Chi chungchangah sorkar in thuchhuah siam.

Food, Civil Supplies and Consumer Affairs Department chuan Chi chungchanga thuthang awm chungchangah thuchhuah siamin Chheprelh (Hoarding) leh man to a hralh chu Essential Commodities Act, 1955 dan bawhchhiatna a nih thu leh chutiang ti hmuhchhuah an nih chuan dan anga action lak a nih tur thu a tarlang.
Hemi chungchangah thuchhuah an siamah chuan Nov. 15, 2013-a thuthang enge maw avanga Chi (Salt)  man san thut chungchang enfiah turin Food, Civil Supplies and Consumer Affairs Department chuan chhuichiang tur Team siamin Aizawl veng hrang hranga Chi chheprel (Hoarding) leh a man to a hralh an awm leh awm loh endik tur a tir chhuak nghal tih an tarlang a. Nimin zinga hetiang thuthang a awm avang hian dawr lian \henkhat chuan zingkar ah Chi 100 quintals hralh hman te pawh an awm a, whole-sale dealer-te pawh in hetiang thuthang darh tur hi an hriat lawk bik loh thu an sawi nia tarlangin, Chi chheprelh leh man to a hralh veng tur leh dap chhuakturinFlying-squad leh Supply team-te Aizawl veng hrang hrangah tirh chhuah nghal an ni a, an ni hian an fang kual reng a ni. Heng bakah hian Static-squad, Mizoram atanga Chi phurh chhuah tum an lo awm palh a veng turin, Sairang road-ah leh Durtlang road-ah te duty tir an ni a, Kolasib-ah Police duty tir an ni bakah, Mizoram a\anga chhuak tur motor lo check vek turin Supply Check-gate, Vairengte hriattir an nih thu a tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai