Posts

Showing posts from October 27, 2013

Tuialhthei man tih danglam a ni.

Nizan hmasa zanlai a\ang khan ram-pumah petrol man chu litre khat zelah Rs. 1.15/- a tihhniam niin Diesel chu litre khat zelah Re. 0.50/- a tihsan a ni thung.Tuialhthei man hi Mizoram khawpui hrang hrangah pawh bithliah thar niin rate thar chu hetiang hi a ni.

Congress in Candidate puang

Mizoram Pradesh Congress Committee (MPCC) chuan Vawiin (2nd Nov. 2013) khan Assembly inthlanpui neih tura an Candidate te an puang a, bial hrang hranga an Candidate turte chu heng mite hi an ni :

Mizoram MLA General Election, 2013 Candidate nih tum Nomination File huna hriat tur tlangpui te

Mizoram Legislative Assembly inthlan lo awm tur a Serchhip District chhunga Assembly Constituency pathum te zinga khawi emaw ber a\anga Candidate nih tum te tana hriattur pawimawh tlangpui te :

Inthlan hriattirna tichhuak

State Assembly inthlanpui neih tur hriattirna chu nimin (Nov. 1, 2013) khan State Election Department in a tichhuak a, nimin atang vek khan inthlan chuh tumte tan hming pekluhna hun hawn nghal a ni.

BJP ten bial 11-a Candidate tur puang

Nimin khan BJP Mizoram chuan Assembly inthlanpui neih tura an Party  candidate tur an puang a, bial 11 ah candidate dah an tum a, hmeichhe candidate 1 an nei a ni.

Observer in Serchhip rawn thleng dawn

Election Commission of India in Mizoram Legislative Assembly inthlanpui lo awm tur a Serchhip District a inthlan chuh tu (candidate) ten dan dik taka Campaign sum an hman leh hman loh endik a vil tura a ruat, Election Expenditure Observer, Mohammad Ghayas Uddin, IRS chuan Vawiin hian Serchhip a rawn tlawh dawn. He thu hi nimin a Serchhip District Election Officer, Pi Juhi Mukherjee hova Serchhip-a Head of Department te \hutkhawm neih ah tarlan a ni a, Expenditure Observer hian chawhnu dar 1:00 ah Serchhip DC Office ah Inthlan chhung atana Assistant Expenditure Observer te leh Accounting Team zawng zawngte nen inkawmhona hun an hmang ang. Expenditure Observer hi Serchhip ah November ni 5 thleng a cham phawt ang a, Delhi lamah kir leh in November ni 12 ah a rawn let leh ang

NOTA Symbol tur ECI in thlang fel ta.

Election Commision of India (ECI) chuan vote thlaktu mipuiin candidate duh zawng an neih loha vote an thlakna tur – None of the Above (NOTA) symbol a tifel. NOTA symbol atan hian rin killi in a kualkhung chhunga NOTA tih inziak hman a ni ang. NOTA symbol tur thlan fel a nih tak thu hi ramchhung state zawng zawnga Chief Electoral Officer-te a hriattir nghal a, an zingah hian tunhnaia inthlang tur state panga te pawh an tel a, hei hi lo bawhzui nghal tura hriattir an ni a, Chief Electoral Officer-te hian ballot box leh EVM-ah NOTA symbol hi tilang turin hma an la nghal dawn a ni.

Mizoram Democratic Alliance (MDA) hming pu in Assembly inthlanpui neih tur hmachhawn dawn.

MNF President Pu Zoramthanga chuan Party pathum thawkho ta MPC, MDF leh MNF party te chuan Mizoram Democratic Alliances (MDA) tih hming pu in inthlanpui an hmachhawn tur thu a sawi.

MNF, MPC leh MDF in candidate puang

Vawiin (1st Nov. 2013) khan MNF, MPC leh MDF tangho tur chuan bial 40 awmna a bial 12-a an candidate tur an puang a, an puan te chu heng mite hi an ni :

Serchhip-ah SVEEP Awareness neih a ni

Serchhip District Bawrhsap leh District Election Officer ni bawk, Pi Juhi Mukherjee, IAS chuan Serchhip District chu India rama vote thlak \ha ber a nih theihna tura hmalak a nih thu a sawi.

Serchhip District Election Officer hovin MLA inthlanpui atana inbuatsaihna thliho a ni.

Mizoram Legislative Assembly inthlanpui neih tur atana inbuatsaihna thlirin nimin khan Serchhip District chhunga Head of Offices te chuan DEO, Pi Juhi Mukherjee hovin \hutkhawm an nei.

