Mizoram MLA General Election, 2013 Candidate nih tum Nomination File huna hriat tur tlangpui te

Mizoram Legislative Assembly inthlan lo awm tur a Serchhip District chhunga Assembly Constituency pathum te zinga khawi emaw ber a\anga Candidate nih tum te tana hriattur pawimawh tlangpui te :

1.    MLA Candidate nomination file tur chu a file-na tur Constituency a vote nei, Electoral Roll a chuang a nih loh chuan amah nominate/propose-tu tur, a dinna tur Constituency Electoral Roll a chuang ngei a nei tur a ni.
2.    Chung nominate-tu/Propose-tu chuan nomination form a submit hun tur, engtia submit tur nge, khawia submit tur nge tih leh engtika submit tur nge tih a chiang tur a ni.
3.    Candidate nomination file tur tunhma anga Motor a inzui duah \hin kha phal a ni tawh lova. Returning Officer/Assistant Returning Officer(RO/ARO) Office (chu chu Serchhip DC’s Office) 100 metres huamchhungah Candidate leh a zuitu motor pathum bak luh phal a nilo. Nomination file turin RO/ARO Office chhungah mi panga (5) bak Candidate tiamin luh phal a ni lo.
4.    Candidate te hian security deposit Rs.5000/- zel Constituency a dinna tur apiang tan dah a ngai a. Candidate pakhat tan Constituency pahnih bakah nomination file theih a nilo. Chung pawisa deposit te chu RBI-ah emaw Govt. Treasury-ah emaw a pawisafaiin emaw a tihtheih a. Pawisafai a nih loh chuan receipt (challan) deposit ngei a ni tihchianna a thil tel tur a ni.
5.    ST/SC Candidate te tan Security deposit atan Rs.5000/- a ni a. ST Candidate te chuan ST an ni tihchianna Certificate an thil tel ngei tur a ni.
6.    Recognized Political Party emaw recognized loh pawhin Candidate Form B hmanga an ruat te chu pen tuihmanga a ruat tu Office bearer sign ngei chauh pawm tur a ni. Fax hmanga thawn chu pawm theih a ni lovang.
7.    1) Candidate ten Affidavit leh Form A&B hi nomination file theih hun ni tawp dar 3:00 PM hmain an file ngei tur a ni.
    2) An nomination file endik a nih hmain thutiam an chham hmasa ngei tur a ni.
    3) Electoral Roll-a an chuanna nomination endik a nih hma in an file thei ang.
    4) Security deposit hi nomination file rualin emaw a hmain emaw tihfel tur a ni.
8.    1) Candidate te chuan Bank Account thar Election senso atana hman tur nomination an file hma niin an hawng tur a ni a. He account No. hi RO hnenah nomination file rualin ziakin an thehlut tur a ni. Election senso hi he Account a\ang chauh hian an hmang thei ang a, candidate-in campaign senso ama pawisa emaw kawng dang a\anga a hmuh emaw pawh he Account-ah hian a dah lut tur a ni.
    2) Candidate-in ama hmingin emaw midang nen (a election agent) joint-in Account an hawng thei ang.
    3) Candidate hian ramchhung (State) hmuntinah a duhna Bank-ah emaw Post Office-ah emaw Account an hawng thei ang.
9.    Serchhip District chhungah Notary Public an awm loh avangin affidavit siam ngai chi chu Pre-notorised affidavit siam lawk tur a ni.
10.    Candidate-in Social Media entirnan – Youtube, Facebook, Tweeter etc. zawm a neih chuan a Account No. chipchiar nomination file-naah a tilang tur a ni.

Popular News

Mizoram-ah Faina Hapta hman \an leh a ni

Retailer bukna diklo 3 man