Inthlanpui atana inbuatsaihna Jt. CEO in hrilhfiah.

Tun thla ni 25-a Mizoram Assembly inthlanpui neih tur atana inbuatsaihna kal mek chungchangah Joint Chief Electoral Officer, Pu H. Lalengmawia chuan nimin khan a Pisa-ah thuthar lakhawmtute kawmin an hmalakna te a hrilhfiah.
He hunah hian Joint CEO chuan tun \uma Assembly inthlanpui neih turah hian Polling Station 1,126 a awm dawn thu leh heng zinga 94 te chu venhim ngai an nih thu sawiin, Polling Station zingah mobile connectivity awmna 929 leh mobile connectivity awmlohna 197 awmin; eng (electric) awmlohna Polling Station 96 leh Mobile connectivity bakah eng awmlohna Polling Station 106 a awm a; henga hman tur hian wireless set pek tawh niin, eng awmlohnaah pawh generator leh solar-te hman anih tur thu a sawi bawk. He inthlanna neih turah hian Candidate hi mi 142 awmin, bial hniha ding kawp mi pathum an awm a, AMC Councillor te pawhin ADC member nilai te ang bawkin, High Court thuchhuak angin bang hmasa kher lova MLA seat an chuh theih thu a tarlang bawk.
    He hunah hian Joint CEO chuan VVPAT chu Aizawl District chhunga Assembly Constituency 10-ah hman a ni dawn tih sawiin, hei hian EVM rintlakzia lantirin, voter-ten an Vote-na kha chiang takin an hmu thei dawn a ni, a ti a, EVM Second Level Checking and Commissioning pawh tun thla ni 20 ral hmain zawhfel tura ruahman a ni bawk. Tun inthlanpui neih tur atan hian General Observer 31, Expenditure Observer pakua, Police Observer pahnih leh Awareness Observer pahnih an awm thu pawh sawiin, Mizoram pawn a\angin sipai company 31 rawn duty tura ruahman niin, Nagaland a\angin Company 12, Sikkim a\angin pali leh Tripura, Assam leh Manipur a\angin Company panga \heuh, an vaiin mi 3000 chuang an ni dawn tih a sawi a, Dan leh thupek kenkawh kawngah pawh khawng taka kal a nih thu sawiin, political party tinte leh mipuiten Election Commission of India thupekte an zawm \hatnaah lawmthu a sawi bawk.
    Hei bakah hian Pu H.Lalengmawia chuan, “ECI chuan India khua leh tui zawng zawng ten Vote thlak hi an chanvo (right) a nih avangin, indansak hi thianglo a ni,” a ti a; “inthlan lo neih tawh \hinah fello a awm avangin, Ministry of Law Justice & Company Affairs leh ECI chuan Tripura-a Bru raltlante chu Section 60 (c) of Representatives of Peoples’ Act of 1951 hmangin ‘Notified class of Citizens’ ah puangin, Vote an thlak theih dan tur hi a ruahman ta a ni,” a ti. Bru raltlan Tripura Camp-a awmte tan hian Nodal Officer pasarih leh Desk Officials 74 ruat an ni tawh a, ECI a\angin Observer paruk leh Special Observer atan West Bengal CEO a rawn kal ang tih sawiin, he inthlanna buaipui tura kal Polling Party-te tibuai zawnga awmlo turin ngenna a siam nghal bawk.

Popular News

Mizoram-ah Faina Hapta hman \an leh a ni

Retailer bukna diklo 3 man