Assembly inthlanpuia Congress tana campaign in UPA Chairperson in Mizoram a rawn tlawh.

Congress President, Sonia Gandhi chuan Assembly inthlanpui neih tura Congress party tana campaign in nimin khan Mizoram a rawn tlawh a, Lunglei-a vantlang inkhawm ah thu a sawi a ni.
Assembly inthlanpui neih tura Congress Party tana campaign in nimin khan Sonia Gandhi hian lehlangin Mizoram a rawn tlawh a, hemi pual hian Lunglei Saikuti Hall-ah vantlang inkhawm neiin Sonia Gandhi chuan Mizoram in tuialhthei leh Gas lakchhuah a\anga hlawkna a neih te chu State leh Central sorkar in zat leh zatin an insem zel dawn tih a sawi a, Mizoram in kawng hrang hrangah hmasawnna a hmu \an mek nia sawiin, Kolodyne Multi Model Project te, Tuirial Hydel project te leh Tuivai Hydel Project te pawh reilote ah a tak a hmuh a ni dawn tih sawiin, heng Project a hlawhtlin hunah chuan \halaite tan hnathawh tur a pung thur thur dawn a ni, a ti. Mizoram Sorkar hmalakna te chu \halai ten a hlawkna chharin infiamna lamah te rampum hriat phak an ni a, hmasawnna kawngah PM Rural Development-ah te hmalak a niin \henawm state te nen Rel a inkalpawhna a awm theih nan theihtawp a chhuah dawn tih a sawi a, hei bakah Tribal Right humhalh anih theih nan nasa zawk a hmalak a ni ang tih sawiin, Food Security bill pawh rethei zawk te tan passed a ni a, Indo-Bangla Border leh Myanmar nen a in sumdawntawnna a awm theih nan hmalak zel a ni ang, a ti bawk.
    MPCC President, Pu Lal Thanhawla kaihhruai he hunah hian Sonia Gandhi chuan hriselna kawngah pawh Mizoram mamawh em em Cancer Hospital khum 500 awm theihna tur siam a ni ang tih sawiin, hmeichhia te tan District Hqrs. tinah Hostel din a ni anga, Mizo \halai talent \ha tak nei te tan hian Convention centre sak a ni ang, a ti a. Mizoram chu an chhungkua a\anga an hmangaih a nih thu sawiin, a duh anga Mizoram a tlawh thei lo erawh Mizo mipui ngaihdamna dilin, Election lo awm leh turah hian Mizo mipuite khawngaihna a rawn dil tih a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni