Inthlanpui atan inbuatsaihna peihfel thawkhat

Karleh ni 25-a Mizoram Assembly inthlanpui neih tur atana official lam inbuatsaihna chu peihfel thawkhat a ni ta a, District tinah Polling Party zawng zawngten training an nei zo fel a, venhimna lama thawktu te pawhin an awmna hmun tur \heuhah awm fel tawh in hna hrang hrangte chak taka kalpui mek zel a ni bawk.
Tun \um Assembly inthlanna neih turah hian Polling Station 1126-a awm dawn a, Polling party te pawh an duty na tur hmun \heuhah Vawiin leh naktuk hian an chhuak \an anga, Polling party te hian Postal Ballot hmangin vote an thlak hmasa a, Postal Ballot a vote tla zat hi hriat theih thuai beisei a ni. Inthlanpui atana Polling Station awm zawng zawng zinga 94 chu venhim ngai zual a ni a, venhimna lam pawh a \ha thei anga ruahman a ni a, duty tur te pawh an awmna hmunah awm tawhin, Myanmar, Bangladesh leh \henawm state Assam, Manipur leh Tripura inrina ah te venhimna hi uluk zual a ni.
    Kumin inthlanpui-a vote thlak thei chin chhiarnaah mipa aiin hmei-chhe voter an tam zawk a, vote nei mi 6,86,305 ah hmeichhe voter 12,707 zetin an tam a ni. Hetihlai hian inthlanna dan bawhchhia an awm leh awmloh veng tura din team hrang hrangte pawhin ngawrh takin an hnate an thawk reng a, hmun kilkhawr tak tak tlawh ngai an nih hlawm avangin duh anga chaka hnathawh a harsat deuh thu Team hruaitu \henkhat hnen a\anga dawn a ni a, tun dinhmunah dan bawhchhiatna lian tham sawi tur a la awm lo niin Election Department hotute chuan an sawi a ni.
    Election Department chuan Vote thlak vek tura mipuite a sawm bakah, candidate te zinga an duhzawng mi an awm ngang lo anih pawhin NOTA (None Of The Above) ah tal hmet tur pawha vote thawkchhuak hram turin mipui a ngen a, Jt. CEO Pu H. Lalengmawia chuan NOTA hmeh tur awm hian, vote tla pawh a tih tam ngei a beisei tih a sawi a, Mizoram hi vote tlak \hatna hmun ni \hin a ni a, inthlan hmasa khan vote zaa 82 tlain, ramchhungah a tlak \hatna zingah a tel a, amaherawhchu Tripura Assembly inthlan neih zawh takah vote tla zat chu zaa 92 a kai chhoh dawrh avangin, hei hi kumin hian khum ngei an in-beisei tih a sawi a ni.

Popular News

Mizoram-ah Faina Hapta hman \an leh a ni

Retailer bukna diklo 3 man