Serchhip-a EVM Mock-Poll neih ah thil diklo a thlenglo tih thuneitu ten an sawi.

Social Networking site hrang hranga Serchhip-a EVM Mock-Poll neih na ah thil diklo awm anga sawi chu thudiklo a nih thu leh EVM Mock-Poll neih chungchangah thildiklo a awm loh thu Serchhip District Addl. DC, Pu Lalsangliana chuan a sawi.
    Hemi chungchangah hian Serchhip District Addl. DC leh Hrangturzo Constituency-a Returning Officer ni bawk, Pu Lalsangliana chuan Nov. ni 15,2013 (Zirtawpni) khan Serchhip DC Conference Hall-ah ECIL mithiamte leh Political Party hrang hrang aiawhte nen EVM Mock-Poll neih a nih thu leh hetah hian Party aiawhte hian inthlanna atana hman tur EVM zinga an duh duh 10, Mock-Poll neih nan hian an thlang chhuak tih sawiin, “Enchhinna ah hian vote 1000 zel EVM pakhatah thlak tur a ni a, a tawpa EVM pahnih a vote tla zat chu an chhinchiah dan nen a in an loh avangin party aiawh ten an pawm thei lova, chuvang chuan an sawiho hnu ah inremsiamin a tuk (Nov. 16, 2013) a chhiar nawn leh an rem ti a; a khawl ngai kha khawih chet miah loh a dahin Inrinni ah thlak \hat leh a ni a, party aiawhte pawh uluk lehzuala chhinchhiah turin leh vote thlak chhung chuan hmun danga kalsawn tawh lo turin hrilh an ni a, tlailamah Mock-Poll pawh zawhfel niin Party aiawh ten a diklohna an hmu tawh lova, an lungawithu lehkha a ziakin an dah a ni,” a ti a, hemi hnu hian EVM te hi uluk taka seal niin Strong Room-ah kalhhnan a ni a, Police ten chhun leh zan zawmin an veng nghal tih sawiin, mihring inthlahdah vang leh fimkhur tawk loh vanga thil buai ta anih thu a sawi bawk.
    District Election Officer Pi Juhi Mukherjee, IAS pawhin inthlan felfai leh thianghlim a awmtheih nan lang-tlang takin inbuatsaih a nih thu leh EVM Mock-Poll pawh hi ECIL Engineer te leh Election Observer te hriatpuiin Video in a vaia record dah\hat vek anih thu a sawi a, thu belhchian dawllo, inthlan boruak tichhe thei, finfiahna awm bawk silo reng reng thehdarh lo turin mipuite a ngen thu leh, hriatfiah duh leh hriatchian duh nei tan Serchhip District Election Office in complain na tur number (03838) 226099 a neih thu leh englai pawha an vil reng thu a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai