Mizoram-a tourism development kalpui turin theihna remchang tam tak a awm-Larsap

Mizoram Larsap Pu Vakkom Purushothaman chuan Mizoram-ah hian khualzinte hip theihna tur Tourism development chak taka kalpui theihna remchang tam tak a awm a ni, a ti.
He thu hi nihnih awh tur |halfavang Kut 2013 hawnna inkhawm Zirtawpni a Hmuifang Tourist Resort-a neih a hmanpuina ah a sawi a, he hunah hian Mizoram Larsap Pu Vakkom Purushothaman chuan Mizoram state ralmuang leh a mi cheng bengvar leh hawihawm takah hian khualzinte hip theihna tur tourism development chak taka kalpui theihna remchang tam tak a awm a ni, a ti a, Tourism lama hmasawnna hian state sum hnar \ha tak a siam thei tih sawiin, sum leh pai inbenbelna chhenfakawm tak a thlen theih avangin tourism ti chak tur hian hnam ziarang, lam leh rimawi tih hmasawn a cultural development pawh uar lehzuala kalpui a \ul a ni, a ti a. Mizo lam leh rimawite hi rampumah pawh a lar sawt hle tih pawh sawiin, tunhnai lawka International Film Festival Goa khawpuia an neihah pawh Mizo lam leh rimawite chu mit la ber pakhat a tling tih a sawi bawk.
    Mizoram sorkar in a buatsaih |halfavang Kut, 2013 hawnna inkhawm hi Tourism Department Director, Pu Vabeiha chuan a kaihruai a, he hunah hian hmanlai pipu te zai leh lam; tunlai \hangtharte zai leh lam; Pipe Band; thlalak mawi tak tak pholan leh zawrh; lehkhachaih chaih; Handloom pholan leh zawrh leh eitur thahnem tak a awm a, Advance Krismas hawi pawha hman theih tur hun hlimawm tak hman a ni bawk. Tun \um hi Hmuifang-a |halfavang Kut nghah a nih \um thumna niin he Kut hi state chhung leh pawn a\anga khualzin veivak hipluhna tura buatsaih \hin a ni. Ruahman lawk ang chuan |halfavang Kut hi Vawiin hian a hmun ngaiah hman chhunzawm leh a ni dawn a, Vawiin a he hun hmanna ah hian Tourism Secretary, Pu K. Lalnghinglova chu khuallian a ni thung ang.

Popular News

Mizoram-ah Faina Hapta hman \an leh a ni

Retailer bukna diklo 3 man