Serchhip District chhungah ralthuam \hahnem tak man a ni.

Niminpiah (2nd Dec. 2013) tlai dar 3:00 vel khan Serchhip Police leh 14th Assam Rifle \angkawp te chuan Serchhip District chhung Khawlailung leh Chekkawn inkarah TATA 207 (MZ-04/4240) a\angin ralthuam tawlruk \hahnem tak leh heng ralthuam rawn kengtu mi 2 te an man.
Heng ralthuam te hi Serchhip Police leh 14th Assam Rifle \angkawp te hian niminpiah chawhnu dar 2:00 leh dar 3:00 inkar khan manin heng an man te hi Motor seat hnungah leh motor hnungah te dah a ni a, Serchhip Police leh 14th Assam Rifle te chuan motor khalhtu leh neitu nia insawi, Thangdeihtung (30) s/o Singngaihsuta, Champhai Vengthar nia insawi leh Lianthangmang (30), s/o Nghinghopaw, Champhai Dinthar nia insawi te an man tel bawk a, heng mi man te hi Serchhip Police Station-ah thu zawhfiah tura kawl mek an ni. Heng mi man te hian ralthuam te hi Thangdopaua, Tahan ta nia sawiin ani hi Champhai-ah a khawsa mek niin an sawi a, Champhai Police ten Thangdopaua hi zawng nghalin nimin khan Champhai-ah man nghal a nih thu Serchhip Police te chuan an sawi a, amah hian hming dang dangte pawh a inchhal \hin tih an sawi bawk.
    Serchhip Police leh 14th Assam Rifle ten ralthuam an man te hi : 1) 40mm Granade Louncher-39 nos. 2) Rifle MA3 Mark-II 5.56mm-4 nos leh a magzine 8, 3) Assault Rifle 7.6mm (AK-47 silai anga siam)-10 nos leh a magzine 20 nos, 4) LMG 7.6mm-1 no. leh LMG Magzine Box (round)-1nos, 5) Pistol (Glock) 9mm-1nos 6) Silencer pistol 1 no, 7) 5.56mm Ammunition 532 (Rounds) Mobile Handset-3nos. 9) Pawisafai-Rs. 7192/-, 10) Telescope site-1nos 11) Rifle Sling (silai ahna)-8nos. 12) Tata pikup-MZ-04/4240 leh motor document te a ni a, heng ralthuam te hi Champhai a\anga rawn phurhthlak niin Lawngtlai lam panpui tur niin heng an mi man te hian an sawi a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai