Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Thamna chungchangah ngenna siam

Aizawl District Election Officer chuan Assembly inthlanpui neih turah mipuite hnena ngenna tichhuakin India ram dan IPC 171 B-a tarlan angin inthlan laia mipui hnena vote zawn nana pawisa leh therhlo chi hrang hrang sem hi dan kalh a nih thu a tarlang.
Hemi chungchanga ngenna a tihchhuah ah chuan hetianga vote zawnna atana sum leh therhlo hmanga thamna petu leh a dawngtu te chu dan bawhchhia an ni tih tarlangin, kumkhat chhung lungin tan emaw pawisa chawitir emaw, a pahnih hmangin hrem theih an ni tih a tarlang a. Tin, IPC 171 C in a sawi angin Candidate emaw vote thlak tu leh mi tu pawh tharum hmanga rikrap leh hliam te pawh kumkhat chhung lungin tan emaw pawisa chawitir emaw, a pahnih hmangin emaw hrem theih an ni tih a tarlang bawk. Heng thil diklo titute a \ul anga thubuai (Case) siamsak turin inthlan neihna tur Constituency bial tinah Plying Squad din a nih thu pawh tarlangin, hetiang thamna leh thildiklo laka inthiarfihlim turin mi zawng zawng te chu an ngen thu leh hetiang thilthleng hria te chuan thuneitute hriattir zel turin a ngen nghal bawk.

Comments

Popular News (Last 30 Days)