Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

MSACS Project Director in Serchhip rawn tlawh

Mizoram State AIDS Control Society (MSACS) Project Director, Dr. Lalmalsawmi Sailo chuan nimin (6th Nov. 2013) khan Serchhip rawn tlawhin MSACS hnuaia hmalakna hrang hrang Serchhip-a kalpui a nih dan a rawn enfiah.
Dr. Lalmalsawmi Sailo hian chawhma lam khan Opium avanga harsatna tawk te enkawlna tur hmun, Serchhip Hospital Complex-a Opioid Substitution Therapy (OST) tura ruahman chu tlawhin he OST hi hun reilote ah hawn theih tura beisei niin an bungrua tur te pawh Ser-chhip a rawn thleng tawh bawk a. Hemi hnu hian Integrated Councelling & Testing Centre (ICTC), Link Anti-Retreviral Therapy (ART) Centre, STI (Sexually Transmitted Infection) Clinic leh Serchhip Blood Bank te tlawhin District Medical Superintendent, Dr. ZD. Lalmuanawma leh Dr. Maria VL. Rosangi ten an lo dawng-sawng a, harsatna an tawh hrang hrangte chu thawktu ten lo thlenin a theih anga sutkian a nih theih dan tur an sawiho nghal bawk. Hemi hnu hian District Medical Superintendent Office-ah Blood Bank Officer leh Association for Voluntary Blood Donation (AVBD) Serchhip Branch hruaitute kawmin Serchhip damdawi In-a mi tlawmngai ten damlo te hman tura thisen a thlawna an pek chungchang an sawiho a, he hunah hian Dr. Lalmalsawmi chuan Serchhip damdawi In-a thisen pek za zela 98 vel zet chu mi tlawm-ngai ten an pek a nih thu sawiin, hei hi vawnghim zel tur leh mi tam zawkin a thlawna thisen an pek theihna tura \an la zui zel turin a ngen bawk. Dr. Lalmalsawmi hian nimin vek khan Lunglei a pan leh nghal a ni.

Comments

Popular News (Last 30 Days)