Ethics Committee hnathawh tarlanna lehkhabu tlangzarh.

Mizoram sorkar, Pu Lal Thanhawla kaihhruaiin a din Ethics Committee chuan nimin khan I&PR Conference Hall-ah an hnathawh hrang hrang dakhawmna lehkhabu, "Reports of The Ethics Committee (2009-2013)", phek 193-a chhah an tlangzarh.
Tlangzarhna inkhawm hi Rev C Rosiama Chairman, Ethics Committee in a kaihruai a ni. Lehkhabu tlangzarhtu Rev. Lalramliana Pachuau, Chiarman MKHC chuan thusawiin, "Ethics rilru pu hian mi tinin, khua leh tui kan nihnaah kan chanvo dik tak kan chan theih nan hmalak thar zel a ngai a ni" a ti a. "Pathianin a thlan kan ni' inti siin kan \awngkam leh kan chet dan tam tak hi a rumra (violent) em em a. Nun ralmuanna kan neihna turin non-violence kan neih a ngai" ti bawk. Report bu sawi hawnna neitu Maj. Dr. J. Thanruma chuan, Ethics Committee chu 29th Jan. 2009 khan H. Raltawna IAS (rtd) kaihhruaiin, member 7 neia din anih thu leh January 2011 khan member 10 awmna din thar leh a niin Rev. C. Rosiama'n a kaihruai a, 2013 hian term a tawp leh nain sorkarin hun tawp thlenga thawk chhunzawm turin (coterminous) a pawtsei a ni, a ti a, he Committee hian sorkar ah rawtna 4 thlen tawhin rawtna hmasa ber chu kumhlui Jan. 23 khan an thehlut a, an thu thlen zingah sorkar hnathawk lian Officer pension rawih nawn chungchang, sum renchem chungchang te a tel a ni. He lehkhabuah hian Ethics Committee hnathawh te leh mi an kawm te tarlan anih laiin an inzilhna thute erawh an dah loh thu a sawi a, Ethics Comiittee chuan party \an bik leh awn bik a neih loh avangin zilh ngai nia an hriatte zilhin, fak phu nia an hriatte pawh an fak mai tih an sawi bawk.

Popular News

MZI ten thisen an pe

Serchhip-a dah tur Gas ti chingpen man a ni

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn