Mizoram eiruknaa fihlim State a nih thu Chief Minister in sawi.

Mizoram Chief Minister atana lakluh thar Pu Lal Thanhawla chuan Mizoram chu eiruknaa fihlim state a nih thu a sawi.
Inrinni kalta a Chief Minister atana lakluh a nih hnua thuthar thehdarhtute a kawmna hmasa berah Pu Lal Thanhawla chuan he thu hi sawiin MNF an tlak khan corruption chu mipuiin a zung an phawi  tih sawiin, tunah hian phoro mek zel a ni a, phoro \euh tawh a ni bawk a, sorkar hnathawk pawh sorkarin a tih theih chinah engemaw zat bantir an ni tawh a, Court case kal lai tam tak a awm a, court thu-ah erawh chuan sorkar a inrawlh thei lo a, a tih theih chinah chuan a phoro zung zung tih a sawi a ni. Hei bakah hian Pu Lal Thanhawla chuan Cabinet Minister leh Minister of State (MoS) te hna chanpual chu ruatfel thuai a nih tur thu leh sorkar term hmasa lama sorkar khalhngila venpuitu tur Ethics Committee chu din chhunzawm leh a nih tur thu a sawi a. Sorkar thara MLA te chu an inlungrual hle tih sawiin, Dy. Chief Minister neihna tham a nih loh thu leh Dy. Chief Minister chu inlungrual lo ten an mamawh tih sawiin, "Keini chu kawi kawm thin ang \hapin kan inlungrual a, arpui mei ang \hap kan ni," a ti a, Parliamentary Secretary pawh a \ul zat ruat a ni mai dawn tih sawiin, term hmasa a \halo laite banin thil thar \ha zawk ngaihtuahin sorkarin hma a la chho dawn tih a sawi bawk.
    He hunah hian Pu Lal Thanhawla chuan NLUP atan Plan emaw, Non-Plan a\angin emaw chengkhatmah pawhpen a awm loh thu sawiin, mipuiten sorkar programme an thlawp \hata hmalakna an dawnsawn \hat phawt chuan tun sorkar term tharah kawng hrang hranga intodelh theih a nih thu te, chak zawka hnathawh a nih theih nan file kal muang \hin pawh tichak lehzual tura hma lak tum a nih thu te, chhiah tihsan chungchangah mipuite rilru put hmang (mentality) siam\hat hmasak a \ul thu te, sorkar hnathawk ve lo chhungte tan Health Care Scheme kalpui chhunzawm zel a nih tur thu leh sum pawh tam zawk ruahman a nih theihna tura hmalak a nih tur thu te a sawi a, Mizoram-a zu khap burna dan hman mek MLTP Act hlih tumna a awm em tih zawhna chhangin "|awng\aina nen ngunthluk taka ngaihtuah a ni ang," a ti bawk.
    Hei bakah hian Chief Minister thar chuan Tripura Transit Camp 6-a Mizoram a\anga raltlan nia insawi Bru te sorkar tharah lakkir tumna a awm em tih zawhna chhangin "Lakkir an ngai lo a, a duh chu an lokir thei," tiin Electoral Roll a\anga thaibo dan turte pawh ngaihtuah a ni ang," a ti a. Helin Mizoram a\anga an rukbo te chhanchhuak turin sorkarin theihtawp a chhuah reng tih a sawi a. Tun \uma Congress party in hneh taka sorkarna an chan theih chhan chu rorelna \ha, dik leh fel, langtlang sorkar an kalpui avangin Pathianin mal a sawm nia a hriat thu leh NLUP chu party dangin an dawn nasat avangin lawmthu sawi nan vote an hmang nia a hriat thu a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai