Mizoram-a vote nei thei tur zingah hmeichhia an tam zawk.

Kumin inthlanpui-a vote thlak thei chin chhiarna ah mipa aiin hmeichhe voter an tam zawk a, vote nei 6,86,305 zingah hmeichhe vote nei 12,707 zetin a tam a; hetihlai hian hmeichhe candidate 4 an awm dawn a. Congress Party leh MNF a\angin 1 ve ve thehchhuah an ni a, BJP a\angin 1 leh Independent-in 1 a ding dawn bawk. Kum 25 kalta chhung khan candidate zinga hmeichhia thlantlin pakhatmah an awm lo thung.

Kumin ah hian MHIP President hlui, MPSC Chairperson hna lo chelh tawh B. Sangkhumi chuan Champhai South-ah Independent-in a chuh dawn a, Congress Candidate, Revenue Minister JH. Ro\huama; MDA candidate Rosiamngheta leh ZNP candidate, Vanlalneiha Ralte te a khing ang. Rorellai Congress Party chuan hmeichhe chawikanna ni pahfawmin hmeichhe candidate tih tam an tum thu puangin Mahila lama an hruaitu nu, TBC. Tlangthanmawii chu Aizawl West-I bialah ZNP President Lalduhoma leh MNF hruaitu, Supply Minister hlui K. Sang\huama te a khing dawn a ni. Opposition Party lian MNF chuan AMC Councillor ni mek Lalmalsawmi chu |awi biala ding turin an vawrh chhuak a, he biala MLA ni mek Home Minister R. Lalzirliana leh ZNP candidate R Lal\hatluanga te a khing ang. Lalmalsawmi hi kum 2010 November ni 3-a Aizawl Municipal Council inthlan \uma hmeichhe Councillor thlan 6 zing ami a ni. Hetihlai hian BJP chuan hmeichhe Candidate pakhat an nei dawn a, Lengteng bial-ah Congress Candidate leh Supply Minister ni bawk, Pu H. Rohluna dinna bial ah Zoramchhani an dah a ni. MNF sorkar kum 1987-ah khan Lalhlimpuii chu Minister a lo ni tawh a, ani hi Mizo-ram-a hmeichhe Minister hmasa ber leh awmchhun ala ni ta rih a ni.