Vote thlak \heuh dan tur sawihona neih a ni.

Assembly inthlanpui neih turah vote nei thei zawng zawng ten vote an thlak \heuh theihna turin State Level Systematic Voters Education & Electoral Participation (SVEEP) workshop chu MZP Conference Hall, Treasury Square ah neih a ni.
Election Department buatsaih he Workshop-ah hian India khua leh tui, kum 18 tling chin apiangte chu Electoral Roll-ah inziak lutin, ram hruaitu thlannaa mahni vote hlu tak thlak \heuh turin Election Commission chuan a beisei tih tarlan a ni a. Vote nei zawng zawngin vote an thlak theih nan SVEEP hmangin beihpui thlak chhoh mek a ni. SVEEP tihhlawhtlin nan hian zirlaite zinga hma la turin school leh college hrang hranga zirtirtu 47 chu Campus Ambassador ah ruat an ni a, mipui inzirtira infuih nan radio leh television & cable TV lamah te chhuah turin video clip te buatsaih a ni bawk. Inthlannaa mi \henkhatin vote an thlak peih lohna chhan pakhat chu Polling Station pakhata voter tam lutuk avanga rei tak tak intlar ngai \hin hi a ni tih hriain hemi tihbo nan hian tun \umah chuan Polling Station tinah voter 1200 pel lo turin Polling Station siamremna (rationalisation) tihfel niin a thar 58 lai siam belh a ni a, vote thlak turin rei tak nghah a ngai dawn tawh lo a ni. SVEEP vang hian Tripura leh Karnataka State ah te chuan vote thlak zat nasa takin a pung a, chutiang chu Mizorama tun tum inthlanna turah hian thlen ve ngei beisei a ni a. Mipui rorelna sorkarah sorkar dik leh fel siamtheihna tura kawng \angkai ber chu vote thlak that hi niin hei hi SVEEP thiltum ber pawh a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai