Vawiin-ah Aizawl Republic-ah Vote thlak \ha dawn

Aizawl South-I Polling Booth 18/16 Republic veng Booth No 1-a vote thlaktute aiin vote tla chu 16 in a tam (a in mil lo) a, hei vang hian tukin dar 7:00 a\ang hian vote thlak \hat leh a ni dawn.
Vote thlak \ha leh tura hriattirna hi nizan hmasa dar 9 khan Election Commission of India hotute chuan Mizoram Election department an rawn hriattir a, Election hotute chuan Vote thlak \hat tur anih nachhan Republic veng Polling Station hnuaia Polling Booth -I ah hian vote thlak chhinchhiah na (Form 17 A) ah vote thlak chhinchhiah zat chu 837 anih laiin EVM a tla zat chu 853 a ni a, Voter slip tlingkhawm zat chu 850 anga chhinchhiah ani bawk. Vote thlak zat chhinchhiah leh EVM a vote thlak zat hi 16 a a in thlau a, Voter slip erawh ID dang hman theih anih avangin he chhinchhiahna hi chu ngaih pawimawh ber a ni lo a ni. Hemi bakah hian heta Polling Officer Pu Vicky Lalnunthara chuan vote thlak turte EVM ah a hmehna hmun tur a lo hrilh \hin ti a puhna party \henkhat ten CEO kaltlanga Election Commision of India-a an thehluh (Complaint) vang a inthlan \hat turin Election Commision chuan thutlukna a rawn siam a, he Polling Official hian voter te hmehna hmun pawh a ensak \hin bawk nia puhna a awm bawk a, hetiang thil hi a thleng ngei em tih chhuichian mek a ni.

Popular News

MZI ten thisen an pe

Serchhip-a dah tur Gas ti chingpen man a ni

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn