Kumin Assembly inthlanpui senso atan cheng vbc. 24.5 ruahman a ni.

Mizoram Chief Electoral Officer, Pu Ashwani Kumar chuan kumin a Mizoram Assembly inthlanpui neih tur buaipuina atan sorkar laipui chuan cheng vbc. 24.5 a ruahman tih a sawi.
Mizoram in Assembly inthlanpui tun thla ni 25-a a hmachhawn tur chungchang ah hian thuthar lakhawmtute zawhna chhangin Chief Electoral Officer, Pu Aswani Kumar chuan sorkar laipui chuan Mizoram Assembly inthlanpui senso tur hian cheng vbc. 24.5 a ruahman thu leh he sum hi tam viau mah se State sorkar in sum lama harsatna a tawh avangin renchem taka hman a \ul thu a sawi a, hei vang hian inthlan buaipuitu tur sorkar hnathawk te chu sum hi renchem taka hmang turin a chah bawk. Hei bakah hian CEO, Pu Ashwani Kumar chuan thil man a san ang zelin inthlanpui atana budget hi tihpun a nih thu a sawi a, kum 2008-a Mi-zoram in Assembly inthlanpui a neih \um khat inthlan buatsaihna atan cheng nuai 1455.14 hman a nih thu pawh a sawi bawk.
    Hetihlai hian tun thla ni 25-a Mizoram Assembly inthlanpui neih tur atan hian inbuatsaihna chak taka kalpui mek zel a ni a, tun \uma Mizoram Assembly inthlanpui hi Assembly bial 40-ah neih tur niin heng bial 40-ah hian Polling Station 1126 a awm dawn a. Serchhip District chhunga Assembly bial hrang hrang zingah 26-Serchhip (ST) ah Polling Station 23 a awm dawn a, 27-Tuikum (ST) ah Polling Station 29 awmin 28-Hrangturzo (ST) ah Polling Station 25 a awm dawn a, Serchhip District pumah hian Polling Station 77 a awm dawn a, inthlanpui hmasa aiin tun \umah hian Polling Station hi 10 in a tam zawk dawn a, hei Election Commission in mipui ten awlsam zawka vote an thlak theih nana ruahmanna thar a siam vang a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai