MZP in an hruaitu hlui MLA leh MP-a thlan te chawimawi.

MZP Gen. Hqrs. President, Pu Lalhmachhuana chuan kan ram chhungah remna tak tak a awm theih nan MZP chuan a tawp thleng in hma a la zel dawn a ni, a ti.
He thu hi MZP Gen. Hqrs. in nimin a MZP Pisa Pui kharna leh MZP Hruaitu hlui Member of Legislative Assembly (MLA) a tling tharte leh Member of Parliament(MP) te chawimawina hun an buatsaih ah sawiin MZP President, Pu Lalhmachhuana chuan “Tukuk anmahni duhthu ngeia Mizoram chhuahsantu ten, a ram neitu te min rubo a, min that a, min tina reng hi MZP chuan na kan ti a, hetianga buaireng hi MZP chuan a duh lo a, kan ram chhung ah remna tak tak a awm theih nan MZP chuan a tawp thleng in hma a la zel dawn a, mi pathum (3) rukbo te hi krismas hma ngeia chhuah turin MZP chuan a ngen nawn leh a ni” a ti a ni. Hei bakah hian Gorkhali ten OBC Status an dilna chungchang pawh sawiin “Mizoram a Gorkhali ten OBC Status an dil hi Mizo te tan a him loh avangin MZP chuan engti kawng pawhin rem a ti thei dawn lo a ni,” a ti bawk. Nimin a MZP in an hruaitu hlui an chawimawi te hi Pu PC.Zoram Sangliana MLA (MZP General Secretary lo ni tawh), Pu KS. Thanga MLA (MZP Vice President lo ni tawh), Pu Lalruatkima MLA (MZP President lo ni tawh), Pu R. Vanlalvena MLA (MZP President lo ni tawh) leh MP ni mek- Pu CL. Ruala, Lok Sabha (MZP General Secretary lo ni tawh) bakah Pu Lalhmingliana, MP Rajya Sabha (MZP Presiden lo ni tawh) te an ni a, heng mite hi lawmpuina thuziak leh Thangchhuah Diar an hlan a, MZP President, Pu Lalhmachhuana chuan “MZP hruaitu hlui Mizoram rorelna sang ber MLA inthlana hlawhtlinna in chang hi MZP chuan kan lawmpui em em che u a, ram leh hnam tana mi \angkai ni zel turin kan beisei che u a ni” a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni