Latest News

Tripura Tuikuk Camp-a vote thlak tir tumna MSU ten dodal tlang an tum thu an sawi.

Mizo Students’ Union (MSU) chuan Tripura-a Tuikuk raltlante anmahni awmna hmuna vote thlak tir tum chu dodal nise tiin Mizoram a\anga inthlan buaipui turte pawh kallui lo turin an ngen.
Mizo Students' Union (MSU) Gen. Hqrs. hian nimin khan MSU Office-ah Executive Meeting neiin tun thla, November ni 19 leh ni 20-a Tripura-a Tuikuk awmte an awmna hmuna vote thlaktir tur chungchang hi an sawiho a, hemi hnua thuchhuah an siam ah MSU chuan Mizoram-a Chief Election Commissioner a lo kal \umin, Tripura-a Tuikuk awmte an awmna hmun ngeia vote thlaktir a duh loh thu te, chu chu Mizo ram leh hnam tana a him loh thu leh, an vote neihna hmun ngeia awm tura an tih lawm lawm lai pawha therhlo leh hmam\hatna beiseia let duh lo an nih thu chu hmaichhanah ngei lehkha leh \awngkamin a lo hrilh tawh tih tarlangin, heimi hnu hian thu lawmawm dawn tur a awm takloh avangin MSU General Conference-ah zirlai sing telin Resolution an lo pass tawh angin Tripura-a Tuikuk Camp-a vote thlak tur chu an dodal dawn tih an sawi a. Tuikuk te inthlan dodal tur hian Mizoram hmun hrang hrang a\angin zirlai a tam thei ang punkhawm nise tiin Nov. 20-ah MSU District Hqrs. tinah Tuikuk Vote thlaktir tum duh lohna lantir nan Chief Election Commissioner thlalak chu hâl tum a nih thu an thuchhuah ah chuan an tarlang bawk.
    Hetihlai hian Kolasib DC Pu R. Lalramnghaka chuan nimin khan Kolasib MZP leh MSU hruaitute chu a Office-a leng-ah sawmin Tripura-a Tuikuk raltlan an camp-a vote thlak tir tur chungchang hi a sawipui a, he hunah hian Pu Lalramnghaka chuan Tuikuk raltlan Tripura a awm te vote thlaktir tura hmalakna hi Election Commission of India duhdan leh ti tura a tih anga anmahni Camp-a venhimna \ha tak hnuaia vote thlak tir an nih dawn thu MZP leh MSU hruaitu te hi a hrilh a. Sorkar ruahmanna kalh zawng leh buaina chawk chhuak zawng a chelo turin a ngen nghal bawk a. ‘Bru te hi India khua leh tui an nih avang leh India danpui hnuaiah democratic right hmanga vote thlak chu an chanvo liau liau a nih avangin ECI chuan a ngai pawimawh hle a ni,’ a ti bawk.

Comments

Popular News (Last 30 Days)