CLP Leader atan Lal Thanhawla thlan a ni. Dec. 14, 2013-ah sorkar thar lalut dawn.

/
Congress Lagislature Party (CLP) chu nimin khan \hukhawmin Congress Legislature Party (CLP) hruaitu atan MPCC President, Pu Lal Thanhawla chu thlan a ni.
MLA inthlanpui neih zawh taka Indian National Congress (INC) Party a\anga thlantlin MLA te, Congress Lagislature Party (CLP) hi nimin khan Aizawl-a Congress Bhavan-a President Chamber-ah an \hukhawm a, he hun hi AICC General Secretary, Mizoram State enkawltu Pu Luizinho Faleiro chuan kaihruaiin he CLP Meeting ah hian Pu Lal Thanhawla, President, Mizoram Pradesh Congress Committee (26-Serchhip A/C & 28-Hrangturzo (A/C) chu Congress Lagislature Party (CLP) Leader atan lungrual taka thlan a ni a, Deputy Leader atan Pu R. Lalzirliana (9-|awi A/C) leh Treasurer atan Pu Zodintluanga (34-Thorang A/C) te an thlan bakah Secretary atan Pu H. Rohluna (21-Lengteng A/C) leh Pu Lalrinmawia Ralte (1-Hachhek) te thlan an ni bawk a, hei hi AICC President, Pi Sonia Gandhi chuan a pawmpui nghal bawk a ni.
    Hetihlai hian Assembly inthlanpui neih zawh taka MLA ngah ber, Congress chuan sorkar siam tumin hma an la mek a, sorkar thar lakluhna inkhawm (Swearingin Ceremony) hi Ni 14.12.2013 (Sat) a neih tura ruahman niin Council of Ministers thar te lakluhna hun neih dan tur chungchang hi nimin khan Chief Secretary Pi L. Tochhawng hovin Chief Secretary Conference Hall-ah sawiho a ni a. Heta ruahmanna siam a nih dan chuan Chief Minister leh Council of Ministers thutiamna ‘Swearing-in-Ceremony’ chu Inrinni, December ni 14 zing dar 11:00 AM-ah Circular Lawn, Raj Bhawan-ah neih a ni ang a, Ram Danpuiin a tarlan angin Governor chuan Chief Minister leh Council of Ministers te chu ‘Oath of Office and Secrecy’ tiam tirin lak luh an ni ang. Hemi ni vek hian Mizo-ram Legislative Assembly 7-na Protem Speaker lak luhna pawh Raj Bhawan-ah neih rin a ni. Nimin a Meeting-ah hian Addl. Chief Secretary, Pi M. Sathiyavathy; DGP; Secretary to Governor, IGP; DC, Aizawl; SP Aizawl leh Department thenkhat hotulu te an tel a, \hutkhawm hmasa lama Department hrang hrang mawhphurna lo pek tawh te pawh sawilan niin, hma an lak dan thlirho a ni a, a \ul anga hma la turin a kaihhnawih Department-te chu hriattir nghal an ni. Swearing-in-Ceremony hi Cable TV ah live a pek chhuah tum a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »