Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip District-ah voters 45,198 awm

Assembly inthlanpui neih hmaa Electoral Roll-a hming thun tharna hun siam leh ah hming thun thar mi 182 an awm a, heti hian Serchhip District pumah vote nei thei mi 45,198 an awm dawn a ni.
Assembly inthlanpui neih turah hian Vote nei thei zawng zawng ten vote neia an aiawh an thlan \heuh theihna turin Continuous updation hun hawn leh niin hemi hmang hian Serchhip District-ah mi 182 te chu Electoral Roll-ah thun thar leh an ni a, heti hian Serchhip District pumah vote nei thei mipa 22,115 leh hmeichhia 22,756, an vaiin 44,817 an awm a, hei bakah hian Service Voters 327 awmin vote nei thei zawng zawng hi mi 45,198 an awm dawn a ni. Assembly bial mal ah 26-Serchhip chu vote nei thei tamna ber niin vote nei thei mipa 7690, hmeichhia 8216, an vaiin 15,906 leh Service voters 132 awmin vote nei thei zawng zawng hi 16,038 an ni a, 27-Hrangturzo chu vote nei thei tlemna ber niin vote nei thei mipa 7098, hmeichhia 7157, an vaiin 14,255 bakah Service voters 98 an awm a, 28-Tuikum-ah vote nei thei mipa 7327, hmeichhia 7383, an vaiin 14,807 leh Service voters 97 awmin vote nei thei zawng zawng hi 14,807 an ni. Serchhip District chhunga Assembly bial pathum-ah hian vote nei thei zingah mipa aiin hmeichhia an tam zawk vek a, District pumah hian vote nei thei mipa aia hmeichhia an tam zawkna hi voters 601 a ni.

Comments

Popular News (Last 30 Days)