ASEP in ramngaw leh nungcha humhalhtu mi 9 te chawimawi.

Association for Environmental Preservation (ASEP) chuan nimin khan Aizawl Press Club ah ramngaw leh nungcha humhalhna kawnga thawk \ha mi 9 te hnenah Chawimawina Citation an hlan.

Tun \um ami hi a thawhkhatna atana buatsaih a nih thu ASEP hruaitute chuan sawiin, he lam kawnga Mizoram tana hna thawk tha mimalte hnenah ASEP chuan chawimawina hlan zel an la tum thu an sawi bawk. Nimin a chawimawina an hlan te hi :
1. C. Rokhuma, Mission Vengthlang : Nungchate chunga ngilneihna neitu leh a huan ngaw \ha taka humhalhtu. 2. K. Hawla Sailo, Tuikual : Nungchate Paradis dina Tlaiberh lung hial phuntu. 3. K. Lianthanga, Sihphir : Nungchate chenna hmun zau tak humhalhtu. 4. VL. Bela, Electric veng : Zotheihuan Project duang chhuaktu leh hemi atana campaign \hin. 5. Laldinthara, Bawngthah : ASEP hmalakna avanga a silai vawchhetu. 6. M. Sawmliana, Chanmari West : Environment lehkhabu \angkai tak tak 7 zet ziaktu. 7. Vanlalbeli, Mission Vengthlang : ASEP hla phuah saktu leh environment humhalhna hla a phuah “Ka lungkham” tih Cl-XI zirlaibu-ah telh a ni. 8. HC. Thawnga, Upper Khatla : ASEP hla phuahtu leh Wildlife Cartoonist. 9. Pu H. Lalhmunsiama, Khatla South : Talent ropui tak sava hram dan hrang hrang hmanga Zoram dung leh vang fanga inpumpek leh campaigner ropui.