Zirna In ah Nodal Teacher for Protection of Child Rights ruat vek tawh

Zirna In-a naupangte dikna leh chanvo humhim a nih theihna tura hma la turin Serchhip District-a zirna In ah Nodal Teacher for Protection of Child Rights chu ruat vek an ni tawh.
He thu hi District Child Protection Committee \hutkhawm vawihnihna nimin (Oct. 3, 2013) a an Chairman, District Bawrhsap, Pi Juhi Mukherjee kaih-hruaia a Office Chamber-a neih ah tarlan a ni a, he \hutkhawm a tel te hian heng Nodal Teacher te hi training pek vek nise tiin training pek dan tur hi DCPC Member Secretary, District Child Protection Officer ni bawk leh District Education Officer ten lo buaipui se an ti. District Child Protection Committee hi March ni 5, 2013 ah Integrated Child Protection Scheme hnuaiah District tinah Govt. of Mizoram chuan a din a, Integrated Child Protection Scheme hnuaiah hian district tinah District Level Inspection Committee din a ni a, Serchhip District ah pawh he Committee hi din a ni tawh a, he Committee hian Serchhip District chhunga Children’s Home (Zoar Urban Deprived Children’s Home leh Orphanage Home) te quarter tinin an endik \hin a, he endikna report hi DCPC ah hian pek niin nimin \hutkhawm ah hian heng Home te mamawh chu sawihoin \anpui theih dan tur leh hmalak zel dan turte pawh an sawiho nghal bawk a ni. Nimin \hutkhawm ah hian DC, SP, DCPO, CMO, DEO leh YMA Sub-Hqrs. Serchhip aiawhte an tel a ni.

Popular News

Mizoram-ah Faina Hapta hman \an leh a ni

Retailer bukna diklo 3 man