District Child Protection Society buatsaihin Serchhip-ah Children’s Day hman a ni.

Nimin Nov. 14, 2013 kha India Prime Minister hmasa ber, Jawaharlal Nehru pianchamphaphak a ni a, rampumah Children’s Day atana hman niin Serchhip-ah pawh he Ni pual hian hun hman a ni.

    Serchhip-ah chuan Children’s Day pual hian District Child Protection Society (DCPS) buatsaihin Serchhip P&E Veng-a BNRGSK Block building-ah hun hman a ni a, he hun hi Pi B. Lalhmangaihi, CDPO chuan khuallian nia hmanpuiin Naupangte Ni hman a nih chhan leh naupangte pawimawh zia sawiin, naupang te chu chhungkua mai bakah khawtlang tana nun tihlimtu leh chanvo pawimawh tak chang an nih thu a sawi a, heng naupang te hi nakin-a kan ram leh hnam la kaihruaitu tur an nih avangin an khawsak chhoh zelna tur kawngah uluk taka enkawl an \ul thu a sawi bawk. District Chield Protection Officer, Pi Lalsiampuii kaihhruai he hunah hian Lalramdinmawii, Protection Officer, DCPS chuan naupangte himna tura District Child Protection Society hmalakna te leh an hnathawh dan hrang hrang sawiin, naupangte himna tura thawhho a pawimawh thu a sawi bawk.
    Nimin a Children’s Day puala hun hmanna ah hian Serchhip-a zirna In zawng zawng aiawh naupangte bakah Serchhip ICDS Project hnuaia Anganwadi Centre hrang hrang a\angin naupangte an tel a, heng mite hian item chi hrang hrang an entir bakah Zoar Urban Deprived Childrens Home leh Orphanage Home a naupang ten item chi hrang hrang an entir bawk a. He Ni pual hian a hma lamin High School leh Higher Secondary School zirlaite tan Essay Writing Competition leh Slogan inphuahsiakna neih niin Middle School leh Primary School te tan Drawing & Painting Competition buat-saih a ni a, he intihsiakna a tih\ha te leh a tel zawng zawng te hnenah nimin a inkhawm ah hian lawmman sem a ni bawk. He Ni puala inkhawm neih zawh a nih hnu hian he huna tel naupangte hi infiamna chi hrang hrang neihpui an ni bawk. Nimina Children’s Day pual hian Little Flower Convent School Serchhip-ah pawh District Bawrhsap, Pi Juhi Mukherjee, IAS hovin hun hman a ni bawk a, zirlai naupang ten an thiam thil chi hrang hrang an entir a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai