Latest News

Naupangte himna chungchang zirho

Serchhip District Child Protection Society (DCPS) buatsaihin nimin khan Serchhip Chanmari Veng-a Middle School leh Primary School zirlaite tan naupangte himna chungchang zirhona, Awareness Campaign on Child Protection neih a ni.
He zirhona Govt. M/S Chanmari-a neih hi he School Headmaster, Pu T. Lalhmingliana chuan kaihruaiin Serchhip District Child Protection Office a\angin Lalramsiami Sailo, Legal-cum-Probation Officer chuan District Child Protection Society (DCPS) kalphung leh an hnathawh dan te, naupang ten thubuai/hlabuai an neih chungchanga hma an lak dan leh Child Welfare Committee (CWC) leh Juvenille Justice Board (JJB) chungchang te a zirtir a ni. He hunah hian R. Lalramdinmawii, Protection Officer, DCPS pawhin naupang kalkhawmte zirtirna pein naupang lutuk-a nupui/pasal inneih \hatloh dan te, zu leh damdawi hmansual \hatlohna te leh naupang School naupang a\anga hnawhchhuah leh School bân hma lutuk \hat lohna te a sawi bawk. He hunah hian naupangte leh zirtirtute tan zawhna leh chhanna hun hlawkthlak tak hman niin Serchhip District Child Protection Society-a thawk te chuan zirlai naupang leh zirtirtute chu naupang venhim leh enkawl ngai an hriat ang ang te an hnena hrilh nghal thuai thuai \hin turin an chah bawk a ni.

Comments

Popular News (Last 30 Days)