn a ni.

Mizoram Assembly inthlanpui neih tur thlirin ECI-a mi pawimawh ten Mizoram an rawn tlawh.

Election Commission of India (ECI)-a Chief Election Commissioner (CEC) leh Election Commissioner pahnih te chuan Mizoram-a Assembly inthlanpui lo awm tur inpuahchahna te thlir turin nimin khan Aizawl an rawn thleng.

Oil man tihniamlo te chungchang sawifiah

Mizoram sorkar-a Food, Civil Supplies & Consumers Affairs Department Director, Pu R. Lalvena chuan thuchhuah siamin tunhnaia Petrol/Diesel man tihhniam anih chungchangah Filling Station \henkhatin rate thar an zawm nghal mai lo tih report dawn a nih thu a tarlang.

Kawlphetha renchem dan chungchang zirhona nei.

Nimin khan Power & Electricity Department hnuaia chhimlam enkawltu Lunglei Power Circle (LPC) hnuaia Engineers-te chuan Tourist Lodge Conference Hall, Zotlang, Lunglei-ah a vawikhatna atan ‘Energy Accounting of Southern Mizoram’ chungchang an zirho.

MPC |halai hruaitute MPC a\angin an chhuak.

MPC Youth General Hqrs. Vice President leh General Secretary zawng zawng te chuan an party an chhuahsan tih an sawi.

CEO hovin District tin DC leh SP ten inthlanpui thlirlawk.

Nimin tlai khan Chief Electoral Officer (CEO) Pu Ashwani Kumar leh Mizoram District pariat-a DC leh SP te chuan CEO office ah tun thla tawpa MLA inthlan lo awm tur atana inpuahchah dan an thlir ho a, inthlanna kaihnawih thil chi hrang hrangte an sawi ho bawk a ni.

Serchhip News tawi :

Serchhip-a candidate tur

Serchhip Police Station-ah Legal Aid Clinic

Serchhip khawchhunga-a Legal Aid Clinic pathumna ni turin nimin khan Serchhip Police Station-ah Legal Aid Clinic chu hawn a ni.

Zoram Nationalist Party (ZNP) in MLA inthlanpuia an Candidate tur an puang.

Zoram Nationalist Party (ZNP) chuan Assembly inthlan neih tura an Party Candidate turte chu nimin khan puangin Assembly bial 40 awmna ah Candidate 37 an puangchhuak a ni.

MDA Candidate tur puan kim an ni ta.

Mizoram-a Party 3, MNF, MPC leh MDF ten Assembly inthlanpui neih tura Mizoram Democratic Alliance (MDA) tia invuaha thawhho an tum hnuah an Candidate turte chu nimin khan puankim an ni ta.

MNF, MPC leh MDF candidate tur puang kim

MNF/MPC/MDF TANGRUALIN CANDIDATE PUANG Vawiin (Nov 4) khan MNF/MPC/MDF party tangrual chuan tun thla (Nov) ni 25-a Mizoram Assembly inthlan lo awm tura an party candidate te an puang :

ZNP in Candidate puang

Zoram Nationalist Party (ZNP) chuan MLA inthlanpui neih tura an party Candidate turte chu Vawiin (4th Nov. 2013) khan an puang a, seat 40 awmna ah seat 37 chuh turte hriat theih an ni tawh a ni.

Serchhip news tawi :

Bike pakhat kang

Orphanage Home building thar hawn a ni

Serchhip-a farhah te enkawlna hmun, Orphanage Home building sak thar, Serchhip Hmar Veng ami chu Inrinni khan Lalchhungkua-Unity Gen. Hqrs. Chairman, Upa Lalhmachhuana chuan a hawng.

Serchhip District tana Expenditure Observer hovin Inthlanpui neih tur thlirlawkna neih a ni.

Image
Mizoram Legislative Assembly inthlan lo awm tura Serchhip District tana Expenditure Observer tura Election Commission of India in a ruat, Mohammad Ghayas Uddin, IRS chuan Inrinni khan Serchhip a rawn thleng a, DC Office Chamber-ah Meeting pawimawh tak neih nghal a ni.

DoNER in NERLP kalpui tur thu puang

Sorkar laipuia Development of North Eastern Region (DoNER) chuan Mizoram, Nagaland, Sikkim leh Tripura-a hnathawh tur siamna tur project a kalpui dawn a, North East Rural Livelihood Project (NERLP) tia vuah hi kumin ah \anin kum 5 chhung kalpui tura ruahman a ni a, he project atana sum hi World Bank-in a tum thung dawn a ni. He thu hi North Eastern Council Secretary, Ameising Luikham chuan Agartala-a a sawi a, NERLP hi Five Year Plan 12-na hun chhunga kalpuiin cheng vbc. 683.20 ruahman a ni. He project hi Mizoram-ah chuan Aizawl leh Lunglei District-a block 9-ah kalpui a ni ang a, Nagaland-a Peren leh Tuensang Dist-a block 11-ah, Sikkim-a block 14-ah leh Tripura-a block 24-ah kalpui a ni bawk ang. World Bank aiawh, Adarsh Kumar sawi danin, he project atana sum ruahman zaa 90 chu World Bank-in a thlawnin a pe ang a, a bak zaa 10 chu a pung tlem chi-in a puk tir thung dawn a ni.

