MNF in Code of Conducts bawhchhiatna thleng niin sawi.

MNF Gen. Hqrs. chuan Vanglaini chanchinbu-a National Education Day Message tihchhuaha Chief Minister Pu Lal Thanhawla leh Education Minister, Pu Lalsawta te thlalak tarlan a ni chuan Election Model Code of Conducts a bawhchhia tih sawiin, Chief Electoral Officer, Pu Ashawni Kumar hnenah lungawilohna an thlen.
MNF hotute chuan Advertisement tihchhuaha Chief Minister leh Education Minister te thlalak tarlan a ni chu Representation of People Act, 1951 Sec. 127 (A) bawhchhiatna nia sawiin, an tana ham\hatna awm thei zawnga thuchhuah a ni chu Model Code of Conducts bawhchhiatna a ni tih sawiin, Chief Electoral Officer chu dan anga heng mite chungah hian hremna lekkawh tura an phut thu an hrilh bawk. Chief Electoral Officer, Pu Ashawni Kumar chuan MNF Gen. Hqrs. in lungawilohna an thlen chungchangah hian Aizawl District Electoral Officer, Dr. Franklin Laltinkhuma chu chhuichiang tura hriattir a nih thu sawiin, a chhuichianna report chu Vawiin aia tlai lova thehlut tura hriattir a nih thu a sawi bawk.

Hetihlai hian sorkar chuan thuchhuah siamin Election Commission of India (ECI) thuchhuah angin SMS hmanga thu dengkhawng leh \awngkam uchuak, mimal insawichhiatna, chi leh chi inkara boruak \halo siam thei, Election Dan leh Model Code of Conduct bawhchhe zawnga thu inthawn reng reng khap tlat a ni tih a tarlang a, chutiang zawnga SMS dawng, complaint thehlut duh tan Police Mobile No.9436352995 ah SMS dawnna Mobile number ziak telin report/forward theih reng a nih thu a tarlang a. He thuchhuah a tarlan a nih dan chuan SMS hmanga campaign hi khap a ni lo va, campaign nana hmang an awm a nih chuan Service Provider ten a thawntu candidate/political party hming, address, mobile number, SMS thawn chhuah zat leh thawn man te chipchiar taka chhinchhiahin DEO hnenah report an thehlut tur a ni a, an mimal/party senso ah belh tel a ni ang.

Popular News

Mizoram-ah Faina Hapta hman \an leh a ni

Retailer bukna diklo 3 man