Oil zawngtu chetsualna ah mi 1 boral

Serchhip District chhung Oil zawn hna thawktu te chuanna Motor chu nimin khan Hmun\ha dai-ah chesualin mi 1 a boral.

Serchhip District chhung Hmun\ha khua leh a chhehvel-ah hian Alpha Geo Pvt. Ltd. India chuan Oil zawn hna hi thawkin Chhiahtlang-ah an inkhuar a, nimin a hnathawk tura Hmun\ha lam pana Pik-Up, TR-01/1740 a an kal chu Hmun\ha khaw thlenhma KM 1 velah chesualin kawngthlang ah an tlanliam a ni. He Motor-ah hian a khalhtu bakah midang 20 an chuang a, he chetsualna ah hian Pranab Ari (36), West Bengal lam mi chu boralin midang 16 te chu damdawi In ah hian admit an ni a, mi 4 te chu Aizawl lam panpui tura tih niin midang 4 te erawh chuan hliam na an tuarlo thung a, damdawi In ah hian First Aid pek an ni. He Motor hi Ramez-a khalh nia sawi a ni a, a khalhtu hi a tlanbo zui nghal niin kan thudawnna chuan a sawi bawk. He vanduaina thlenga boral Pranab Ari-a ruang hi nimin vek khan JN Hospital Serchhip-ah Postmortem nghal a ni a, nimin tlai lam khan an khaw lam panpui tura ruahman a ni.