Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram Assembly inthlanpui neih tur thlirin ECI-a mi pawimawh ten Mizoram an rawn tlawh.

Election Commission of India (ECI)-a Chief Election Commissioner (CEC) leh Election Commissioner pahnih te chuan Mizoram-a Assembly inthlanpui lo awm tur inpuahchahna te thlir turin nimin khan Aizawl an rawn thleng.
Election Commission of India (ECI) hotulu pathum-Pu V. S. Sampath, Chief Election Commissioner; Pu H.S. Brahma, Election Commissioner leh Dr. Syed Nasim Ahmad Zaidi, Election Commissioner te hian nimin khan Aizawl hi rawn thlengin nimin vek chawhnu lam khan New Secretariat Complex, Conference Room-ah political party hrang hrang leh tlawmngai pawl \henkhat aiawhte chu kawmin Mizoram in Assembly inthlanpui neih tur chung-chang hi an sawipui nghal bawk. Ruahman lawk ang chuan heng ECI hotu lawk te hian tukin zing hian Chief Secretary, DGP leh CEO te chu inthlan chungchang sawipuiin meeting an neih pui dawn a, hemi hnu hian New Secretariat Complex, Conference Room-ah chanchinbu mite leh thuthar thehdarhtute an kawm zui nghal bawk ang. Hemi hnu hian Mizoram chhuah-sanin New Delhi an pan leh nghal dawn a ni.
    Hetihlai hian Election Commission hotu lo zin te hi MZP chuan pawndum nen an lo hmuak thung a, hei hi Bru te tan bik chiaha Electoral Special Drive buatsaih a nih an duhloh lantirna a ni. Hemi hnu hian MZP hruaitute chuan CEO, Pu Sampath-a hmu nghalin, Tripura Relief camp a awm mek te tana rinhlelhawm taka special electoral drive neih chungchang an sawipui niin MZP chuan a sawi a, Mizoram University zirlai hostel-a awm leh mi in luaha awm ten University campus-ah postal ballot hmanga vote an thlak theih nan leh Mizoram pawna awm Bru te state chhung ngei a vote thlak tir an nih theih nana ruahmanna siam turin an ngen tih sawiin, he an thil thlen chungchang hi Chief Election Commissioner chuan lo enzui a tum leh a \ul ang apiang Mizoram Chief Electoral Officer (CEO) te nen in rawn chunga an lo bawhzui tur thu a lo hrilh niin an sawi bawk.

Comments

Popular News (Last 30 Days)