Scholarship tur sum pechhuak \an

Mizoram Scholarship Board chuan kum 2013-14 atana Scholarship chu nimin khan Mizoram hmun hrang hrangah a semchhuak \an.
Tun \umah hian Higher Secondary School zirlaite Post-Matric Scholarship pek vek tum a ni a, chuta tan chuan Rs. 712,25,400/- sem a ni anga, nimin khan Kolasib, Serchhip, Lunglei, Lawngtlai leh Saiha District chhunga zirlaite hnenah pekchhuah niin Vawiin ah Aizawl, Mamit leh Champhai-ah te pek chhuah tum a ni. Kumin ah hian Scholarship atan sorkar laipui a\angin cheng nuai 886 hmuin HSS zirlaite hnenah nuai 712 sem ani anga, Academic Session kal lai mek pawl 10 hnuai lam zirlai 53,614 hnenah Rs. 1328,20,500/- pek tur a ni. Mizoram Scholarship Board hian Serchhip District chhunga Scholarship sem tur hi nimin khan Serchhip-ah an rawn pechhuak a, tun \umah hian Serchhip District-a zirlai 4325 te hnenah Scholarship hi pekchhuah tur niin Rs. 109,95,750/- rawn pek a ni a, Vawiin a\ang hian zirna In hrang hrangah semchhuah a ni dawn a ni. Hemi rual hian Post-Matric Scholarship pawh zirna In ah hlan nghal an ni bawk a, hei hi 10+2 chunglam niin heng mite hnenah hian engzata semchhuah nge a nih hriat a nilo thung a. Heng Scholarship hi Nov. 29, 2013 a\anga 11th Dec. 2013 chhunga sem chhuah hman vek tura ruahman a ni.

Popular News

Mizoram-ah Faina Hapta hman \an leh a ni

Retailer bukna diklo 3 man