Polling Station pakhat ah vote thlak \hain Strong Room hawngin EVM enfiah a ni bawk.

Nimin khan 18-Aizawl South-I (ST) AC-a Polling Station pakhat ah inthlan \hat (Re-poll) chu muanawm leh tluang tak a neih a ni a, nimin vek khan EVM Strong Room Pachhunga University College ami chu General Observer hovin hawn a ni.
    Election Commission of India in ruahmanna a siam angin nimin khan 18-Aizawl South-I (ST) Assembly Constituency chhunga Polling Station No. 16 (Republic-I) ah boruak muan-awm tak hnuiah vote hi thlak \hat a ni a, vote za zela 78.71% a tla a ni. He Polling Boot-ah hian Thawh\anni khan vote thlak niin vote thlak chhinchhiahna Form 17 A-ah vote 837 a tla nia chhinchhiah a nih laiin EVM-a vote tla zat chu 853 a ni thung a. Hetianga vote thlak zat leh EVM-a vote tla zat a inmilloh avang hian vote hi thlak \hat a ni a, Vote thlak te chhinchiah nan  hian an kutzunglaiah chhinchhiahna hnawih sak an ni thung a ni.
    Hetihlai hian nimin khan Aizawl District Strong Room chu General Observer leh Political Party aiawh te Candidate leh an Agent ten nen a hawn a ni a, he Strong Room hawn a nihna chhan hi Presiding Officer in 13/1- Sihphir-I Polling Station a Mock Poll clear lova vote a thlak chhunzawm tir vang niin Presiding Officer hian Returning Officer hnenah ni 27.11.2013 ah a report chauh avangin Returning Officer in Candidate, Election Agent leh Political Party aiawh te kokhawmin Observer remtih na leh kaihhruaina in Mock Poll a VVPAT paper slip chhiar nghal niin Presiding Officer in a Mock Poll an thlak a sawi zat chiah vote 50 a ni tih finfiah a ni a. Hemi tihchian lehzual nan Strong Room a dah tawh EVM Control Unit a vote tla zat enfiah nan ECI remtihna in Strong Room hi hawn a ni a, Presiding Officer in a sawi ang ngeiin Mock Poll hi a lo clear lo tih finfiah a ni. EVM a vote tla zat hre tur hian Candidate tin ten a vote an hmuh zat lang kher lovin ‘Total’ button hmeh in vote tla zat hi a hriat theih a, mipuite tan engmah rinhlelh leh ngaih\hat-lohna tur a awm lo tih sorkar thuchhuah chuan a tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai