Serchhip District-a Polling parties te Team tur thlanfel a ni.

Assembly inthlanpui neih tura Serchhip District chhung Polling Station hrang hranga duty tur te an duty na tur Constituency leh an telna tur Team computer hmanga thlanchhuahna ‘2nd-Level Randomisation of Polling Party’ chu nimin khan neih a ni.
He hun hi Serchhip District Election Officer Pi Juhi Mukherjee, IAS kaihhruaina hnuaiah Serchhip National Informatics Centre-ah neih a ni a, Pu Lalruatmawia Zadeng, DIO Serchhip chuan ‘2nd-Level Randomisation of Polling Party’ kalpui dan tur sawifiahin Polling Party personnel te hi Serchhip District chhunga Assembly Constituency hrang hrang pathum a\anga thlanchhuah an ni a, an vote neihna emaw, an hnathawhna Constituency emaw, an chenna Constituency emaw a duty phal an nih loh thu sawiin, randomization tihna tur bik atana Election Commission of India in computer software a siam hmanga hnathawh anih avangin induhsakna thil a awm thei lova, felfai tak leh thianghlim taka hnathawh anih thu he huna tel Candidate te agent zawng zawng hnenah a sawifiah nghal a ni.
    Nimin a 2nd –Level Randomisation of Polling Party ah hian 1st-Level randomization neih anih \uma polling personnel tura thlanchhuahte chu Team 94 ah \hendarh an ni a (Team khatah member 4 zel), hemi hnu hian Team tin te duty na tur Constituency \hendarh lehnghal a ni a, 26-Serchhip AC-ah Team 23 leh reserve 5, 27-Tuikum AC-ah Team 29 leh reserved 6 leh 28-Hrangturzo bial ah Team 25 leh reserved 6 dah an ni a. Heng mite hi 3rd –Level Randomisation of Polling Party neih anih hunah Group hrang hrang te duty na tur polling station thlan chhuah a ni ang. Nimin a he hun hmanna hi Serchhip District-a Election Observer te pawhin an hmanpui a ni.

Popular News

Mizoram-ah Faina Hapta hman \an leh a ni

Retailer bukna diklo 3 man