Posts

Showing posts from August 18, 2013

Serchhip damdawi In-a Doctor siksawi

Mizoram sorkar chuan JN Hospital Serchhip-ah Doctor rawn dah belhin a awmsa pakhat chu sawnchhuah a ni a, JN Hospital Serchhip-a thawklai leh District Medical Superintendent ni bawk, Dr. R. Lalawmpuia chu Directorate-ah sawn niin DMS hna hi chelh rih turin CMO chu tih a ni bawk. Hemi rual hian Dr. C. Ramdinpuia (Medicine) leh Dr. Lalhmingmawii (ENT) te chu JN Hospital, Serchhip-a awm turin a rawn dah thar bawk nia thudawn a ni. Hetihlai hian NRHM hnuaia thawk Dr. Lalkrosthangi (Gyne) leh Dr. Albert Lalhminghlua te chu 3F hnuaiah lak thar niin Serchhip-ah an awm zui tura tih an ni bawk. Hemi hmalam hian ENT Specialist, Dr. Rita Zoramthari chuan Serchhip-ah a hna a rawn zawm tawh bawk a, amaherawh chu thlakhat chhung chawlh lain tun thla tawp lam atang khian mipui te tan rawn theih a nih beisei a ni.

Kumin April-June chhungin Mizoram-ah TB vei thar 592 an awm.

Kumin April thla a\anga June thla thleng khan Mizoram-ahTB vei hmuhchhuah thar mi 592 an awm a, an zinga mi 223 chu an khak-ah TB hrik hmuh an ni a, an zinga 91% chu enkawl dam an ni. 

Corrupt vek-a puhtu mihring leh pawl te vote duh ringlo.

Art & Culture Minister, Pu PC. Zoram Sangliana chuan, ‘Mizoram-a sorkar hnathawk zawng zawng, Peon leh Chief Secretary thlenga Corrupt vek maia puhtu mihring leh a pawl chu sorkar hnathawkte chuan an vote duh hauhin ka ring lo, a ti. 

Mizoram Assembly inthlanpui neih tur chungchang ECI aiawh leh tlawmngai pawl ten sawiho.

Kumin a Mizoram in Assembly inthlanpui a neih tur chungchang ah nimin (23rd Aug. 2013) khan Election Commission of India-a mi pawimawh te leh Mizoram a tlawmngai pawl aiawh bakah sorkar thupuangtute chu Aizawl-ah an \hukhawm.

PRRS vangin Vety Department in Vawk 243 suat tawh.

Vawk pul hri chi khat Porcine Reproductive Respiratory Syndrome (PRRS) natna vei finfiah tawh vawk 243 tun thla chhung khan suat an ni. 

RTI Act chungchang zirhona Mizoram CIC in hmanpui.

Mizoram Chief Information Commissioner Pu Lal Dingliana IFS (Rtd.) chuan RTI Act chu khua leh tui ten an aiawh an thlan tlin te leh sorkar hnathawk ten eiruk leh thuneihna hman khawloh kawnga an venpui theihna hmanrua, thil hriatchian duh an neih apiang an hriat theihna dan a ni, a ti.

Mizoram-a eptu party hrang hrang ten Health Minister bang turin an phut thu an sawi.

Mizoram-a Eptu party hrang hrang aiawhte nimin a \hukhawm chuan Health Minister Pu Lalrinliana Sailo chu damdawi tawlhrukna a inhnam-hnawih ah puhin bang turin an phut thu an sawi.

Mizoram Saltang Chhanchhuahna kawngzawh Aizawl leh Lunglei inkarah ZNP in nei dawn.

Zoram Nationalist Party (ZNP) chuan August ni 26 a\anga September ni 3, 2013 chhung khian Aizawl (Vanapa Hall) a\anga Lunglei thlengin Ke-a kawngzawhna neih an tum.

Mizoram-ah JNNURM hnuaiah Project 18 kalpui mek a ni.

Sorkar laipui flagship programme pakhat Jawaharlal Nehru National Urban Renewal Mission (JNNURM) hnuaia Mizorama Project 18 kalpui mekah sorkar laipui chuan a tum tur Rs. 241,77,23,000/- a\angin Rs. 110,82,17,000/- a pe chhuak tawh a, State sorkarin a thawh ve tur Rs. 32,26,42,000/- a\angin Rs. 16,57,75,000/- a pe chhuak tawh bawk. 

Serchhip District khaw tinah Elementary zirna hawn a ni tawh

Serchhip District chhunga khaw awm zawng zawng ah Primary leh Middle School hawn vek a ni tawh.

Tuikum Cluster-ah NLUP 2nd Phase dawng te hnenah \anpuina semna hun hman a ni.

Tuikum bialtu MLA leh Mizoram KVI Board Chairman ni bawk, Pu K. Lianzuala chuan tunkar Thawhlehni (20th Aug. 2013) khan Chhingchhip leh Tlungvel-ah te NLUP 2nd Phase dawng te hnenah \anpuina sum a semchhuak.

SSA Mission Serchhip District kaltlangin M/S te Computer Laptop leh Monitor sem an ni.

Image
SSA Mission Serchhip District in Computer Aided Learning Programme hnuaia Laptop Computer leh Monitor lian an lei te chu nimin khan Serchhip District chhunga Middle School 32 leh BRC te hnenah an semchhuak.

Look East Policy hlawhtlinna atan Mizoram pawimawh tih sawi.

    Trade & Commerce Minister Pu Lalrinliana Sailo chuan Look East Policy hlawhtlinna atan Myanmar leh Bangladesh karcheha awm Mizoram chuan hmun pawi-mawh tak a luah a ni, a ti.
Chin hriatloha bo a pasal in a that tih hrechhuakin a ruang hmu.
    August ni 10 a\anga a chin hriat loh a bo, Pi K.Zohmangaihi (49), Aizawl Zarkawt Veng a pasalin thah hnu-a Sakawrhmuituaitlang-a a ruang a paih chu nimin chawhnu dar 2 khan a taksa bung \henkhat hmuh a ni a, tlawmngaia thawkten rim taka an zawn chhunzawm hnu-ah 2:30 khan Zohmangaihi ruang hi hmuh kim a ni.
BSI ten Holy Bible chhut belh an tum
    Bible Society of India (BSI), Aizawl Auxiliary hotute chuan, Mizo \awnga chhuak Pathian Lehkhabu Thianghlim (Holy Bible) an chhuttir chu mipuiin an indaih loh nasa hle tih an sawi a; hei vang hian kum 2014-ah copy 21,226 chhut belh leh an tum. 
Independence Day thlirlet leh ang aw..
- Zonuna Kawlni

Rajiv Gandhi Grameen LPG Vitrak hnuaiah Mizoram-ah Gas Agent 11 hawn a ni tawh

Mizoram-a Gas Agent la awmlohna khaw 28-ah Rajiv Gandhi Grameen LPG Vitrak (RGGLV) Scheme hnuaiah Gas Agent dah tum a ni a, chung zinga 11 chu tih hlawhtlin a ni tawh.
Ruihhlo vangin mi 1241 in nunna chan tawh
    Kum 1984 a\anga August ni 7, 2013 thleng khan Mizoram-ah ruihhlo vangin mi 1241 an thi tawh a, thi zinga 1114 hi mipa an ni a, hmeichhia 127 an awm bawk.