Serchhip News tawi :

Biak In thar hawng

@@ Presbyterian Serchhip Field Veng Kohhran Biak In sak thar chu Inrinni khan Chhimchhak Presby-tery Moderator, Upa H. Lalliana chuan a hawng a, he Biak In sa tur hian Dt. 8.10,2008 khan bul \an niin Dt. 2.2.2009 khan a lung phum a ni a, Rs. 19,37,580/- seng in he Biak In hi sak zawh a ni. He Biak In hi a dung ft. 60 leh a vang ft. 36 niin mi 500 leng thei tur a ni. Field Veng Kohhran-ah hian member 450 vel an awm mek a ni.

SMS Poll-ah MDA in hma hruai :
@@ Tualchhung chanchinbu Serchhip Times & Zothlifim leh Thenzawl chanchinbu, Vantawng in SMS hmanga mipui ngaihdan laa Assembly inthlanpui neih tura thlirna an neih ah mi 1002 ten ngaihdan thawhin MDA Candidate tlin ringtu mi 374 (37.33%) awmin ZNP candidate tlin ringtu mi 365 (36.43%) leh INC Candidate tlin ringtu mi 254 (25.35%) an awm a, Independent Candidate tlin ringtu mi 9 (0.90%) an awm bawk.

Pi Lalzawngi boral
@@ Nimin zing dar 6:20 vel khan Pi Lalzawngi (93), c/o Rinthangi, Serchhip Bazar Veng chu Pumna vangin JN Hospital, Serchhip-ah a boral a, nimin vek khan vuiliam nghal a ni.

Popular News

Mizoram-ah Faina Hapta hman \an leh a ni

Retailer bukna diklo 3 man