CEO leh thuthar thehdarhtu ten Assembly inthlanpui neih zawh tak thlirho.

Mizoram Assembly inthlanpui neih zawh tak chu Inrinni kalta khan Chief Election Commissioner Pu Ashwani Kumar hovin I&PR Auditorium-ah Election hotute leh thuthar thehdarhtute chuan an sawiho.
He hunah hian CEO chuan sawihawnna hun hmangin, inthlan tluang taka neih a ni thei chu lawmawm a tih thu a sawi a. Vote thlak tur a kal an \hahnem hle tih tarlangin, media lam mite leh tlawmngai pawl hrang hrang ten \hahnem ngai tak hma an lakna zar a nilo theilo a ni, a ti. Mamit-ah vote 85.59% tla in District hrang hrang khaikhin a vote tlak \hat berna a ni a, Vote 85.45% tlakna Lunglei in a dawt a, pathumna chu Serchhip niin, vote 84.77% a tla a ni. Heng chhiarna ah hian Postal Ballot a tla chhiar tel a la nilo a ni. He hunah hian Jt. CEO, Pu H. Lalengmawia chuan Model Code of Conduct bawhchhiat chungchangah case report tur pawh a tam lo hle tih sawiin, hei hian Mizoram mipuiten dan an zah zia a tilang a ni, a ti a. Bru vote thlaktir kawngah Tripura Sorkarin theihtawp a lo chhuah a, an lo buaipui dana an lungawi thu a sawi bawk. EVM dah khawmna Strong Room pawh fimkhur taka ven zawm zel a nih thu leh, vote chhiar ni atana inpuahchahna pawh tluang taka kalpui zel a nih thu te pawh he hunah hian sawi a ni.
    Mizoram Assembly inthlanpui neih zawh takah khan Election Model Code of Conduct bawhchhiatna 2 a awm a, official 1 chu na taka vaukhanna pek a ni a, a dang leh chu EC in a ngaihtuah mek a ni tih CEO chuan a sawi a, inthlan puan tawh hnu, National Education Day puala chanchinbu hrang hranga advertisement tihchhuah ah SSA Project Director chuan Chief Minister leh Education Minister thlalak a chuan tir a. Hei hi Election Model Code of Conduct bawhchhiatna tiin EC chuan he officer hi vaukhanna na tak pe turin a rawn hriattir a. Education Department chuan warning hi a pe tawh a ni, a ti. Model Code of Conduct bawhchhiaa puhna dang chu |awi biala Congress candidate Pu R. Lalzirliana lakah a ni a, hemi chungchangah hian ECI thutlukna nghah mek a ni a, thutlukna an siam veleh mipui hriatah puanzar a nih tur thu CEO chuan a sawi a. Home Minister Pu R. Lalzirliana hi a lawina Armed Veng Presbyterian Kohhran Committee-in lehkha (testimonial) an ziah sak, kohhrana a rawngbawlna hrang hrang tarlanna chu |awi bialah inthlan campaign laiin a sem niin puh a ni a, he thil hi chhui chian a ni a; chhuina report kimchang hi Election Commission of India-ah theh luh tawh a ni a, Election Commission thutlukna hi Vawiin hian a lo thlen tawh an rin thu an sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man