Khawbung PHC-ah rannung seh hmuhbelh zel

Tunhnai khan Khawbung Primary Health Centre-ah rannung seh mi engemaw zat hmuhchhuah an ni a, tunah hian pali chu damdawi Inah enkawl mek an ni.
Heng rannung seh an hmuh te hi Zawlsei mi 4, Khawbung mi 2 leh Dungtlang mi pakhat, an vaiin mi 7 an ni a, mi 3 enfiah mek an ni. Khawbung PHC a Medical Officer Dr. Vanlalrengpuia chuan khawsik reh thei lo, chi hrang hranga endik an nih hnua an natna hmuh-chhuah mai theih loh chu rannung seh (scrub typhus) an nih deuh zel thu a sawi a. Rannung seh natna hi khawsik sang tak, reh hlei thei lova in\anin a hnuah chaw ei thei lo, luak, lu-na ten an chhunzawm leh niin a sawi. Rannung seh hmuhchhuah zinga \henkhat chu rannung sehna hmuam-hma hmuh a ni a, mei sa dehna angin rannung sehna bul chu a duk a. Ran-nung seh zing-a pakhat chuan a khaw-sik san lai chuan mumal pawh a awm hleih theih loh thu sawiin, khawsik tlun ang chiin a lang chhuak niin a sawi. Scrub typhus test na hi RKS committee ten an ruahman angin Khawbung PHC ah hian a hmangtuten a test-na hmanraw senso phuhru tawk vel Rs. 300/- in enfiah theih a ni a, rannung seh hi a enkawl dan tur dik taka enkawl chuan a dam hma hle niin Dr. Vanlalrengpuia chuan a sawi a, chloramphenicol \ha taka ei chuan rannung seh hi a dam hma hle niin a sawi bawk.
    Khawbung PHC-ah hian mimal, VC, Kohhran Hmeichhia leh RKS Committee te \hahnemngaihna leh thawhlawm thawhkhawm hmangin Isolation ward siam a ni a, damlo na zual leh na inkaichhawn theih a damlo dah nan hmangin bial mipui ten an chhawr hle. Rannung seh hi tun hma deuh khan buaipui viau tawh a ni a, thihpui hial te pawh an lo awm tawh bawk a ni

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai