Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

ICFAI University Mizoram in Convocation nei

ICFAI University Mizoram chuan nimin khan an University Campus, Durtlang North-ah an Convocation vawi 2-na an hmang a, Mizoram Governor Pu Vakkom Purusothaman, he University-a Visitor ni bawk chuan he Convocation hi a hmanpui a ni.
He hunah hian Pu Vakkom Purusothaman chuan Mihring nun hi englai pawha thil zir tur, thawkchhuak tur leh hmalam pana kal zel tur anih angin zirlaite chu an nun kal zel turah sumdawnna a ni emaw sorkar hna, zirtir hna, politics emaw thil siam lamah pawh nise an tum ber fo tur erawh chu chhungkua, khawtlang, ram leh hnam tana mi chhen fakawm nih tum a ni ang, a ti a, State ralmuang leh zalen tak Mizoram-ah hian eng kawng pawh zawh dawn ila rem-channa \ha tak a awm avangin Mizoram sum leh pai dinhmun ti phuisui tur pawhin heng remchanna te hi hman thiam a pawimawh a ni, a ti bawk.
    Mizoram Legislative Assembly-in ICFAI University Act hi kum 2006 khan a passed hnuah University hi din a ni a. ICFAI Society sum-dawng ni lo (not-for-profit) in a sponsor mek niin UGC Act 1956, section 22 hnuaiah degrees pek theihna a nei a ni. ICFAI University Mizoram campus acres 17.58 a zau hi Durtlang North-ah a awm a, Campus Building hi 43000 sq ft chhungah classrooms, Computer lab, Language lab, Library lehkhabu 14,000 vel lai awmna leh zirna atan \ul leh \angkai Auditorium, Recreation area nuam leh zau \ha tak a awm a ni.

Comments

Popular News (Last 30 Days)