Serchhip biala Candidate te tan MPF buatsaihin Joint Platform neih a ni.

Mizoram People Forum (MPF) Serchhip Constituency Forum buatsaihin nimin (19th Nov. 2013) khan Serchhip Bazar-ah Joint Platform neih a ni a, he hunah hian tun thla ni 25-a Assembly inthlanpui neih tura Serchhip biala Candidate 4 te an tel kim thei a ni.
He Joint Platform hi MPF Serchhip Forum a\angin Rev. Lalhmachhuana chuan kaihruaiin Candidate 4 te hi thusawina hun, minute 20 \heuh pek an ni a, Indian National Congress (INC) Candidate, Pu Lal Thanhawla chuan thu sawi hmasa berin  Serchhip mipuite chu an chunga thil tih dik loh leh tihsual te, rilru tihnatna te a nei a nih chuan theihnghilh sak a, ngaidam turin a ngen a, Mizote chu Chanchin \ha kan hrilh chhung chu chim ralin kan awm dawn lo a ni, tiin sorkar in hmalakna hrang hrang a neih mek leh hmachhawp a neih chi hrang hrangte pawh a tarlang nghal bawk. Hemi hnu hian Zoram Nationalist Party (ZNP) Candidate, Pu PB. Lalsawmliana chuan thu sawi lehin Mizoram mipuite chu insem liam liam dawnga nung tur kan nilo tih sawiin, rim taka thawka mahni thawhchhuah ring tur kan nih thu a sawi a, hei hi mi \henkhat ten la sorkar lo tan chuan sawi awlsam tak angin sawi \hin mahse sorkar tawh tan chuan thawh awl tak nia an hriat thu a sawi thung a. An Party an sorkar a nih chuan Serchhip biala mipui a duh apiangin an dawr theih tur MLA Office din a nih tur thu sawiin, Constituency Development Committee din a nih dawn thu a sawi bawk a, thlantlin a nih hma leh nih hnuah danglam a tumloh thu a sawi bawk.
    Hemi hnu hian Mizoram Democratic Alliance (MDA) Candidate, Pu C. Lalramzauva chuan thu sawi lehin Serchhip bial chu kum 25 chhung Chief Minister bial lawm tak leh inchhuang taka kan nih tawh thu sawiin, amaherawhchu tunah chuan keini aia hniam District an awm tawhlo niin a sawi a, tun \um hi Serchhip biala \um 3 a dinna a nih thu leh Serchhip bial mipuite chu chhanchhuak tura Serchhip bialtu MLA nih ve a chak avanga ding a nih thu a sawi a, an sorkar a nih chuan bial chhungah MLA Office hawn a nih tur thu sawiin, District Jail hawng tur te, Zawlpui phai a\anga thlai tam zawk thar tur leh kawng hrang hranga hmalakna turte a tarlang bawk.
    A hnuhnung berah Independent Candidate Pu Lalawmpuia Renthlei chuan thu sawiin Mizoram chu Lalpa zawnchhuah ram a nih thu sawiin, Lalpa zawn-chhuah ram a nihna ang taka lang turin Pathian \ihna leh a thupek te vawng chunga ram kaihhruai a \ul thu a sawi a, chumi en lova Zoramthar leh ram hauhsakna ringawt kan thlir a hlauh thu a sawi a, Pathian in Faisa ring-a awm mai mai tura a ruat te kan nilo tih sawiin, rim taka thawka mahni thawhchhuaha nung tur kan nih thu leh chumi tur chuan thinlung hmunkhat pu in, Party rilru bansanin mi\ha thlanchhuah a \ul thu a sawi bawk. Hemi hnu hian Candidate tin te hi minute 10 \heuh thu sawina hun pek leh an ni bawk a ni. Nimin a MPF in Serchhip Bazar-a Joint Platform an buatsaih hi a hmunah mipui tam tham takin an ngaithla a, khawthim dawn thlengin hun an hmang a ni. Tarlan tawh angin MPF leh Political Party te thawh-hona thuthlung angin House-to-House campaign chu neih theih a ni tawhlo thung a ni.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni