Vote tla a \hat theihna tura Serchhip-a hmalak dan Election Observer in a rawn enfiah.

Assembly inthlanpui neih tura Serchhip, Lunglei, Lawngtlai leh Saiha District tana Election Awareness Observer atana ruat Pu Pankaj Pandey, IIS chuan Inrinni khan Serchhip rawn tlawhin inthlanpui lo awm tur atana a inpuahchahna te a hmunah a rawn enfiawh.

Election Awareness Observer, Pu Pankaj Pandey, IIS hi inthlan lo awm turah mipui tam thei ang berin vote an thlak theih nana sorkarin SVEEP campaign hmanga hma a lak dan te rawn en berin hemi bawhzui hian Inrinni chawhnu dar 1:00 khan Serchhip District Bawrhsap pisa-ah inthlan buaipuitu official te leh inthlan kaihhnawih Committee hrang hrang a hotute bakah tlawmngai pawl hruaitute a kawm a, inthlanpui atana Serchhip District Administration hmalakna chu fakawm a tih thu leh tih tur \ul leh pawimawh zawng zawng chu \ha taka hlen vek tawh nia a hriat thu leh thawktute inpekna chu ngaihsanawm a tih thu a sawi a ni. Hemi hnu Inrinni vek khan Aizawl lamah a let lehin nimin khan Aizawl-ah a cham a, ruahman lawk ang chuan Vawiin hian Aizawl a\anga lo chhuak lehin Thenzawl, Serchhip leh Hnahthial khuate tlawhin a Voter’s Fecilitation Centre te a tlawh ang a, tlaiah Lunglei a lut ang.
    He inkawmhona hi District Bawrhsap Pi Juhi Mukherjee IAS chuan kaihruaiin Bawrhsap chuan sorkar in inthlan lo awm turah mipui vote nei tam thei ang berin vote an thlak theih nan kawng hrang hrangin mipuite hnenah zirtirna pek an nih thu a sawi a, chanchinbu leh TV lamah te programme neih niin district chhunga cable TV Operator leh Sub-Operator zawng zawng hnenah pekchhuah a nih thu leh tlawmngai pawl te kaltlanga a remchan dan ang anga vote thlak pawi-mawhzia zirtirna pek an nih thu a sawi a. Hei bakah hian Anganwadi Worker leh ASHA worker te hmangin vote nei awmna in zawng zawng luhchhuah vek tura hma lak mek a nih thu pawh sawiin, Mizoram-ah inthlanna muanawm leh fel fai tak kan neih ngei a beisei thu a sawi bawk a ni.