Indian National Congress in MLA Candidate tur puang.

Nov. 25, 2013-a Mizoram Assembly Inthlan lo awm tura Indian National Congress (INC) Candidate-te chu MPCC President Pu Lal Thanhawla chuan Inrinni khan Congress Bhavan-ah official in a puang.

MIMA ten AMC Licensing Regulation, 2012 copy an hal.

Mizorama sumdawng pawl hrang hrang 17 intelkhawm, Mizoram Merchant Association chuan Inrinni khan Aizawl-a New Market (Sobji Bazar)-ah Aizawl Municipal Council-in 'Licensing Regulation, 2012' a siam copy an hal.

Tuialhthei man tih danglam a ni.

Nizan hmasa zanlai a\ang khan ram-pumah petrol man chu litre khat zelah Rs. 1.15/- a tihhniam niin Diesel chu litre khat zelah Re. 0.50/- a tihsan a ni thung.Tuialhthei man hi Mizoram khawpui hrang hrangah pawh bithliah thar niin rate thar chu hetiang hi a ni.

Congress in Candidate puang

Mizoram Pradesh Congress Committee (MPCC) chuan Vawiin (2nd Nov. 2013) khan Assembly inthlanpui neih tura an Candidate te an puang a, bial hrang hranga an Candidate turte chu heng mite hi an ni :

Mizoram MLA General Election, 2013 Candidate nih tum Nomination File huna hriat tur tlangpui te

Mizoram Legislative Assembly inthlan lo awm tur a Serchhip District chhunga Assembly Constituency pathum te zinga khawi emaw ber a\anga Candidate nih tum te tana hriattur pawimawh tlangpui te :

Inthlan hriattirna tichhuak

State Assembly inthlanpui neih tur hriattirna chu nimin (Nov. 1, 2013) khan State Election Department in a tichhuak a, nimin atang vek khan inthlan chuh tumte tan hming pekluhna hun hawn nghal a ni.

BJP ten bial 11-a Candidate tur puang

Nimin khan BJP Mizoram chuan Assembly inthlanpui neih tura an Party  candidate tur an puang a, bial 11 ah candidate dah an tum a, hmeichhe candidate 1 an nei a ni.

Observer in Serchhip rawn thleng dawn

Election Commission of India in Mizoram Legislative Assembly inthlanpui lo awm tur a Serchhip District a inthlan chuh tu (candidate) ten dan dik taka Campaign sum an hman leh hman loh endik a vil tura a ruat, Election Expenditure Observer, Mohammad Ghayas Uddin, IRS chuan Vawiin hian Serchhip a rawn tlawh dawn. He thu hi nimin a Serchhip District Election Officer, Pi Juhi Mukherjee hova Serchhip-a Head of Department te \hutkhawm neih ah tarlan a ni a, Expenditure Observer hian chawhnu dar 1:00 ah Serchhip DC Office ah Inthlan chhung atana Assistant Expenditure Observer te leh Accounting Team zawng zawngte nen inkawmhona hun an hmang ang. Expenditure Observer hi Serchhip ah November ni 5 thleng a cham phawt ang a, Delhi lamah kir leh in November ni 12 ah a rawn let leh ang

NOTA Symbol tur ECI in thlang fel ta.

Election Commision of India (ECI) chuan vote thlaktu mipuiin candidate duh zawng an neih loha vote an thlakna tur – None of the Above (NOTA) symbol a tifel. NOTA symbol atan hian rin killi in a kualkhung chhunga NOTA tih inziak hman a ni ang. NOTA symbol tur thlan fel a nih tak thu hi ramchhung state zawng zawnga Chief Electoral Officer-te a hriattir nghal a, an zingah hian tunhnaia inthlang tur state panga te pawh an tel a, hei hi lo bawhzui nghal tura hriattir an ni a, Chief Electoral Officer-te hian ballot box leh EVM-ah NOTA symbol hi tilang turin hma an la nghal dawn a ni.

Mizoram Democratic Alliance (MDA) hming pu in Assembly inthlanpui neih tur hmachhawn dawn.

MNF President Pu Zoramthanga chuan Party pathum thawkho ta MPC, MDF leh MNF party te chuan Mizoram Democratic Alliances (MDA) tih hming pu in inthlanpui an hmachhawn tur thu a sawi.

MNF, MPC leh MDF in candidate puang

Vawiin (1st Nov. 2013) khan MNF, MPC leh MDF tangho tur chuan bial 40 awmna a bial 12-a an candidate tur an puang a, an puan te chu heng mite hi an ni :