Thla thum chhungin Mizoram-ah TB vei thar 506 an awm.

Kumin July thla a\anga September thla thleng khan Mizoram-ah TB vei mi 506 hmuhchhuah thar an ni a, heng zinga mi 131 chu an khak-ah TB hrik hmuh an ni a, 89% chu enkawl dam an ni.

Lok Adalat \hutkhawm hmasa ber nei

Image
Serchhip District-a a hmasa ber atan Lok Adalat \hutkhawm chu niminpiah khan neih a ni a, he hunah hian thubuai (case) paruk ngaihtuah tura chhawpchhuah a ni.

Assembly inthlanpui neih tura sum hman dan endik tur ten an hna an thawk \an dawn.

Assembly inthlanpui neih tura political party leh candidate-te senso leh dan bawhchhiatna a awm leh awm loh viltu tur Team hrang hrangte chu Serchhip-ah kokhawmin hna an thawh dan tur hrilhfiah an ni.

MNF. MPC leh MDF ten thawhhona an ziakfel

Nov. ni 25,2013 a Mizoram MLA inthlanpui lo awm turah Mizo National Front (MNF), Mizoram People Conference (MPC) Party leh Maraland Democratic Front (MDF) chuan thawhho an tum a, niminpiah chawhnu dar 2:00 khan MNF Office, Hnam Run-ah thawhhona thuthlung an ziak.

Mizoram Merchant Association in AMC Licensing Regulations, 2012 an dodal zel.

Mizoram Merchant Association (MIMA) chuan AMC in Licensing Regulations 2012 a siam chu ram leilung fate tan sumdawnna kawngah a him tawk lo nia an hriat thu sawiin, sut leh an phut thu an sawi.

Christian Medical College pan duhte hriattur siam

Christian Medical College & Hospital, Vellore, Tamil Nadu Chaplain chuan hriattirna siamin dam lohna avanga Christian Medical College & Hospital, Vellore pan tumte chuan kal hma in

MSU leh Election thuneitute inbiakna hlawhchham rih

Mizo Students’ Union (MSU) General Headquarters in Election Commission of India leh Chief Electoral Officer, Mizoram hnena lehkha an thawn hnu-ah Jt. CEO, H Lalengmawia chuan MSU hruaitute chu inrinni khan a office-ah kawmin Mizoram Tuikuk, Mizoram pawna vote thlaktir lo tura MSU ngenna chungchang an sawiho.

Serchhip News tawi :

Vote tla a \hat theihna tura Serchhip-a hmalak dan Election Observer in a rawn enfiah.

Assembly inthlanpui neih tura Serchhip, Lunglei, Lawngtlai leh Saiha District tana Election Awareness Observer atana ruat Pu Pankaj Pandey, IIS chuan Inrinni khan Serchhip rawn tlawhin inthlanpui lo awm tur atana a inpuahchahna te a hmunah a rawn enfiawh.

MLA inthlan ah Voters Slip sem tum

Mizoram MLA inthlanpui November ni 25, 2013 a neih turah a vawikhatna atan Voters Slip leh VVPAT hman tumin inbuatsaihna kalpui mek a ni.

Zangnadawmna pek phut

Nikum July ni 20 zanlai dar 12:30 vela Keifang daiah Pioneer Quary chim in ZK Travels, Champhai Night Bus hnawl avanga thi 18 chhungte hnenah zangnadawmna cheng nuai 5 \heuh pe turin Zofa Welfare Organisation (ZWO) chuan Border Roads Organisation (BRO) an phut a, hei hi BRO ten an ngawihsan tlat niin an sawi a, hei vang hian, BRO hnenah hian Notice pek a, Court-a kal mai an rel.nia thudawn a ni. ZWO hian Keifang daia BRTF quarry chim vanga mi 18 thihna thleng chung-chang hi Home Ministry-ah thlenin, Home Ministry hian BRTF enkawltu BRO ah thawnin, ZWO hian reminder vawi engemawzat an thawn hnuah pawh engmah an ti zui lova, hei vang hian ZWO hotute \hukhawm chuan Court-a kal mai an rel ta nia thudawn a ni. BRTF quarry chimin Bus a hnawl ah hian mi 18 an thih bakah midang 19 an hliam bawk a ni.

MNF leh MPC thawhdun tumna la mumal rihlo

MNF leh MPC ten tun inthlan-puia thawhdun an tumna chu a tluang vak lo nia sawi niin Zirtawpni khan Delhi a kal MPC President chuan an party hruaitute chu inbiakna chhunzawm tawhlo turin a rawn hrilh nia sawi a ni.