Assembly inthlanpui neih tur atan Party te ngawrh takin an inbuatsaih mek zel.

Tun thla ni 25-a Mizoram Legislative Assembly inthlanpui neih tur atan Serchhip-a Political Party hrang hrangte chu ngawrh takin an inbuatsaih chho mek zel a, ZNP chuan nimin khan Information Office hawngin Congress party in mithar lawmluhna hun an hmang bawk.
ZNP in Serchhip Venglai Pu Vanlalhluna building-a Information Office an buatsaih hi nimin khan Serchhip biala an Candidate Pu PB. Lalsawmliana chuan a hawng a, he hun hi Pu K. Chawiliana, Sr. Vice President, MPF District Forum chuan kaihruaiin ZNP Candidate Pu PB. Lalsawmliana chuan ZNP chu |halaite mil leh khawvel mil-a sorkarna siam a, her rem zel turin a inpeih tawh tih sawiin, sorkar an siam a nih chuan tuna aia chak zawk leh fel fai zawkin hmasawnna hrang hrang te kalpui anih tur thu leh \halai te hlawhtlinna tur, Skill Development Programme siamin hna hrang hrang 2061 chuang chhawpchhuah a nih tur thu a sawi a, kalphung thara ram kaihruai tura ZNP chu enchhin turin kalkhawmte chu a sawm bawk.
    Hetihlai hian Congress Party chuan nimin khan Serchhip Bazar-a an Information Office-ah Serchhip biala an Candidate, Pu Lal Thanhawla hova inkhawm neiin an party zawm thar te lawmluhna hun an hmang a, he hunah hian Pu Lal Thanhawla chuan Mizoram bial hrang hrangah an party mipuite chu an candidate mahni duh zawng tak neilo an awm a nih pawhin Congress party a tlin leh theih nana vote chu Congress party mipui mawhphurhna a ni tih a sawi a, Party a lo awmsa zingah mithar lakluh ngai pawimawh lo leh mithar ngai thei lo an awm rem a tih loh thu a sawi bawk. He hunah hian Pu Lal Thanhawla hian an party zawm thar mi 156 te a lawmlut a, heng mite zingah hian MNF Block President hlui, Pu CL. Ramngaia bakah hruaitu lo ni tawh \hin leh ni mek te pawh an tel a ni.

Popular News

Mizoram-ah Faina Hapta hman \an leh a ni

Retailer bukna diklo 3 man