Latest News

Assembly 7-na \hutkhawm hmasa ber neiin Assembly Speaker atan Pu Hiphei thlantlin a ni.

Mizoram State Legislative Assembly 7-na \hutkhawm hmasa ber chu nimin khan neih \an a ni a, nimin a Session \an Ni hian Palak bial a\anga thlan tlin Pu Hiphei chu Mizoram State Legislative Assembly 7-na Speaker atan chuhtu awm lova tlinga puan a ni.
Mizoram State Legislative Assembly 7-na \hutkhawm hmasa ber nimin a neih hi Protem Speaker Pu R. Lalrinawma chuan a kaihruai a, Member thlan thar ten rinawmna thu an tiam zawhin Speaker thlanna neih zui nghal a ni a. Ruling bench a\ang chauhva Nomination siam a nih avangin Pu Hiphei chu chuhtu awm lova tlinga puan a ni. Pu Hiphei hi Mizoram UT sorkar hnuaia Legislative Assembly hmasa ber, 1972 ah khan Tuipang bial a\anga thlantlin niin Deputy Speaker atan thlan a ni a, UT Sorkar hnuaiah Tuipang bial a\ang hian vawi 5 thlantlin a lo ni tawh a ni. State sorkar hnuaiah kum 1987 khan Tuipang bial a\ang vek hian thlantlin niin kum 1989-90 chhung khan Speaker hna hi a lo chelh tawh a. Kum 1990-1996 leh 1996-2002 ah te khan India ram rorelna sang ber Parliament (Rajya Sabha) ah Member a lo ni tawh bawk a ni.
    House Leader Pu Lal Thanhawla chuan Speaker thar chu lawmpuina a hlan a, House zahawmna kengkawh tura hna a thawhna kawngah duhsakna hlanin Pu Hiphei chu amah leh a thawhpui te chuan englai pawhin an thlawp tlat dawn tih a sawi a. Opposition Group Leader Pu Van-lalzawma pawhin Pu Hiphei chu lawmpuina leh duhsakna a hlan a, House kaihruai turin opposition member te chuan an ring tawkin amah ah beiseina sang tak an nei tih a sawi bawk a ni. Session hi Vawiin hian chhunzawm leh a ni anga, Governor, Pu Vakkom B. Purushothaman chuan House-ah thu a sawi dawn a, Governor thusawi chungchanga lawmthu sawina Motion chu putluh nghal a ni dawn a ni.

Comments

Popular News (Last 30 Days)