Mi 3 rubotu ten tlanchhuahna sum phut puang \an. Vawiin ah Remna kawngzawh \an dawn.

Thla kalta Nov. 23-a Chikha Anti Poaching Camp hlui bul a\anga mi pathum rukbo zinga hnamdang, Deep Mondal-a ruaitute hnen ah heng mi rubotute hian tlanna sum cheng vbc. 5 an phut.
Heng mi rukbo te chungchanga Mizoram Police hotute sawi danin Tuikuk hel pawl nia hriat ten thla kalta Nov. 23, 2013-a Chikha Anti Poaching camp hlui bul a\anga mi pathum (3), Mizo pahnih (2) Pu Sanglianthanga s/o Vanlalhmuaka Taxi driver leh Pu Lalzamliana s/o Buanga Pickup driver leh hnamdang Deep Mondal s/o Nikil Mondal Airtel hnathawk an rukbo te chu tun dinhmunah him takin an la awm a, an hriselna pawh a \ha nia hriat niin heng mi pathum rubotute hian an rukbo zing ami Deep Mondal-a hnathawhna, Airtel Company hotute chu cheng vbc. 5 pe turin an phut a, hetihlai hian an rukbo zinga Mizo pahnih te tlanna tur atan hian sum leh pai emaw, thildang emaw phut an neih hriat ala nilo thung a ni.
    Hetihlai hian Mizo Zirlai Pawl (MZP), Mizoram Pick Up Owners & Driver Association, Mizoram Pick Up Service Association leh Zoram Taxi Driver Association (ZTDA) te chuan heng mi pathum (3) rukbo duhloh lantirna atana Remna Kawngzawh chu Vawiin a\ang hian neih \an an tum a, ruahman lawk ang chuan Aizawl leh Tuipuibari inkarah Remna kawngzawh neih tur niin, Vawiin chawhma dar 11:00-ah Aizawl Vanapa Hall kawt-ah kawng-zawh a tel turte vailiamna inkhawm neiin khaw hrang hrangah riak thlain tun thla ni 10-ah Tuipuibari-ah riaklut hman tura beisei an ni a, a tuk ah Tuipuibari-ah hian vantlang inkhawm neih a ni ang. Remna kawngzawh huaihawttute chuan ‘Remna kawng zawh’ hi rukbo te tlanchhuah phutna kawng zawh a nih tel dawn avangin rukbote chhanchhuah tuma sorkar hmalak mekna ah pawh a kila lung \angkai tak a nih ngei an beisei thu leh Tuikuk misual \henkhat ten Mizo pawisawilo chunga kutthlak an bansan thei miah lo chu hriatthiam a harsa an ti takzet tih an sawi a, hetiang ang Mizo chunga thihna leh pawikhawihna thleng hi a ni nena chhinchhiah theih \um 39 leh a hun hriat chian theih loh \um 4 a thleng tawh niin an sawi bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai