Legal Services Authority in mi 339 te Ukil rawih sak.

Kumin August leh October thla chhungin Mizoram State Legal Services Authority chuan thubuai nei Ukil rawihna tur nei lo mi 339 te tan Ukil a rawih sak thu State Legal Services Authority Member Secretary, Pu Thanglianmang Guite chuan a sawi.
State Legal Serices Authority Member Secretary chuan tunhnai deuh khan Mizoram Bar Association member te chu sorkar in sum a pek loh avangin Ukil rawihna tur neilo te aia an din tawh loh tur thu chhuah mahse a rang thei ang berin sorkar chuan hma a la a, tunah chuan pawisa te pawh pek vek an nih tawh thu a sawi bawk. Mizoram State Legal Services Authority hian kumin chhungin mi chanhai mi 1246 te tan Ukil an rawih sak tawh a, heng zingah hian thubuai nei Scheduled Tribe 1198, hmeichhia 291, naupang 8, Police kuta awm lai mipa 211 leh hmeichhia 48 te an tel a; kumin chhung hian Ukil rawihna manah cheng nuai 30 bawr vel an seng tawh bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man