Latest News

Serchhip District inthlan thunawi :

Mizoram Legislative Assembly inthlanpui neih zawh taka Serchhip District chhung thil thleng pawimawh zualte :

EVM-a harsatna thleng
@@ Mizoram Legislative Assembly inthlanpui ah Serchhip District chhungah harsata lian tham a thlenglo chungin Serchhip-XII, Little Flower Convent School-a Booth pakhat zawka EVM hman tur chu dik tawklo deuh a awm avangin EVM hi a thara thlakin zing dar 8:13-ah vote thlak \an theih a ni a. East Lungdar-II Polling Station a hman tur EVM pawh vote thlak hnuah thil fel chiahlo a awm deuh nia hriat a nih avangin harsatna tlem a thleng a, EVM hi hmundang ami lak leh niin hei vang hian vote hi thlak tlai a ni a, zan dar 10:30 hnulam thlengin vote an thlak a ni.

Polling Party thleng
@@ Mizoram Legislative Assembly inthlanpui neih a Serchhip District chhunga Polling Station tin a duty te chuan vote thlak zawhfel a nih hnuah Serchhip DC Office rawn pan nghalin DC Office-a Polling Party thleng hmasa ber, Serchhip-III a duty te chuan Thawtanni tlai dar 5:28 khan Serchhip DC Office hi an thleng a, Vote thlakna atana hman EVM chu Strong Room ah dahluh nghal niin venhimna \ha tak hnuai ah dah a ni. Hetihlai hian Serchhip-a EVM rawn thleng tlai ber, East Lungdar-a Polling Station 3-a duty te chuan zing dar 3:00 vel khan Serchhip DC Office hi an thleng a. East Lungdar-a duty te hi a huhovin an kal a, East Lungdar-II Polling Station-ah harsatna a awm avangin an tlai deuh ta a ni.

DDK ten Live in pechhuak
@@ Serchhip-a Asembly inthlanpui neih chu Doordarshan Kendra (DDK) News New Delhi te chuan Satellite Venue hmun hrang hrangah nei kualin an vil reng a, Serchhip khawpui chhung hmun hrang hrangah leh Chhiahtlang-ah te DD News te hi an kalkual in an hmunpui lamah report a khat tawkin an pe thla ve reng bawk. Tin, Election Observer te leh Election Magistrate rual ten khawpui chhung leh a remchang lai lai Polling Booth te hi an vil kual reng bawk a ni.

Vote thlaktu upa
@@ Assembly inthlanpui neih zawh takah khan Pi Lianheli, kum 104, Baktawng-III chuan vote thlakin ani hi Serchhip District chhunga vote thlaktu zingah a upa ber nia thudawn a ni a, ani bakah hian kum 101-a upa, Pi Chuai\iali, Sailulak ami chuan he inthlanpui neih ah hian vote a thlak bawk a ni.

Comments

Popular News (Last 30 Days)