ZNP in milar candidate neilo!!

ZNP President, Pu Lalduhoma chuan, “Milar candidate tur kan neilo hi kan inchhuanna a ni,” a ti.
He thu hi Tachhip Community Hall-a vantlang inkhawm a hmanpuina ah sawiin ZNP President chuan ‘Party danga candidate turte hi milar tak tak awm mahse keini chuan sual laka fihlim leh la hming-chhe ve lo te candidate tur kan neih avangin candidate nei \ha ber party kan ni ang,’ a ti a, ‘Milar, kum khaleh chen min hruaitute khan kan ram tan an theih tawp chu thawk ve bawk mahse hei hi min hruai thlen chin a ni a, kan duh khawp lo hle a ni,’ tiin ‘Keini chuan bawlhhlawh la kai lo leh mi tha tak tak candidate tur kan nei hi party dang nen kan inan lohna a ni’ a ti bawk.
    Hei bakah hian ZNP President chuan kuthnathawktute tuarna sawiin, “Sorkar kan hrawn tawh ten a hralhna (Market) ruahman hmasa lovin, thlai chin tur min sawimawi sak a, chu chuan khaw khata mi taima te BPL hmasa ah a siam ta a ni,” a ti a, ‘Chuvangin vote kan thlak dawnin a hmawr lamah tunge awm tih hi kan ngaihtuah tur a ni a, MNF candidate in vote chuan a hmawr ah Pu Zoramthanga a awm a, Congress candidate in vote erawh chuan a hmawrah Pu Lalthanhawla a awm thung a. Heng mi pahnihte Chief Minister atan kan la duh a nih chuan an candidate kha vote mai rawh,’ a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man