Sawhthing rate a mumal nan hmalak tum

Mizoram Ginger Grower Association (MGGA) chuan kumin (2013) ah hian Sawhthing lei duha zawngtu te duh dan ang anga Sawhthing hralh mai lo turin Sawhthing chingtute chu an ngen.
Mizoram Ginger Grower Association hruaitute hian nimin khan Aizawl Press Club-ah thuthar lakhawmtute kawmin an pawl din dan leh an din chhan te an sawi a, an pawl chu kumin Nov. 28 khan din a nih thu leh Mizoram thlaithar zinga eizawnna ngialnghet siamsak thei leh innghahna pawimawh ber zingah Sawh-thing hi a lo tel ve \an tak avangin, Sawhthing hralhchhuah te mumal taka hralhchhuah a nih theih nan leh Sawhthing chingtute hmakhua zel atan he pawl hi din a lo ni ta tih an sawi a. Mizoram Sawhthing chingtuten awmze nei zawk a dawrtu an neih zel theih nan hma lak zel an tum thu pawh he hunah hian sawiin, an pawl chu 2-Bee Management & Consultancy ten bul an \an sak tih an sawi a. Kumdang ah Sawhthing lei duh ten an lei ngamna ang anga Sawh-thing chingtu ten an hralh \hin anga kalpui tawhloh an tum thu sawiin, Sawhthing man mumal taka kan neih chhoh zel theih nan Mizoram Ginger Grower Association hriatpuina ngei a Sawhthing hralh hram hram turin Mizoram chhunga Sawhthing chingtute chu an ngen thu an sawi bawk a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn